أيهم افضل للبر القير عادي او الاوتوماتيك ؟

[محب شبة النار ـــ بريدة ـــ]

السلام عليكم
بالخير للجميع
ياشباب نبي تقييم أيهم أفضل للسيارات للبر القير العادي أو توماتيك ؟
وياليت منتدى مكشات يضع تقييم وتصويت

[مزدهر]

المحركات الان قويه لاكن يعيب القير التمانيك انه ما يرد يرد على كيفه
معي برادوتماتيك ينتهي بنمرة واحد على ٦٨ تقريبا اذا صار بنمرة اثنين وبغيت لواحد ارده لازم يصير على سرعه ٤٥ واقل ولا مايرد
ممل شوي بالبر وخاصه بالنفود اللي يبي يطعس

[abo naser 1]

رايي الشخصي العادي بدون تردد

[سقم المعادي 1]

التماتيك الآن متفوق على العادي انتشاراً و تقنياً و راحه طبعاً

و مافيه مشكله مع تبديل النمر تقدر تحط القير على الوضع اليدوي اذا كانت السيارة مجهزه بهالشيء او تنزل القير للـ 2 او 1

[طحنون]

التماتيك طبعا قديما تحط القير على ال ون او ال تو ومايبر عزمه والان مع القيور الجديده التوبرترونيك ولاﻻيبرد عزمه
القير العادي مع كثره حشر القير بنمره والتبديل تطلع ريحه الدزق وكلش ويحترق وبعد فتره تغيره القير القديم والجديد يتحمل تركبله مبرد قير او تركب كلتش رياضي للنمره الثانيه
تصويتي للقير التماتيك اقوى ويخدم اكثر حتى وان كانت سواقتك خشنه اهم شي تحافظ على الصيانه

[ماركة أبوجمل]

الاوتوماتك للسيارات الحديثه

[abueid]

القير العادي ملك البر بدون مناقشة

أرسلت من GT-I9505 بإستخدام تاباتلك

[foxpic.com]

شوف الموضوع هذا يمكن يفيدك

رايكم جي اكس ار 6 سلندر او 8 سلندر (http://www.mekshat.com/vb/showthread.php?t=614978)

[سحب ممطرة]

خط وبلد .. أوتوماتيك

بر و صحارى .. عاااااايدي

[ziad_1409]

ما فيها نقاش العادي

[الشاص 2]

العادي افضل للبر

[ذيب زلفاوي]

اذا كانت المكينه ضعيفة فالعادي افضل.. اما المكاين القوية مثل مكياين الجموس والجيوب 8 سلندر.. التماتيك افضل واقل مشاكل..

[التعـ King ـديل]

سيارات النيسان قير عادي وتماتيك توبترونك كلها تطربك في البر

[الدوسري2010]

كلها وحده نفس القوه

[يوكن 2001]

العادي بدون نقاش

[مزدهر]

التماتيك الآن متفوق على العادي انتشاراً و تقنياً و راحه طبعاً

و مافيه مشكله مع تبديل النمر تقدر تحط القير على الوضع اليدوي اذا كانت السيارة مجهزه بهالشيء او تنزل القير للـ 2 او 1

حتى التوربينك ما ينفع جربنا الفتك والبرادو الجديد ترده ما يرد جربو يا اهل التوربينك
الباترول يجيب 60 بمرة واحد خله بنمرة اثنين على سرعه 50 ورجعه لمره واحد ماراح يستجيب
البرادو الجديد يجيب بنمرة واحد 71 خلوه بنمرة اثنين على سرعه 60 ورجعه لنمرة واحد ماراح يستجيب

[GMC79]

ما توقت يجي زمان أحد يسأل السؤال هذا

والكارثة فيه ناس تقول التماتيك افضل .. ياصبر مرارتي بس

[ابو محمد 2222]

برأيي الاكثر نمر

[ابوسند9]

سيارات النيسان قير عادي وتماتيك توبترونك كلها تطربك في البر


+11111111 مع الكنج

[بحر الموده]

مافيه مقارنه العادي افضل وممتع في القياده في البر

[abu-turki2009]

التماتيك يصلح للي سواقته راكده بالبر
أما راعي المطامر ومناطح الطعوس ماله غير العادي

[التعـ King ـديل]

ما توقت يجي زمان أحد يسأل السؤال هذا

والكارثة فيه ناس تقول التماتيك افضل .. ياصبر مرارتي بس


ليش كارثه اذا جربت الفتك قير تماتيك ولا بطل الدروب تماتيك راح تقول كلامي صح :good2:

لكن اذا تجرب لاند تماتيك الله يعين مرارتك بتنفجر قبل تاصل مشوارك :D

[Abo_Faisal_506]

انا اقول التماتيك خاصه التبتررنك
جربته في الرقيات متى ما بدو تقل السرعه رديته نمره ومشى وعلى على اخر الابننص
العايدي فترت التعشيقه تروح العزم واحياناً يفلت القير

[Abo_Faisal_506]

ما توقت يجي زمان أحد يسأل السؤال هذا

والكارثة فيه ناس تقول التماتيك افضل .. ياصبر مرارتي بس

جرب التماتيك التبترونك

[بروتين]

مشكلة الأوتوماتيك حساسات القير اذا خربت بتكلفك اقل شي 6000 ريال على حسب السيارة وزين لو لقيتها موجودة عندنا هنا

أما القير العادي أشوف انه الأفضل

[التعـ King ـديل]

مشكلة الأوتوماتيك حساسات القير اذا خربت بتكلفك اقل شي 6000 ريال على حسب السيارة وزين لو لقيتها موجودة عندنا هنا

أما القير العادي أشوف انه الأفضل


اذا خرب القير التماتيك حق الفتك توظبه كامل ب 5000 مع شغل اليد والقطع عند افضل ورشه بالرياض

[مزدهر]

بعض الناس فاهم التوربينك غلط يظن انه مختلف عن القير التماتيك
التوربينك هو بدل يحطون لك ١-٢-٣-٤-٥-D
تخيلو الباترول ال ٤٠٠ ماحطوه توربينك وقيره ٧ نمر كان نمره ١ تصير بين المراتب الخلفيه

[مطر وسم]

العادي للبر

والتوماتيك للمدينه

[سبيل الرشد]

التحكم بالسيارة في البر يكون أفضل بالقير العادي .


التبترونيك يحكمك في التغييرات بسرعة معينة .

[االرااسي]

الــقــيــــــر الـــعـــآدي بـــلآ شـــــك

[مخ سعودي]

افضل القير العادي وخاصه اذا غرزت تقدر تنتع السيارة والقير التماتيك يعتبر جيد جدا لكن افضل القيرالعادي

[مسلم غيور]

العاااااااااااادي

[ابونبيل]

اشوف التماتيك افضل خاصه محركات تويوتا الجديده الا اللندكروزر ال6 سلندر العايدي افضل فيه
واحد من الشباب معه لند 8 سلندر تماتيك يقول ماشاء الله نزله على واحد ثنين وامورك طيبه وركبت معه والصراحه جازلي مره العايدي اونس بالبر بس اما بالبلد يتعب شوي

[شاق النفد]

ما يبيلها حكة راس ذي
العادي في البر يطربك وانت تمشي واذا غرزت لاكن في الديرة يتعبك شوي
اما التماتيك في الديرة لايعلى عليه لاكنه في البر والنفود خصوصا يبلشك لو ربض لانه ما تقدر تنتعه اوترقصه

[GMC79]

ليش كارثه اذا جربت الفتك قير تماتيك ولا بطل الدروب تماتيك راح تقول كلامي صح :good2:

لكن اذا تجرب لاند تماتيك الله يعين مرارتك بتنفجر قبل تاصل مشوارك :D



انت لو فيه سيكل نيسان بتقول افضل من اللاند

[شحرور الدهنا]

السيارات الجديده انصح بالتماتيك لانها قويه وخاصه اذا صار تب ترونك

[تساهيل1]

اخوي
الموضوع يتوقف على وزن السياره وحجم المكينه
والاماكن اللي بتروح لها


انا اشوف افضل سيارات الدفع الرباعي التماتيك

هي
الفورشنر 6 سلندر

الباث فاندر
الاكستيرا

هذي تقدر تاخذها تماتيك لان وزنها خفيف
ومحركاتها جباره تشيل السياره

اما مازاد وزنه مثل جي اكسر ار والسفاري

ما انصحك بالتماتك خذ عادي

الامر الثاني اللي هو اماكن ذهابك

اذا انت راعي صحاري ونفود غزير
شل فكرة التماتيك من راسك نهائيا

اما اذا كنت حول الديره والفود الموسط
والفياض التماتك كويس

وموفق

[تساهيل1]

انت لو فيه سيكل نيسان بتقول افضل من اللاند



ماخليت شي من الجبهه :)