نصيحتكم اكسبلورر والا فوتشنر

[شرقا]

السلام عليكم

اخواني الكرام..اريد شراء سياره..وكاله او شبه جديده..من الموديلات الحديثه
وماني مستعجل من اليوم الى رمضان المبارك
طبعا لا ارغب التاهو واليوكون..اريد حجم الفوتشنر والاكسبلورر فقط(وماقاربهما)

ما اريده بالسياره التالي:
1- تكون عائليه بالدرجه الاولى
2- تكون عمليه وتتحمل ومريـــــــــــــــحه
3- اذا تساوت كل الصفات او تقاربت..فالسعر الارخص اكيد ارغب فيه
4- لابد تكون مواصفات السيارة وسط,فيها كاميرا خلفيه ومقاعدها مخمل

[بيق مان]

فورتشنر ستة سرندل ولا تشاور .. الاكسبلورر حساس جدا وغير عملي

[مشلخ الذيب]

فيه تفاوت بينهم ياخوي

انا اقترح البرادو

[صفحة تربوية]

فورتشنر 6 سلندر

ونصيحة انحش عن الإكسبلورر

[غواص وقناص]

انا اقولك فورتشنر V6 ايذا على المواصفات اللي انت طالبها
الرفاهية وسط الراحه وسط التحمل قويه جداً عملي بحت
الأكسبلور
الرفاهية ممتاز الراحة ممتاز التحمل وسط استهلاكي بحت

هذي وجهت نظري المتواضعة
تقبل مروري

[abusaqer]

انا اقولك فورتشنر V6

[محب الجهاد]

فُرَّ من الاكسبلورر فرارك من الأسد ما ينفع بريال استهلاكي بشكل كبير ولا يتحمل ولا يقارن بالفور شنر رغم أنه من ناحية الراحة فقط أفضل من الفورتشنر وأفضل منهما بشكل عام البرادو رغم تفوق الفوتشنر في البر بكثير

[شرقا]

الله يجزاكم خير اخواني

لا اخفيكم كان ميلي بالبدايه للاكسبلورر..لكني احسه ثقيل دم..وفخم للي يحبو المظاهر

وايضا اختلف الناس في تحمله, ناس يقولون حق كرف..وناس يقولون حساس ومايسوى

لكني بدأت اميل للفوتشنر لانه عملي ,وشكله هادي مافيه بذخ وغير ملفت للنظر

لكن في ناس يقولو انه غير مريح ,كانك راكب هيلوكس؟؟

فالشكل عادي باتقبله...لكن الراحه؟؟؟

هل عندكم طرق اخليه مريح كالاكسبلورر ..مثلا بنوع كفرات معينه او اركب له مساعدات خاصه...او او

انتم اهل المعرفه بالسيارات اكثر من اخوكم ومانستغني بارك الله فيكم

... وبالذات اللي معهم من السيارتين الموديلات من2012 وجاي, ياليت يضيفو نصايحهم من واقع تجربه...

* للمعلوميه: ماني حق بر نهائيا

[نايس × كول]

عندك الباث فندر 2014 حلو تبي فل بنوراما وفخم

او الارمادا

او الباترول 2014 استاندر حلو احلا من كل السيارات

[رسيس نجد]

انصحك من تجربه ابتعد عن الأمريكي 0
الفرتشنر ست سرندل لايعلى عليه 0 انا مجربه كد ومد يالله لك الحمد والشكر 0

[ابونبيل]

فورتشنر الاكسبلور سياره متعبه جدا بتبهذلك بالخرابات مع انها اريح من الفورتشنر

[ابوشاهه]

ان كان عيالك شويين او توك متزوج فعليك فالفورتشنر افضل ...وان كان العيال فيهم بركه وكثيرين فاشتر هذا الامريكي مدري وش اسمه ...

