رأيكم مهم جداً - الباترول أو الهدد

[الجارمن]

اخواني اعضاء منتدى مكشات
قررت اني اشتري موتر جديد وبعد فترة من البحث انحصر امر الشراء على سيارتين من موديل 2007 وهما باترول (سفاري2) أو الهدد (وارد اليحي) لذلك ابي مساعتدكم لاختيار افضل واحد فيهم
ارجو من جميع الاخوان مساعدتي في الاختيار مع ذكر سبب تقضيله لهذا النوع ( ذكر المميزات) وإن امكن ذكر عيوب كل واحد

فيه نقطة احب اضيفها الا وهي اني ماني براعي مقناص يعني استخدامي للموتر في الرحلات البرية خلال السنة ينحصر خلال فتر الشتاء ( شهرين إلى ثلاثة شهور)

[F34666]

قبل من تشري سيارة يجب عليك ان تضع في اعتبارك عدة اعتبارات

1مميزات السيارة وعيوبها سعر قطع الغيار سعر السيارة جديدة سعر السيارة بعد الاستعمال كم يكون بييعها

انا من الناس الي استخدم الباترول والاند ولكن استعمال شاق يكاد يكون رحلة صيد كل اسبوع الصراحة وجت الباترول اكثر اعتاد في البر ولكن في الطريق السفلت الاند افضل عند التحميل يكون الباترول افضل من ناحية الفخامة الاند افضل من ناحية تماسك السيارة من الداخل الباترول افضل قطع الغيار الاند افضل ويوجد في الاند عيب كبير انة يزل من الخلف بشكل كبير اذا ركب فية اربعة اشخاص ويكون مطب السيارة في الراس كانك قاعد على حصاة وكذالك تعليق السيارة من الامام نضام مقصات وعكوس مما يتطلب صيان دورية كل مئة الف يكون في تغيير المقصات كاملة بسبب تلف الركب ( لايوجد ركبة لحالها ) لازم تغيير المقص كامل 750 وكذلك جلد العكوس
امانة وكيل الاند احسن من الباترول بشكل كبير من حيث السعر والخدمة وتوفر قطع الغيار واحسنلك تسئل اكثر من شخص شاري نفس السيارة وشكرا

[طحنون]

الاخ العزيز الجارمن
اخوي f34666
اختصرالموضوع وماقصر
ونا اقولك باختصار اذاانت ناوي تبيع بعدسنه اوسنتين خذالكروزر
واذاانت تبي تستخدم وتستانس خذملك الصحراء الباترول

[كحيلان 11]

الهدد يا الغالي
مامثله
لا يطيح سعررره عند البيع وزبونه جاهززز

[الوشاح]

اخوي الجارمن مبروك مقدما :)

انصحك بالهدد

لأنه بختصار سيارة بر وكشخه وشيك مصدق عند البيع .. واشتر علشان تبيع

السفاري ماعليه كلام لاكنه يجي بعد التيوتا

الاند متماسك اكثر .. مافيه قرقعه ولا غبار

الهدد على اسمه هدد من يوم تشوفه يعورك قلبك

اما الفليورات الي ذكرهن الاخ F34666 فمافيهن اي مشاكل

ونضام اثبت نجاحه .. اعرف موتر ماشي اكثر من 500 ولافيه اي مشكله بلفليور

استخر واستشر .. وتوكل على الله

شف الرابط هــــــنا (http://www.mekshat.com/vb/showthread.php?t=61605)

اخو الجديد مثل الجديد ويطحلك كم الف

تحيتي لك

[الفهد11]

والله الهدد مجربه واحد من اخوياي باعه وشرى باترول4800
ويقول والله يالباترول ازين من الهدد ولا به فرق (من وجهة نضري)
وهذا الباترول معي 4800 ماعندك بازين منه لابالخط ولابالبر
وسعره ازين واقل من الهدد

[ماجد الشمري]

صراحة الباترول شكله فخم بالحيل وسعره ارخص بكثير من اللاند ..
بعدين ممكن تركب عليه نظام نافيجيشن ، وبعدين اللاند قريب بيتغير ...









