ما هو افضل سوق لشراء الصقور بالمملكة ؟

[ابو غناتي]

بسم الله الرحمن الرحيم

السلام عليكم ورحمة الله وبركاته

مساكم الله بالخير يا مكشاتيين

الله يحيكم كلن بسمه وبنكه

بغيت اشتري طير بس ودي بسوق زين القى فيه فرخ وكري
تخبرون مبتدأ والخبرة كلها معلومات وكذا .. بس ما في تجربة سابقة

وش افضل مكان اشتري منه القى فرخ وكري ؟
وش رايكم بسوق الديره بالرياض ؟ وش حال طيورهم ؟
كم سعر فرخ الوكري ؟ وهل تنصحوني به كمبتدأ ؟

وياليت اذا امكن تردون علي بالتفصيل ولا هنتم ..

ابو غناتــي

[حجاب ودهيس]

خذ وكري مدرب
من حدا خوياك
اوخل عنك الأسواق

[ابو غناتي]

وانا اخوك يا حجاب ادور اللي قضى عازته من موسم ذا السنة
وحاب يبيع طيره ولا شي وغتنم نزول الاسعار
ولا باس بالمدرب لا صار قرناس ثالث

اذا فيه رجال ثقة دلونا لا هنتم ..
مشكلتي ما لي معارف بالرياض وساكن من قريب

[القرناس07]

اذا تبيلك وكري خذلك مقاس ١٤ يكون خفيف اما الثقيل راح يتعبك والزين يجيك حول ٤ الف او ٣٥٠٠
وانصحك في وكارة جيزان سوق الخوبة طيور يازينها لو انك افضل اخذت شهر ٨ طيور وحوش في سوق الخوبة

[حر شمال]

أفضل سوق من ناحية الرخص الرياض

[(هزاع)]

وعليكم السلام ورحمة الله وبركاته
سوق الرياض بتلقى مطلوبك بأذن الله
الوكري للصقار المبتدي مناسب
وحراوي ثلاث الاف تقريبا لمقاس 14 الى 15
وانصحك لاتاخذ الا بشرط الفحص ومشاهد طيار الطير بالمدعى
للتأكد من عدم وجود عيوب بالطير مثل النقل والصياح والكوشه
والله يوفقك لما يحب ويرضى

[ابو غناتي]

هزاع
حر الشمال
القرناس 07

لا هنتم جميع والله يرزقكم الين ما ترضون ...

وانا ماني بعجل .. ننتظر لين الله يقسمه لنا

[SND-700]

السلام عليكم ..

بشر وانا اخوك يبو غناتي شريت ولا لسى تخاير ..

[ابو غناتي]

ارحب SND-700

لقيت طير فيه مرض السدة وهونت عنه ..

[SND-700]

والله يخوك انا مثلك مبتدي وجالس ادور بس ودي اعرف عنها اكثر قبل لا اتهور واشتري .. لكن وش رايك نشوف لنا واحد من الصقاره الي بالمنتدا ولا من الي حولك ونخاويه برحله قنص ونستفيد من مخوتهم بكل علم طيب ؟؟

[ابن زايد502]

عندك سوق الصقور بالرياض
لكن ..
احذر من بعض تجار الصقور {الشريطيه}
لان البعض يتلاعب ويغشك

ولا تاخذ الطير الا بعد الفحص قدام راعيه

والله يرزقك باللي يسرك

[ابو غناتي]

والله يخوك انا مثلك مبتدي وجالس ادور بس ودي اعرف عنها اكثر قبل لا اتهور واشتري .. لكن وش رايك نشوف لنا واحد من الصقاره الي بالمنتدا ولا من الي حولك ونخاويه برحله قنص ونستفيد من مخوتهم بكل علم طيب ؟؟

والله وانا اخوك فكرة طيبة ..
وانا توي مسجل بالمنتدى رسمي
وكلهم شروى من يقرى كلامي رجال يسبقونك بالطيبة

[أبو بتاااال]

والله وانا اخوك فكرة طيبة ..
وانا توي مسجل بالمنتدى رسمي
وكلهم شروى من يقرى كلامي رجال يسبقونك بالطيبة

سجلوني معكم ودنا نستفيد بس يبي لكم تشوفون لنا من أعضاء المنتدي الي يبون يتمشون

[سعد...]

حياكم الله عندي استرحه بالصمان وفي تحدي سباق طيور تعالوا تمشوا عندنا ونتشرفبمعرفتكم ومنها تشوفون الهدد وكلها وناسه

[SND-700]

هذا اخونا سعد ماقصر هاه وش رايكم يابو غناتي وانت يابو بتااال .. بيض الله وجهك ياسعد

[الحر 00]

ي اخوان متى حراج الطيور بالرياض اي يوم واي من الوقت يبدا صباح او عصر

[اببو تركي]

بيض الله وجهك يا اخ سعد

وياليت يكون بيننا تواصل لان والله ودي اتعلم هالهوايه

اذا فيه احد بيسير على الاخ سعد يعطيني خبر نتخاوى ونتشرف بمعرفة الرجال

حط رقم جوال