[خبايا انسان]

فوتشنر ٦ سرندل

[الدبل الثقيل]

انته تقول: ماني حق بر نهائياً
ليش تشتري سيارة دفع رباعي؟!
كل سيارات الدفع الرباعي غير مريحة بالنسبة لشخص لايحتاجها
كان عندنا فورتشنر والان عندنا اكسبلورر
نصيحة شوف سيارة مريحة وفيها مواصفات وجربها قبل ماتشتري
افضل من انك تدفع قيمة في جيب ماتحتاجه

[شرقا]

انته تقول: ماني حق بر نهائياً
ليش تشتري سيارة دفع رباعي؟!
كل سيارات الدفع الرباعي غير مريحة بالنسبة لشخص لايحتاجها
كان عندنا فورتشنر والان عندنا اكسبلورر
نصيحة شوف سيارة مريحة وفيها مواصفات وجربها قبل ماتشتري
افضل من انك تدفع قيمة في جيب ماتحتاجه


ودي بسياره عايليه..لكن ايضا خفيفه

يعني جمس او اكسبدشن ما احتاجها ولا ارتاح لها

وعايلتي متوسطه ماتحتاج جمس...لكن ايضا اكبر من ان تصلح لها السيدان

اما الدبل فاحتياط فقط..يعني اضافة خمس الاف ويكون عندي دبل وقت الحاجه لاسمح الله

واي نصيحه اتقبلها لاني ماقررت باقي

لكن الميل بكفة الفورتشنر 6 سلندر حتى الان

[You Like Me]

وعليكم السلام ورحمه الله

اخوي مدامك منت راعي بر ولو دخلت البر دخلاتك عائلية وبسيطة

ليه ما تضع الـ دودج دورانجو في قائمه خياراتك افضل مو الاثنين جميع

مواصفات وامان وراحه واقل فئة افضل مواصفات من الفورتشنر الفل كامل

يعيبة وكيلة فقط وهذي مشكلة جميع الوكلاء عندنا ما وقفت عليه

والاهم من هذا وهذا عليك بالاستخارة قبل أي شي

والله يكتب لنا ولك اللي فيه الخير

[صفحة تربوية]

فورتشنر 6 سلندر فئة VX1

ركب كفرات دنلوب 265 / 65 / 17

أو هنكوك 265 / 65 / 17

بتدعي لي

[Abo_Faisal_506]

الفورتنشر زين
لاكن شف الاكاديا من GMC
او الباثفندر الجديد

[abu-turki2009]

فوتشنر v6 الأفضل

[شرقا]

فورتشنر 6 سلندر فئة VX1
ركب كفرات دنلوب 265 / 65 / 17
أو هنكوك 265 / 65 / 17
بتدعي لي

ادعي لك من الان انت وكل المشاركين بذا الموضوع

ان الله يوفقني واياكم,ويكتب لنا مافيه الخير لنا دنيا واخره...ويصرف عنا كل شر

انه سميع بصير

ونصيحتك هذي بتكون حاضرة...واعرف انك تقصد ان اركب كفرات تكون اكثر ليونة مع المطبات

...........................................

بالمناسبة وش اخف انواع الجنوط

اظنه الالمنيوم اليس كذلك؟؟؟؟؟؟؟؟؟؟

................................

الفورتنشر زين
لاكن شف الاكاديا من GMC
او الباثفندر الجديد

يبو فيصل
كثير من الناس مامدحوها الاثنين

[سيف وقلم]

لو كنت مكانك, بأشتري الفورتشنر.

