ما هو نوع مساعدات الشاص التيوتا الي تركب على الفتك

[بن جلاجل]

السلام عليكم ورحمة الله وبركاته
اخواني بعضنا جرب مساعدات الشاص التيوتا على الفتك الصالون ونعرف جودتها انا رحت باشتريها من الوكاله قالو فيه نوعين وسعر الواحد باربعميه وانا اخبر ان الواحد بتسعين ريال في ليت الي عنده خليفيه يعلمنا وش النوع ووين البيع لو حصل في شمال الرياض
شاكر للجميع,,

[ابو فهد...]

رح لم منيف النهدي او الضحيان او الرشيد قدام مساعدات شاص من ٢٠٠٠ الى ٢٠٠٠٦ نفس الشي
والخلفي نفس الشي من ٢٠٠٠ الى ٢٠٠٦
الاماميات سعرهن ٢٥٠ الى ٣٠٠
والخلفيات سعرهن من ٢٠٠ الى ٢٥٠
منب متذكر بالظبط
قبل شهر شاريهن

[التعـ King ـديل]

الخلفي شاص 2000 سعرها 180 ريال الطقم

الامامي فكسار سعرها اعتقد 250

[مهند 2009]

وعليكم السلام

بالنسبة لمساعدات الشاص فيهن قساوة هن والفكسار

انا ركبت مساعدات جي اكس مستعملات الصراحة حلوات ماشاء الله

تجربتي للمساعدات الخلفية فقط

[sgl2002]

يارجال ركب ولاتشاور

انا مركبها من سنه ما جاها شي


اشتر حقت ٢٠٠٦ اللي ب١١٠ للواحد


ومساعدات الفكسار طويله ماتصلح يدق المساعد بسرعه

[مزدهر]

امامي مساعد شاص او ربع امامي من مديل ٢٠٠٠ واحدث
اما الخلفي مساعد حوض خلفي ٩٩ واقدم

[حفيد بن صعصعة]

انا مركب قبل اسبوعين طقم قدام ورا بي 480 على شاص نيسان ولا احسن منها وكلها من 2000-2014 زي بعض اتوقع
رح لورشة مرات بالصناعيه القديمة عند المحل نفسه ويركبها لك

[بن جلاجل]

عافاكم الله جميعاً على هالتفاعل
شاكر لكم..

[محنك]

ركب مساعدات دينا ..... علاااج

[11عبدالرحمن11]

السلام عليكم ورحمة الله وبركاته



اخواني بعضنا جرب مساعدات الشاص التيوتا على الفتك الصالون ونعرف جودتها انا رحت باشتريها من الوكاله قالو فيه نوعين وسعر الواحد باربعميه وانا اخبر ان الواحد بتسعين ريال في ليت الي عنده خليفيه يعلمنا وش النوع ووين البيع لو حصل في شمال الرياض
شاكر للجميع,,



ملاحظة مهمة

اذا موترك عليه ياي استرالي اعلى شي وكفراتك عادية بتصير قاسيه مره ..

اذا قصدك ودك تجهز موترك للبر .. مساعدات الشاص + ياي استرالي اعلى شي من ورى .. ومن قدام المقاس الوسط + كفرات بالبالون = راح يظبط موترك

[باوزير]

ايش المساعدات التي تصلح للبرادو الجديد