ما هو معقول وش هالشغل يا جماعة

[راعي الحزم]

يا اخوان وينكم المنخفض له يومين على المملكه والبروق بالرادو تلعج من ليلتين ولا سمعنا منكم ولا خبر

بالنسبه عندنا بالرس ما جاء شي انشاء علينا اليوم مزن يهبل تقل اجبال وحاديه الغربي ولا جاء منه شي

وبعد الظهر عجاج الى العشاء وانقشع الغبار فجأة سبحان الله والهواء هالحين شمال شرق

ارجو من الاخوان الحيوية اكثر في نقل اخبار المطر والفقع وشكرا لكم مرة أخرى

اخوكم المحب لكم دوماً (((((((( راعي الحزم )))))))))))

[القرناس المهاجر]

ابشر بسعدك 00 ياراعي الحزم

حنا طال عمرك بالمنطقة الغربية 00 عندنا بجده 00رش بسيط على بعض الاحياء 00 ولايكاد يذكر

اما جنوب جده يذكرون مطر زين بامتداد عرض 30 كلم مبتدي من البحر بالتجاه الشرق

وإلى الان السحب متهيئة 00 مع هبوب رياح جنوبية خفيفة 00 واجواء دافـئة 00 مما يدل على قرب

نزول المطر بإذن الله 0000000 والله يعجل به علينا وعليكم وعلى كافة ارجاء المملكة

بس منطقتنا مابها فقع ياحســــــافه:D :D لكنهـا غنية بزراعة 00الحبحب (الجح):good: :good:

[راعي الحزم]

الله يعافيك يا شاعرنا الكبير وما قصرت ايه هذا الشغل والله ثم والله اني استانست يوم سمعت اخبار المطر

والله يجيب الاخبار الطيبة من الاخوة الاخرين اهل الشمال الشرقي

[عاشق الصحراء]

الله يجيب الامطار
في الشرقية الجو ملبد بالغيم الكثيف و لم ينزل منه مطر
و لكن الغبار ثار و هدأ العصر ,وارتفعت درجة الحرارة قليلا ,
اللهم ارزقنا بالامطار يا حي يا قيوم .


الثلاثاء

[خوي راعي كيف]

الخبريه الاولى :ديارنا جايه سيل يم البعايث واللي حوله والشعبان كله ماشيه اليوم الصباح خبريه منقوله من واحد من اهل الديره وموثوق انشا الله .

والا خباريه الثانيه : عن واحد من الربع يقول انه لا قط فقع من ورا اصفر

وادي انسا الاسبوع الماضي .والله اعلم


مراسلكم

خوي راعي كيف-- القصيم-- البعايث

[راعي الحزم]

هلا وغلا يالخوي مدري المطر صبح الثلاثاء والا الاربعاء

ودي اسالك عن شعبان السناف وش اخباره وام ارقيبة هو طلع الفقع به والا لا وشكرا مرة اخرى على التجاوب والله يكثر من امثالك