[مظلووم]

نصيحه لوجه الله الفورتشنر عباره عن هايلكس مصندق غير مريح ابعد عنه يكسر الظهر

[كم كيلو باقي]

انت تسأل بمنتدى مكشات
مع الاحترام الشديد لكل اللي فيه لكنهم راعين بر وتكسير سيارة فلذلك الاكسبلورر بالنسبة لهم غير عملي لأنه مايتحمل استعمالهم
الفورتشنر عبارة عن تصميم غبي وسريع الانقلاب وارتفاعه غير متناسب مع شاصي الهايلوكسات اللي عليه
اخي الكريم استأجر الموتر وخذ اي لفة وانت بسرعة متوسطة الموتر غير راسي ابدا والعزل سيء
تمشي 120 كنك بالشارع
طبعا بالنسبة لراعي البر والطرد الموتر عزله عزل مرسدس لان كل سياراتهم ونيتات وباترول 97
لكن انت معك عائلة واستخدامك غير استخدام الشباب اللي بالمنتدى
وصدقني على استخدامك لو تاخذ أكثر موتر حساس بيمشي معك بدون خرابات بإذن الله
مر الوكالات عندهم تجربة قيادة مجانية وجرب الاثنين + مر قطع الغيار وسعر القطع للاثنين
الفورد رخيصه قطعه وعملية لكن الناس ماخذه فكرة من زمان ان الامريكي قطعه غالية ومعممين هالمبدأ على كل الامريكي
والحين الاندكروزر اغلا قطع من كل سيارات الامريكي ومع كذا يشترونه ومبسوطين بسعر القطع
اسأل وشاور بمنتديات سيارات عادية مب منتديات طلعات برية لأنك منت راعي بر يالغالي
وأتمنى لك كل التوفيق والبركة بسيارتك المستقبلية

[خالد سلمان]

اخوي بأعطيك معلوماتي من تجربة .
الفورتشنر ٦ سلندر :
مميزاته / محرك قوي و متماسك ، قطع متوفره ، في البر والتغريز بطل
عيوبه / فرامل سيء خصوصاً الفرمله المفاجأه ،، لأصحاب التطعيس والتسييف سريع الانقلاب

الاكسبلورر ؛
مميزاته / الشكل متناسق وخصوصا داخل المدن ، مريح ، سيارة عائليه للشخص المحافظ
عيوبة / مايصلح للبر والجلد ، خرابات اكثر ، حساس ، لايمسك سعره عند اعادة البيع .

[Abo_Faisal_506]

الاكسبلورر
مع احد اخوياي شباب لاهو محافض ولا هو كارف و ماشاء الله ماشي معه ولا اروع
كل السيارات يقولون حساسه لاكن عن تجربه كل الامريكي يصبر وانا كنت ماوي على سوبربان قالولي عيوب اعوذ بالله والحمدلله شويته وله حول ٣ سنين
الامريكي راحه ووسع وصببر

[سبيل الرشد]

أنا ودي أضيف اقتراح جديد ...وش رايك ب الباجيرو ؟؟
أتوقع أنه يفي بمتطلباتك ...

[باوزير]

كم الميزانية

[عبدالله 05]

فورتشنر 6 سلندر وريح راسك

[شرقا]

وفقكم الله يا جماعه

اللي افهمه ان الفورتشنر خدوم ويتحمل...ومشكلته انه غير مريح جدا, وربما غير امن لانه يقبل الانقلاب بسهوله؟؟؟

اما الاكسبلورر فمريح وتقنيته عاليه, لكنه يهربد بسرعه ويخراباته كثير؟؟؟

طبعا في فرق بالسعر, وتذكرو دايما الكلام على نصف الفل,او كيمرا خلفيه..وكلما نقص السعر فهو افضل لي ولميزانيتي(( ولذلك انا مخطط اشتري برمضان للتوفير واغتنام اي عروض))

وللعلم اكرر...ماني حق بر..