اخوكم ماجد الشمري

[العـربي]

خذ هدد وارد عبد الغني (قطر)

وخلك من قرقيعان

وافضل طريقه روح للمعارض وشف الطلب على اللاند

[Riyadh-boy]

خذ العلم مني وانا اخوووك..
تبغا موتر تماتيـــك الباترووول الجديد بدون مقارنه ولا مشاوره .
تبغا قيـر عايدي . انا اشوف الموتريـن متساويـه يعني كلهم يأدون الغرض .
اما التايوتا ما ينفع تماتيـك لانه ثقيـل دم .
مع العلم موتري باترول 2006 ويوجد بالبيـت جي اكس 2006 والسلالالالالالالام

[الجارمن]

اشكر جميع الاخوان على التفاعل والمشاركة الطيبة والفعالة
واحب اني اضيف نقطة وهي اني ماني براعي بيع
الموتر السابق اللي معي كان باث فايندر موديل 2002 قعد معي 5 سنين وزود وبعدين بعته
يعني الموتر الجاي اياً كان نوعه يبي يقعد اكثر من ذلك - من 7 سنين وفوق
وبعدين انا راعي خطوط - يوميا اقطع 100 كيلو تقريبا رايح جاي ( الدوام في مدينة غير المدينة اللي ساكن فيها)
يعني تهمني الرساوية بالخط وكذلك الراحة وخفة الموتر

[فتى الدهناء]

هدد أو جكس آر .. وكلهن سوا

[هاوي الله]

تبي نصيحة مجرب = الهدد وارد اليحيى وبس

ملاحظه : الهدد وارد اليحيى هو نفس وارد عبدالغني هذا إذا ما كان أفضل منه وخاصه في الموديلات الأخيره &
الظاهر الظاهر والله العالم إن الهدد وارد عبدالغني مايجي إلا دفع رباعي مستمر ( القير العادي ) يعني الدبل H4 زر كهرب . وهو غير مرغوب &
وبالنسبه لوارد اليحيى فهو يجيى نوعين ( دفع رباعي مستمر مثل وارد عبدالغني أو دفع خلفي فقط والدبل H4 قير وهو الأفضل ) يعني اللي تبي .
هذا الكلام على القير العادي &
والقير الأوتوماتيك يجي نوع واحد فقط وهو دفع رباعي مستمر &
بالتوفيق *

[خيال نجد]

أخواني الأعضاء الغالين

تحيه طيبه وبعد

هذا الموضوع أنطرح أكثر من مررررره وهو موضوع جيد ومفيد

ولا مانع من أعادة النقاش فيه

ولكن تحت شعار (((لولا أختلاف الأذواق لبارت السلع)))

المهم ...... هذا الرابط فيه ماهو مشوق وجميل ومفيد عن أفضل المقارنات بينهما

وسوف تجدووون المميزات والعيوب

ودمتم سالمين

وهذا الرابط http://www.mekshat.com/vb/showthread.php?t=59134


.أخوكم /// أبوسعود .

[أبو أسامة]

السلام عليكم ورحمة الله وبركاته

أخي الكريم الجارمن


أتمنى أنك ما تأخذ لا البترول ولا الاند ........... بالعربي لأنهم راح يتغيرون في موديل 2008 اللي راح ينزل بعد شهر 7 ميلادي من عام 2007 ......

يعني لا يصرفون عليك الشركات........

والسلام عليكم ورحمة الله وبركاته

[غضنفر]

الباترول خفيف نفس وشقردي في الرمل يعجبك
اذا انت تهمك قوة السيارة وخفتها انصحك بالباترول وبقوة
اذا ما تهمك القوة عليك بالهدد

[نمر بن حثلين]

ما يبي لها مشاور يا بعدي

هدد اليحيى حسب ما اعرف ما عليه ضمان
ومشكله موتر بذي القيمه الغاليه ولا فيه ضمان
ولو تاخذ من ابو جميل كله تلزيق بتلزيق مافيه شي اصلي


خذ باترول يا مال الغنيمه كل قطعه اصلي وعليه ضمان وموتر مريح بالخط ومكينته جباره ونظرته ممتازه خصوصا اللون اللؤلؤي

[برق تميم]

على كلامك انت راعي خط خذ وانا اخوك بااااااااترول فتك 2 وجربه وانا اخوك ما يمنع تستاجر واحد وتجرب وتشوف الفرق الرهيب بين السيارتين وشف معرض الجود الي في النسيم عندهم سفاري 2 انا مارهم وسعرهم ارخص من الحمراني اللون لؤلؤي

واسال راعين القنص اكثرهم غيروا مواترهم الى سفاري ويقولون الي يركب السفاري ماعاد يبي التايوتا