الأن شاهد المكان الي تبي تكشت له قبل ما تمشي!!؟

[][عزام][]

السلام عليكم ورحمة الله وبركاته

ولله يا عنوان الموضوع طويل حاولت أختصره لكن مشكلتي فاضل بالتعبير قليلا:cool:
الموضوع يا اخوان اني سمعت ان هناك اشتراك عن طريق شركة امريكية يجعلك تستطيع ان تختار اي مكان بالعالم
وتراه مباشر وهو يتحرك عن طريق الأقمار الصناعيه وان له طريقة معينة حيث انك تركب الجارمن على اللابتوب
وتشغل هالبرنامج وتشوف اللي تبي مباشر والأشتراك بـ10 دولار لساعتين واللي سمعت منه هالكلام يقول انه يستخدمونه بالبر لا جو يبون يروحون لمكان معين يشغول البرنامج ويشوفون ان كان هو ربيع ولا زحمه قبل ما يمشون طبعا الصوره تنزل الى مسافة 500 متر.

هذا ما قد سمعت عن هذا البرنامج فهل فيه احد منكم قد سمع عنه او جربه يفيدنا:)

لأنه صراحه لو صار صحيح وبهالبساطه كان انواع الفله تختار المكان قبل ما تمشي:D :D <=-=-ولله العجز كل ذا ما تبي تتعب لا يدرون عنك الشيبان بس؟:D


والسلام مسك الختام

[adhu]

اخوي عزام هل تقصد إرث ام غيره

[شبح الصحراء]

اووووووف بصراحة لو فيه الخدمة هذي كان الواحد يرتاح من المفاجئات الغير سارة ، كثير من الأحيان يطلع الواحد مئات الكيلومترات يدور الربيع ويتفاجئ بصحراء وغبار ولو كان فيه الخدمة هذي يتفرج الواحد على المكان اللي رايح له قبل ويتأكد منه .

[الدهاس]

يعني نربع في البيت على الشاشة

[الخادم]

تكفون عجلوا علينا دوروة

العام رحت لدكاكة الصقري بالصمان و اكلت مقلب و معي الشلة





بس انة غالي ب 500 كل ساعتين تدري

هونت

[shay_bone_4]

باعتقادي هالخدمة غير موجودة
اما للبرامج الي تدفع للشركات
فلوس فهي تكون على الصفاوة والتقريب والتسجيل
لان الروئية المباشرة مسالة ممنوعة للكرة الارضية
لان فيها مساس بالامن وهذا محرم دوليا
جاوبتك لاني لي سنة وانا ادور هالميزة بس مالك الا
حلين
الاول : انك تشتغل بناسا او
والثاني : انك تجيبلك عامل وترسلة للمحلات يشوفلك ويصورلك قبل ماتروح بسبوع
هههههههههههههههههههههههههههههههههههه
الضاهر الحل الثاني اسهل
يعني لا تتعب نفسك .

[كحيلان 11]

انا سمعت يا الغالي
انه برنامج ايرث قوقل بس يلزمك اشتراك 1300 ريال شهريا
ويسمى ايرث قوفل مباشر
وسمعته من اكثر من شخص
بس تقولي وين اودي الإشتراك او الرسوم مدري !!!!

[shay_bone_4]

اخوي يوجد نوعين من الاشتراكات
Google Earth Plus في السنة20$
Google Earth Pro في السنة 400$

Google Earth Free :
تتمتع ببعض خدمات قوقل ايرث وليست جميعها وهي مايحتاجه المستخدم من المعلومات من استفسارات واكتشافات وغالبا ما يستخدم في التخطيط لرحلة او البحث عن تجارة ويقدم مساعده ودعم عن طريق الموقع فقط ولاكن درجة وضوح الصور وسرعة عرض الصور اقل من اشتراك plus-pro.