[غار بن شعلان]

السلام عليكم

مابعد كلام اخوي كم باقي كيلو شي عطاك الزبده الاخوان الي علقو ع الاكسبلورر الظاهر انهم راعيين وعر ومطامر ولذلك اتفق معهم انهم ماهو مخصص للجلد والمطامر

لكن ارشحه بقوه كانك راعي ديره وبر خفيف تراك بترتاح معه وانشهد انه موتر ولايطلب وللمعلوميه شركه فورد من افضل الشركات الي سياراتها عمرها طويل والي يقول غير هالكلام ماجرب فورد انا مجربه انشهد انه صبوره وتتحمل الويل وقطعها رخيصه جميع سيارات فورد مقارنه بالتايوتا

وانا ماتكلمت عن القطع الا لانو البيت فيه تايويتا عند الاخوان وانا عندي فورد فرق شاسع بالاسعار لصالح الفورد من ناحيه قطع غيار

وللمعلوميه انا نسيبي عنده فورنشر غير مريح بتاتا لا لك ولالعيالك ومراتبه ضيقه ومافيها ابسط راحه وغير كذا مطبه شين يمزع جنوبك من تجربه باختصار هو هايلوكس مصندق مثل ماتفضلو الاخوان

وللمعلوميه ماهو شرط تاخذ اكسبلورر وتحدد خياراتك بين هالسيارتين عندك سيارات اخرى تقدر تقارن بينها

[شرقا]

حياك الله اخوي غار بن شعلان

بس بالصدفه امس دخلت منتدى فورد العربيه

وقريت مميزات قلت خلاص باشتري اكسبلورر من كثر مامدحوه

ثم خشيت منتدى الاكسبلورر العام

فلقيت انواع المشاكل...وموديلات حديثه

وناس يحلفون ان استخدامهم حشمه لموديلات2013 و2012....ومايعرفون البر

لكن مشاكله كرهتهم فيه((( بعضهم كان من المادحين لمميزاته لكنه غير وقلب على الاكسبلورر بعد التجربه))

[S.A.F]

فورتشنر وانت مغمض حمار مكده وانتم بكرامه تجربتي الخاصه

[شرقا]

الميل بنسبة كبيره للفورتشنر 6سلندر....ولو انه مخيف لتحذير الاعضاء وتركيزهم على عيبين كبيرين فيه:

1- سرعة انقلابه
2- قوة مطباته وعدم الراحه فيه,وهذا شبه اجماع..(( مدري الكفرات وتلبسة المقاعد ممكن تخليه انعم))

اما الاكسبلورر...فشبه محذوف, بسبب خراباته اللي شهد بها اصحابه

[سقم المعادي 1]

اولاً اهم شيء تاخذ موتر دبل .. لأنه بيجي يوم تقول ياليت و مافيه احد مايكشت ابد يجيك ولو يوم واحد كل سنه تكشت فيه ولا صار موترك دبل يريحك و تتمشى بروقان بدون ماتحشر الموتر .. و حتى في الديرة لو شارع يتقفل قدامك زي مثلاً ايام الامطار اللي راحت نص شوارع السلي غرقانه و اضطر اني ارقى الرصيف و المواتر السيدان ترجع مسافه لكن اشبك الدبل الخفيف و ارق الرصيف .. وانا ما اشجع على هالشيء بس اوضح لك بعض المواقف اللي ممكن تحتاج فيها للدبل .. و كذلك عند البيع الموتر اللي فيه دبل افضل من الموتر اللي بدون حتى لو كان اللي بدون دبل انظف محركات تلقى الجيب اللي منعلك علك و مهربد زباينه اكثر من غيره من المواتر

و اختيارك للاكسبلورر موفق مع اني ماجربت الجديد نهائياً لكن على سمعه الاكسبلورر الجيل السابق كان رائع ولو ان عندي تحفظ على شكله الجديد

او عندك نيسان باثفندر الجديد

http://img.bdr130.net/13/07/%D8%B5%D9%88%D8%B1%D8%A9_%D8%AF%D9%88%D8%AF%D8%AC_ %D8%AF%D9%88%D8%B1%D8%A7%D9%86%D8%AC%D9%88_2013_h. jpeg

