اذا رفعت الباترول ربع فتك من ورا بياي استرالي هل يقر القير ؟ وكم سم ؟ العون يا رجال

[ABO ZID]

السلام عليكم ورحمة الله وبركاته


عندي باترول فتك ربع 12 وابي ارفعه من ورا بياي استرالي ومحتار بين 1 ونص سم و 2 سم و 3 سم وش الافضل؟ وسمعت انه اذا رفعته القير يبدا يقر ولازم انزله صحيح؟ ومتى يقر ؟ اذا رفعته كم سم ؟



لأهل الخبره

[ovls]

وعليكم السلام
انا عندي ربع رفعته 4 سم بكعكات وطلع صوت العمود وليس القير.. بس اذا عبيت التانكي حق الماء 100 لتر ينزل الموتر تقريبا 2 سم وتروح السحه
انصحك جرب كعكات قبل الياي لانه تجربة غير مكلفة

[][][زلفاوي][][]

معي ربع 2004 مركب له يايات خلفية 5سم + كعك 2 سم والامامية 4سم وخذ لك من الاصوات :D لحون لكن على قولهم اذا عبيت التانكي وحملت الاغراض بالموتر اختفى كل شيء.. فلا تشيل هم.. وما انصح بتنزيل القير مطلقاً..

[ابن المهد]

السلام عليكم ورحمة الله وبركاته




عندي باترول فتك ربع 12 وابي ارفعه من ورا بياي استرالي ومحتار بين 1 ونص سم و 2 سم و 3 سم وش الافضل؟ وسمعت انه اذا رفعته القير يبدا يقر ولازم انزله صحيح؟ ومتى يقر ؟ اذا رفعته كم سم ؟





لأهل الخبره

وعليكم السلام
انامركب 4سم واسمع صوت اذا هديت يعني اذا كنت امشي 140 ورفعة رجلي عن الدعسه اسمع صوت اشوي وبعدين ينقطع وانا عارف انها من اليايات بس وديتها كم مهندس ولا اقتنعت ابكلامهم احد قال كنداسه واحد قال رمان وانت جبتها ألآن وأكدة لي
4سم والسياره فاضيه ايطلع صوت عند التهديه من السرعه 120 وطالع من واقع تجربه

[مخ سعودي]

ركبت البارح يايات استراليه من عند الرمايه 750 ريال مع التركيب ارتفاعها 5 سم ولم الاحظ منها شي سوى اننني اعجبت بها

[سقم المعادي 1]

انا رافع الموتر 5 سم و فيه صوت حره تطلع بعد 140 لكن اذا عبيت الموتر عفش خف الصوت ولا تفرق معي لاني منب راعي سرعه 140 هذا حدي


عذراً ما انتبهت انك تسأل عن الباترول انا معي لاندكروزر و اتوقع نفس الشغله ماتفرق

[حبيب الامس]

ينزل القير ولا جسر القير معه ياليت احد يفيدنا يالربع

[ABO ZID]

مشكورين ما قصرتو .. طيب ما فيه احد يعرف عن 3 سم او 2 ونص او عالاقل 2 ؟ او يعرف احد خبره بهالامور ؟ افيدونا يا اخوان ونورو عقولنا .. ننتظر المزيد

[ABO ZID]

مع العلم ان القير تماتيك

[راعي المجهم]

راح يخرب عليك الدفرنس الخلفي رفعنا جيب من ورى 3 سم بعد فترة خرب الدفرنس الخلفي صوت جرش وصوت عرررة

بسبب عدم اتزان عمود الكردان مع الدفرنس نصيحة لا ترفعه ابد

وين بتروح ياخوي بتمشي فوق الجبال ولا فوق الحصى ارتفاعه يمشيك في اي مكان

[Abo_Faisal_506]

راح يخرب عليك الدفرنس الخلفي رفعنا جيب من ورى 3 سم بعد فترة خرب الدفرنس الخلفي صوت جرش وصوت عرررة

