اف جي قير عادي

[ابوعبدالله199]

السلام عليكم

كيف حالكم ؟

هذه اول مشاركه لي في هذا المنتدى الرائع اللي كنت اتابعه منذ مده..

انا نويت على اف جي 2013 قير عادي لحبي للقير العادي ولكرهي للحساسيه اللي في القير التماتيك

واللي خلاني اتردد شوي هو قله المواصفات في السياره بس انا من هواه القير العادي .

فأريد رايكم في السياره وطبعا راح اخذها جديده

اخوكم ابوعبدالله

[ابوعبدالله199]

ياليت احد يرد


عطونا وجه

[شخيط]

وانا زيك بالضبط ناوي اف جي وما اطيق الموتر التماتيك

[التمسساح]

بصراحه ماعليه كلام عندي قير عادي امريكي عزم رهيب وسته غيارات بدون الريوس ولو تبي قير عادي وفل خذ امريكي اللي معاي قير عادي وفل كامل

[patrol vtc]

جرب التماتيك , واحكم عليه ..

كانك بالرياض او مدينة زحمة , عن تجربة العادي غير جيد لسيارة أساسية ..

:)

[ابوعبدالله199]

انا معي افالون 2012 وناوي ابيعها واشتري اف جي قير عادي .... التماتيك ماله طعم في سواقه الجيب ...بس المهم هل الاكسسوارات الناقصه اقدر اركبها او لا

[مزدهر]

فيه دفلك وتراك ونظام ثبات وخزانين بنزين وهوك خلفي ينقصة المثبت والريموت والتحكم اللي بالدكسون ومضخم الصوت والمرايا مافيها لمبات سكن ودعسة الركوب اكرمك الله

[راعي النياسين]

الافجي ماعليه كلام ماشاء الله

بس العايدي مشكلته ضعيف كلتشه

ومن ناحية المواصفات ماعندي علم فيها

والله يكتب لك الي فيه الخير

[محرين باالخير]

كانك بعيد عن الزحام يعني منت ساكن باالرياض توكل علي الله وخذعادي تراقيادته متعه والي معهم عادي يمدحونه وشفت اناباالامارات اكثرالاف جي المعروض قيرعادي ورخيص موغالي لان ماله طلب عندهم .

[bo_s3ayed]

الحلو في الاف جي انه يتقبل الاكسسوارات بشكل رهيب يعني اخد العادي وحط اللي تبيه فيه

[سبيل الرشد]

الخوف من أنك تعوفه بعد فترة بسبب الزحمة ،،،

[مسلم غيور]

جرب التماتيك , واحكم عليه ..

كانك بالرياض او مدينة زحمة , عن تجربة العادي غير جيد لسيارة أساسية ..

:)

:good::good::good::good:

[ابونبيل]

التماتيك افضل لك وانشط وعلى ما سمعت وقريت بهالمونتدى ان الفورتشنر والافجيه العايدي فيه صوت بالكلتش وعزم التماتيك اذا مو مثله افضل منه لان القير العايدي يجي رباعي مستمر اما التماتيك ثنائي واذا دقيت الدبل يشبك رباعي