3 صفوف مقاعد و دبل انصحك تمر على العيسى و تطلب منهم تجربه للسياره يمكن تجوز لك


او عندك خيار اخر المازدا CX9

http://www.saudishift.com/wp-content/uploads/2012/12/mazda-cx-9.png

[Abo_Faisal_506]

لا تبدع عن الامريكي دامك راعي سفر وليس بر
الفوتشنر ماينفع سفر وغير مرييح

[ابوسعوداليحيى]

معي اكسبلورر 2010 و لله الحمد مرتاح فيه بران و سفر
دائماً مكاشيتي فيه بالصيف و الشتاء ان ابطيت عن البر 3 اسابيع و لله الحمد .
ملتزم بالصيانه مع الوكالة يوم بيوم اهم شيئ .
و جدت فيه الراحه و المركب و أفضل الامريكي لان سياراتهم ثقيله دائماً .
سبب الشراء :
كنت ابحث عن افضل خدمه بعد البيع جربتها في شفرولية ثم تويوتا و جدت فورد افضلهم و لاكون منصفا افضل السيئين .
اسال الله ان يرزقك بالسيارة اللي ما تشتكي و لا تتعبك ماليا و يبارك لك فيها و في ممشاها.
محبكم



Sent from my GT-N7100 using Tapatalk 2

[بيق مان]

خذ باجيرو افضلك من الاثنين.. من جميع النواحي واولها السعر في المعارض او العرض من عند الوكيل.. اهم شي انحش عن الاكسبلورر.. واسمحلي ترى اللي يمدحه ما جربه مثلي والفورد مو كلها واحد.. فيه من جرب الفكتوريا ويقيس عليها الاكسبلورر مثل بعض الأخوان اللي ردوا أعلاه.. الفورتشنر الجديد الفل ممتاز أيضاً ومريح ومميزاته رائعة تغير عن السابق جربه عشان تقتنع ولا هو لم الهايلوكس فرق شاسع يا رجل.. الإخوان اللي يقولون هايلكس مصندق خبرهم عتيق

[محب شبة النار ـــ بريدة ـــ]

خذ فورتشنر 6 سلندر ولاتشاور

[محمد.]

اخي العزيز
السلام عليكم ورحمة الله
اعلم انك في حيرة ولكن كل يمدح سوقه اللي ربح فيه وانا اقولك بالنسبة لموديلات 2012 ومافوق للاكسبلورار فيها مشاكل كثيرة من ناحية حساسيتها ولكن الشكل القديم 2010 جيد على حسب استخدامك انا له معي ثلاث سنوات ولله الحمد ماشكيت الا من النور لان نور الفورد عموما ضعيف وغيرها ولله الحمد ماشكيت طبعا اي سيارة تهملها تهملك فالصيانة مطلب في اي سيارة وكلا السيارتين ستة سلندر وكلاهما ثلاثة مراتب والفرق بينهما الراحة الاكسبلورار مريح جدا والفورشنر غير مريح اما بالبر ماتفرق معك الراحة كلها نفس المشكلة اما الوكلاء فصيانة فورد رائعة اما عبداللطيف جميل فمن اهم مشاكلهم انك ماتقدر تفرق بين الاصلي والدبي بالقطع حتى بالوكالة وادخل منتديات تويوتا العربية وشف المشاكل الاضافة اللي باضيفها لك شف مستوى رفعة الفورشنر عن الارض وشف الاكسبلورار كيف بالنضر قبل تعرف ايهما ارسى ولك الاختيار انا تعبت قبلك لاني مثلك ماني اطلع البر الا مرة كل ثلاثة شهور فلذالك مالي حاجة بسيارة صلبة تكسر الظهر وهذا ناسبني مررره

[ماركة أبوجمل]

الاكسبلورر ليس جيدا

[القناص GXR]