Google Earth Plus:
معد للاستعمال الشخصي وهي تعتبر نسخة محسنة من قوقل الارض برسوم اشتراك 20 دولار في السنة والذي يعطي سرعة في الاداء ودعم جهاز GPS وبعض الادوات الملاحية والتخطيط وقراءة البيانات المستورده من معالجة النقاط اي الملفات التي تم حفظها واستردادها .ويقدم دعم للعملاء عن طريق البريد الالكتروني وليس الشبكة.
Google Earth Pro:
معد الاستخدامات التجاريه والفنية بحيث يتم الاستفاده منه من قبل الشركات والمؤسسات التجارية والدوله والقطاع الخاص...الخ
ورسوم الاشتراك بـ400 دولار في السنة ويميز هذه الخدمة اداء اسرع في اكتشاف التضاريس محسن لطباعة وادوات تعليق اضافية وادوات قياس اضافية (متر مربع.ميل.قطر الخ) يتيح لك قياس الاماكن بدقة من حيث المساحة والطول والعديد من الميزات والخدمات.ويقدم دعم للعملاء عن طريق الايميل والهاتف
(يمكن تجربة المنتج لمدة 7 ايام فقط مجانا)

ملاحضة منقول للفايدة

[][عزام][]

مساكم الله يالخير

adhu :مساك الله بالخير لا يا اخوي اتوقع انه غيره بس منب متأكد

شبح الصحراء:اكيد نبي نرتاح بس بيني وبينك تروح حلاوة الكشته يازين الكشته لا طحت بمكان ربيع بالصدفه ولا ما كنت متوقع

الدهاس:اوووه تربع وفنجال شاهي بعد

الخادم:كلنا قد اكلناه مثلك أخبر العام واحد وصانا نروح لحسنا الاسبق ومدحه لنا ويوم وصلنا والله ارض جرداء الله يرزقنا بس وتم تسطير المذكور آنفا ,تراه بـ10 دولار موب بـ100 يا عم

shay_bone_4:والله يا اخي اللي سمعته منه بعد يقول تبي مثل ما فهمت معه ان شركة ناسا له دخل بالموضوع وهو شايفه وترى انتبهوا ترى العرض يكون مباشر وتحرك يعني مثلا تبي تشوف الدائري وهو يمشي به سيارات موب صوره واقفه ومشكور على المعلومات

كحيلان: ولله علمي علمك انا هذا اللي سمعت لكن الشركه وين نحصله وكيف ما ادري

[فتى الدهناء]

أذكر كان هناك برنامج مشابه لقوقل ايرث .. نزل قبل سنه .. وفيه خدمة الصورة المباشرة .. وخلوه فترة بسيطة بشكل مجاني .. ثم حطو رسوم ...

ياليت تحط أخوي موضوع في خيمة الملاحة ..أكيد بيعطونك خيوط .. لإمكانية هذا الأمر

[][عزام][]

فتى الدهناء :وشم اسم هذا البرنامج وكيف احصل عليه من أي موقع الله لايهينك وهل هو مباشر؟

[hamad_alsaad]

اخي shay_bone_4 معلومات دقيقه 100% واذا اردت الاشتراك يجب ان يكون بطاقة اتمان فيزا ماستر كارد

[][عزام][]

على كذا انتم قصدكم مافيه مباشر؟!!

ياناس انا متأكد حتى يقول انه في طريقة حيث تختار مكان او احداثيه ويتصلون عليك في يوم محدد ويقولون ترى يبي يمر اليوم على المكان اللتي تبيه طبعا اشتراك سنوي وبالسنه يمكن يمر االقمر 15 مرا(والعهده على الراوي)

[نص الليل]

أخوي عزام بعد إذنك وللنصيحه
كله كوم وقولتك ( لله العجز أو لله علمي)أدري أنه قصدك الحلف مع انه ماله داعي لأنك مصدق
لكن ضع ألف لفظ الجلاله لتسلم من الوقوع في المحضور لا تحذفها ولك الشكر الوافر

[][عزام][]

السلام عليكم جزاك الله خير اخوي نس الليل على التنبيه انت خابر العجله بالكتابه بعض الأحيان تطيح في أخطاء فادحه(حلوه فادجه)

اخوك عزام