بسبب عدم اتزان عمود الكردان مع الدفرنس نصيحة لا ترفعه ابد

وين بتروح ياخوي بتمشي فوق الجبال ولا فوق الحصى ارتفاعه يمشيك في اي مكان


يمكن عندك مشكله غيرها
انا رافع ربع 2003 3 سم استرالي ولا شفت منها شب ولله الحمد الا الحره فقط واذا حملت راحت

واتوقع مثل ماقال اخوي قبل ركب كعكه وشف وش بصير

[محمد 11411]

اذا رفعت الباترول الربع لااازم تنزل قيره ٢ سم تقريبا
لأن عموده قصير
وطريقة تنزيله بسيطه ما تاخذ اكثر من ساعه للعليمي
تحت القير فيه الكمر اللي يشيل القير
ومربوط بالشاسي بأربع مسامير من كل جهه
كل اللي عليك انك تفك هالمسامير وتحط وردات بين الكمر والشاسي بمكان كل مسمار
بحيث يدخل المسمار بالوردات بشرط تكون الورده كبيره شوي عشان ما تسقط بوسط الكمر

[حطاب الشمال]

اذا رفعت الباترول الربع لااازم تنزل قيره 2 سم تقريبا
لأن عموده قصير
وطريقة تنزيله بسيطه ما تاخذ اكثر من ساعه للعليمي
تحت القير فيه الكمر اللي يشيل القير
ومربوط بالشاسي بأربع مسامير من كل جهه
كل اللي عليك انك تفك هالمسامير وتحط وردات بين الكمر والشاسي بمكان كل مسمار
بحيث يدخل المسمار بالوردات بشرط تكون الورده كبيره شوي عشان ما تسقط بوسط الكمر

[اشكرك من كل قلبي لان فكرتك تخدم ناس كثيره وانا منهم ]]]]]

[صالح ابو وليد]

الصوت من العامود

[ABO ZID]

طيب وش رايكم بأثنين سم من ورا ؟ (ياي استرالى) وهل رفعت الكعكات تختلف عن الياي ؟ يعني مثلا لو ارفعه 4 مافي مشكله ؟

[Abo_Faisal_506]

طيب وش رايكم بأثنين سم من ورا ؟ (ياي استرالى) وهل رفعت الكعكات تختلف عن الياي ؟ يعني مثلا لو ارفعه 4 مافي مشكله ؟

رفعت الكعكه نفس الياي لاكن يصير الحمل على ياي الوكاله واذا حملت نزل الموتر بقول
الاسترالي له اوزان لو تحمل ماينزل ويصير ثابت

[محمد 11411]

[اشكرك من كل قلبي لان فكرتك تخدم ناس كثيره وانا منهم ]]]]]

العفو
الطريقه هذي انا مسويها على موتري
ربع فتك قير تماتيك
وما فيه حره سواء كان فاضي ولا فيه عفش

[قاعس]

اذا رفعته بأكثر من 2سم بيطلع صوت يضيق الصدر انارفعت موتري ربع فتك 3سم بياي وطلع الصوت ورحت ونزلت القير 2سم وبرضو يطلع صوت اخر شي رجعت للكعكات 2سم

[مليار]

انا ركبت ياي استراي اصغر مقاس وطلع صوت انصحك لا تركب قو المساعدات وخل يايات شد بلد

[ابو نايف 10]

انا مركب ياي استرالي من الرمابه اللي ع طريق خريص 2 سم ولا شفت مشاكل والموتر تحط اللي تبي ولا ينزل ولا اصوات ولاشي ورفعته ممتازه جداا الموتر فتك ربع 2012 قير عادي

[عبدالرحمن.1]

حبيبي انا مركب كعكات 2.5سم افضل رفعه وﻻ فيه شي

[اتجاه السحاب]

ركب بالون بوسط الياي أريح من الياي الأسترالي
وتقدر تتحكم فية عن طريق نفخة أو تنسيمه ..