وجهة نظري دامك منت راعي بر خذلك اسكالد من كادلاك سيارة كبيرة ومريحة وفخمة وإذا نويت تتنزه بالبر بتشفي قلبك بس إذا ودك خذ القصير .
خذ من 2008 وفوق .
أسأل الله أن يخيرك لما فيه الخير

[مطر وسم]

نصيحه ابتعد عن الاكسبلور واي سياره امريكيه من الموديلات الجدد خرباتها كثيره ومشاكل الكمبيوتر والحساسات والحراره



عليك بالتايوتا الفوتشنرعطي الله لا حراره ولا صرفية بنزين ولا خرابات مريح في السفر والبر والعزم قوي يطربك حتى لو بغيت تبيعه مايخسرك قيمته فيه شيك في الجيب



تحياتي للجميع

[بائع الحوض]

من أسوأ السيارات التي جربتها في حياتي ما يسمى بالفورتشنر !!

سيارة دنيئة جداً و والراحة فيها شبه معدومة وقيادتها كريهة !!


أكاد أجزم ان من انتقد الاكسبلورر لم يجربه !

الاكسبلورر الجديد والقديم عملي وقليل الاعطال ويعيش لمدة طويلة مع الرجال ، أما المراهقين والسفهاء والأطفال فلا يناسبهم !!

سيارة تمتلك ميزات عالية جداً إضافة ألى الراحة ومتعة القيادة وتوفر وسائل الامان والتقنية العالية !

[Abo_Faisal_506]

نصيحه ابتعد عن الاكسبلور واي سياره امريكيه من الموديلات الجدد خرباتها كثيره ومشاكل الكمبيوتر والحساسات والحراره



عليك بالتايوتا الفوتشنرعطي الله لا حراره ولا صرفية بنزين ولا خرابات مريح في السفر والبر والعزم قوي يطربك حتى لو بغيت تبيعه مايخسرك قيمته فيه شيك في الجيب



تحياتي للجميع



هل جربت ولا لا ؟
انا معي سوبربان 2007 وماشاء الله
صابر ولاقال شي وفي البر الفوتشنر 6 ولا 4 مايمشي معي مع اني دبل وزنه وزياده الامريكي اذا حشمته حشمك تستهبل بيحوسك

[كم كيلو باقي]

نصيحه ابتعد عن الاكسبلور واي سياره امريكيه من الموديلات الجدد خرباتها كثيره ومشاكل الكمبيوتر والحساسات والحراره



عليك بالتايوتا الفوتشنرعطي الله لا حراره ولا صرفية بنزين ولا خرابات مريح في السفر والبر والعزم قوي يطربك حتى لو بغيت تبيعه مايخسرك قيمته فيه شيك في الجيب



تحياتي للجميع



خبرك عتيج يالغالي :)

[باحث بأمره]

الاكسبلورر لو انهم يوزعونه مجانا

ابعد عنه

[شرقا]

الاكسبلورر لو انهم يوزعونه مجانا

ابعد عنه


هههههههههههههه

بيني وبينك..كان هو اولويتي...شكله والرفاهيه اللي فيه مميزه>>( ولو ان شكله الخارجي مترف بزياده وملفت للنظر,وانا لا احب الترف الزايد)

لكن دخلت منتدى فورد العربيه..وقريت ما جعلني اصرف النظر عنه نهائيا

اما الورتشنر فشكله ماهو بطال>>وماهو حلو كثير<<< وسط

ورحابته وسط ويناسب العائلات المتوسطه والصغيره

يعيبه كما لاحظت من التعليقات
1- مطباته قاسيه>>> والبعض يقولون كفر لين بيقلل صلابته
2- سهل الانقلاب>>>> عز الله انها مشكله الى حد ما
3- الفرامل عليها ملاحظات>> مدري عن2014 يمكن يتغلبو عليها

طبعا انا منشن على 6سلند VX1

[جيب 56]

