المساعد الشخصي الرقمي

مشاهدة النسخة كاملة : سيارتي بترول 99


ابو فهد999
02/11/2006, 06:01 AM
معي جيب بترول 99 بابين فاكه انا وكاله وش زينه اول ما اخذته وله الحين سنه وهو متردي يخش الغبار علي لمشيت مع الصحراء والباب الخلفي الي عليه الستبنه فيه قرقعه والعزم قام يترداء وابي واحد يعطيني الحل اهم شي في الغبار والقرقعه حقت الباب
دله وفنجال
02/11/2006, 06:38 AM
السلام عليكم...
اخوي الغالي ابو فهد مادام الغبار يدخل عليك معنات ان البيبان يايبيلهن وزن او الربلات ناشفات مرة خاصة البيبان الخلفية(الشنطة) والحل طال عمرك :
1: وزن البيبان وتناضر الفصالات هل هي مضبوطة ولا لا من خلال فتح الباب ورفعه للاعلى فأذا كان يرتفع معك(يرقل) فمعنات الفصالات تعبانة وتحتاج تغيير...
2:وضع داخل الربل الي بلبيبان الخلفية لي الماء حق المكيف الصحراوي ويكون في الجزء السفلي للربل ...
3: تصفية المكينة وهي بتغيير البواجي وأسلاك البواجي والفلاتر والامور الاخرى الي تحتاج تغيير وناضر الكلتش يمكن انه امطرف ويبي يخلص...
4: اذا كان الموتر ميت حيلة مرة بعد التشييكات فأنا انصحك انك اتركبلة مراوح كهرب مكسيما او كابرس هذا اذا ماكنت امركب. واذا احتديت ركب سوبارو حجم كبير افضلك لان المروحة شد البلد اتثقل على الموتر كثير...
5: ركب هدرز وحرص على الكنداسة الي بدون صوت افضلك لانه بلعادة يكون مزعج ...
6: اسلاك بواجي رياضية الماني الي يجيك سلكة عريض ولون أصفر وبواجي راسين وفية شي رياضي لاكنة غالي قيمتة اذا ماكنت واهم 30 ريال للبوجي الواحد ...
7: فلتر هواء وهذا لاتحرص علية مرة لانة مع الوقت يبي يعدم البخاخات اذا كان موترك بخاخ وكذالك الكلبليتر وتزيد صرفية الموتر...
وأذا تبي نصيحتي من ناحيت الغبار رح لم النويصر الي بصناعية افضلك وهو يقولك العلم وشي لاكنه أغويلي اشوي بس تبي ترتاح من الغبار مرة والقرقعه...
هذا والله اعلم واذا فية شيء ثاني الشباب مايقصرون...
وأسفين على الاطاله...
القناص
02/11/2006, 06:11 PM
دله وفنجال بيض الله وجهك
ابو فهد999
02/11/2006, 09:34 PM
وينهي فيه ورشه النويصر ولو يوجد رقم لهم ياكون افضل وماقصرت وابيض واجه ان شالله وجزاك الله خير بس الغبار مايجي مع البيبان اتوقع انه يجي من يم الرجلين من الامام
دله وفنجال
03/11/2006, 02:22 AM
السلام عليكم...
اخوي الغالي القناص ماسوينا الا الواجب...
اوخيي ابو فهد النويصر تلقاه بصناعية القديمة ونت جاي من مخرج 17 الي على الدائري الشرقي ادخل معه يمين (ونت كأنك جاي من المطار) امش لين يجيك كبري طريق الخرج (كبري حديد وقديم والاتجاهك غرب) يعني بعد اربع اشارات او خمس تاخذ المديور وترجع. ثاني لفة لف معه .بعدين ثاني لفة يسار ادخل معه تجيك ورشة النويصر على ايدك اليسار والمارية الشارع ضيق الي علية الورشة وهناك تبي تلقالك شاب سعودي يقاله فهد (ابو عبدالله) واذا مالقيتة تبي تلقا المعلم ابو مرعي وهو يبيلك العله وشي...
اما من ناحيت الغبار الي من قدام فأنت شيك على فتحات المكيف او الربلات الي اتسكر الفتحات وتلقاهن مابين الطبلون والبدي العازل عن المكينة يمكن وحدة منشقة او طايحه او قد فك المكيف ولا رجعن ...
واذا تبي نصيحتي رح للورشة وريح راسك من الوجع ...
هذا والله أعلم...
ابو فهد999
03/11/2006, 04:35 PM
شكراُ اخوي دله وفنجال وان شالله ابي اروح للورشه وياعسى الغبار من حداء الربلات هينه ومشكور وماقصرت واخوي القناص تبي تقول شي بس اخوي دله وفنجال ماخلى شي بيض الله وجهه
مطر سهيل
03/11/2006, 07:07 PM
مساءك الله اخي ابو فهد

لاتغبن بالسفاري كل عله وله دواء , وودي اسأل وشلون لك سنه فاكه وكاله وهو 99 وشلون مخزن يعني
المهم ينبغي لك تربيط كامل للجيب علشان الصوت اللي بالباب وغيره ووضع ربلات على جوانب السياره لمنع دخول الغبار
وسلامتك