أخوي أنصحك صراحة بالفورتشنر ولو أني أشوفة ك شكل خارجي فهو سئ من وجهة نظري

بس موتر مكدة أفضل عن الأكسبلولر من هالناحية و أيضا سعرة أعلى عند البيع

بس الفوررد داخليتة أحلى وأريح

بعد أنصحك تخلي معك فالقايمة الجيب جراند شروكي 6 سلندر 2014

من ناحية الشكل والداخلية أفضل من الفورد و الفورتشنر

وأيضا عندك البرادو ممتاز إذا 6 سلندر

وبعد الجمس أكاديا 2014 توه نازل

أهم شي لاتستعجل وجرب كل سيارة قبل فالوكالة

وآسف جدا ع الأطالة

[شرقا]

اخي جيب
الاكاديا استبعدته من زمان....برغم شكله الممتاز وانسيابيته وشعارgmc الجذاب بعراقته
اما الشروكي فماعرف عنه شي؟؟؟
هل هو عايلي ومريح
وهل خراباته قليل
بصراحه
التويوتا+الفورد....لها وكالات وصيانه بالباحه اما الشروكي مدري عنه,وماخبرت

الله يجزاكم خير يالمشاركين
ترى الموضوع بيفيدني, وبيفيد غيري لان اغلبه نصايح مجربين

[.manofstar7]

انت تسأل بمنتدى مكشات
مع الاحترام الشديد لكل اللي فيه لكنهم راعين بر وتكسير سيارة فلذلك الاكسبلورر بالنسبة لهم غير عملي لأنه مايتحمل استعمالهم
الفورتشنر عبارة عن تصميم غبي وسريع الانقلاب وارتفاعه غير متناسب مع شاصي الهايلوكسات اللي عليه
اخي الكريم استأجر الموتر وخذ اي لفة وانت بسرعة متوسطة الموتر غير راسي ابدا والعزل سيء
تمشي 120 كنك بالشارع
طبعا بالنسبة لراعي البر والطرد الموتر عزله عزل مرسدس لان كل سياراتهم ونيتات وباترول 97
لكن انت معك عائلة واستخدامك غير استخدام الشباب اللي بالمنتدى
وصدقني على استخدامك لو تاخذ أكثر موتر حساس بيمشي معك بدون خرابات بإذن الله
مر الوكالات عندهم تجربة قيادة مجانية وجرب الاثنين + مر قطع الغيار وسعر القطع للاثنين
الفورد رخيصه قطعه وعملية لكن الناس ماخذه فكرة من زمان ان الامريكي قطعه غالية ومعممين هالمبدأ على كل الامريكي
والحين الاندكروزر اغلا قطع من كل سيارات الامريكي ومع كذا يشترونه ومبسوطين بسعر القطع
اسأل وشاور بمنتديات سيارات عادية مب منتديات طلعات برية لأنك منت راعي بر يالغالي
وأتمنى لك كل التوفيق والبركة بسيارتك المستقبلية




يأخي جزاك ربي خير الجزاء على كلامك فوق ... و نعم النصيحة و الله

بعض الإخوة من تعليقاتهم تجدهم متعصبين لشئ إسمه تويوتا أو نيسان أو فورد

إخواني الأعزاء و أخي العزيز ( شرقا ) كلامه واضح وضوح الشمس ,, يبغى سيارة عائلية
و أكيد العائلية إنها تشيل نفرات :D و لو فكر يمسك خط راح ( يلعن الساعة اللي شرى بها الفورتشنر ) << عفواً عالكلمة لكن هذا هو الواقع :)

و بالنسبة لبعض الإخوة اللي يرون إن الفورتشنر مريح عاد هذا شئ ثاني صراحة ,,مريحة مقارن بالشاص أو الدينا :eek: لكن مقارنة بالنياسين أو الأمريكي أ, الألماني إسمحوا لي أقول لكم لا:(

و بالأول و الأخير لو نسوي لها حسبه بسيطة جداً بكم راح يكون بعد خمس سنوات من تاريخ شراء السيارة و المشتري يبغى ما يخسر بالموتر لكنه راح يضحي بأشياء مقابل أشياء ,,بهذي أقول للجميع خذ فورتشنر و أنت مغمض;) مع تحفظي على إرتفاعه و خفته و قل الراحه به و السلامة .

نصيحة أخيرة لجميع الإخوة : لو نمسك شوي و نحجم عن الشراء من بعض الوكلاء مثل أبو جميل و غيره ,,, و الله أن يبسط بمواتره بسوق الجمعة من القهر لكنه لاقينا الله يخلف على الجميع :lr

[كومبو]

الله يجزاكم خير اخواني

لا اخفيكم كان ميلي بالبدايه للاكسبلورر..لكني احسه ثقيل دم..وفخم للي يحبو المظاهر

وايضا اختلف الناس في تحمله, ناس يقولون حق كرف..وناس يقولون حساس ومايسوى

لكني بدأت اميل للفوتشنر لانه عملي ,وشكله هادي مافيه بذخ وغير ملفت للنظر

لكن في ناس يقولو انه غير مريح ,كانك راكب هيلوكس؟؟

فالشكل عادي باتقبله...لكن الراحه؟؟؟

هل عندكم طرق اخليه مريح كالاكسبلورر ..مثلا بنوع كفرات معينه او اركب له مساعدات خاصه...او او

انتم اهل المعرفه بالسيارات اكثر من اخوكم ومانستغني بارك الله فيكم

... وبالذات اللي معهم من السيارتين الموديلات من2012 وجاي, ياليت يضيفو نصايحهم من واقع تجربه...

* للمعلوميه: ماني حق بر نهائيا

الفورتشنر أريح من الهايلوكس بكثير
معي هلي وفشفش

[كومبو]

السلام عليكم

مابعد كلام اخوي كم باقي كيلو شي عطاك الزبده الاخوان الي علقو ع الاكسبلورر الظاهر انهم راعيين وعر ومطامر ولذلك اتفق معهم انهم ماهو مخصص للجلد والمطامر

لكن ارشحه بقوه كانك راعي ديره وبر خفيف تراك بترتاح معه وانشهد انه موتر ولايطلب وللمعلوميه شركه فورد من افضل الشركات الي سياراتها عمرها طويل والي يقول غير هالكلام ماجرب فورد انا مجربه انشهد انه صبوره وتتحمل الويل وقطعها رخيصه جميع سيارات فورد مقارنه بالتايوتا

وانا ماتكلمت عن القطع الا لانو البيت فيه تايويتا عند الاخوان وانا عندي فورد فرق شاسع بالاسعار لصالح الفورد من ناحيه قطع غيار

وللمعلوميه انا نسيبي عنده فورنشر غير مريح بتاتا لا لك ولالعيالك ومراتبه ضيقه ومافيها ابسط راحه وغير كذا مطبه شين يمزع جنوبك من تجربه باختصار هو هايلوكس مصندق مثل ماتفضلو الاخوان

وللمعلوميه ماهو شرط تاخذ اكسبلورر وتحدد خياراتك بين هالسيارتين عندك سيارات اخرى تقدر تقارن بينها

أنا عندي قورتشنر وهايلوكس فرق الراحة واضح جدًا لصالح الفورتشنر

[كومبو]

الميل بنسبة كبيره للفورتشنر 6سلندر....ولو انه مخيف لتحذير الاعضاء وتركيزهم على عيبين كبيرين فيه:

1- سرعة انقلابه
2- قوة مطباته وعدم الراحه فيه,وهذا شبه اجماع..(( مدري الكفرات وتلبسة المقاعد ممكن تخليه انعم))

اما الاكسبلورر...فشبه محذوف, بسبب خراباته اللي شهد بها اصحابه

إذا كنت بتسوي أكثر من كذا فهو سريع الإنقلاب
J66MoEO0fvo