لاندكروزر 99 العزم دمار مقارنه بغيره من اخوانه وش السواه معه ؟؟

[سقم المعادي 1]

السلام عليكم


موتري لاندكروزر 99 تماتيك 6 سلندر

الموتر عزمه ردي بالقومه لكن في الخط يفتح الموتر شوي و يزين ممشاه و رده فعله مع الدعسه تكون افضل

طبعاً سويت له تصفيه بواجي و اسلاك و فلتر هواء و غيرت صفايه بنزين ولا استفدت

جربت واحد اخو موتري و تماتيك 6 سلندر موديله 2002 الفرق بالعزم كان ملحوظ جداً و فزه الـ2002 كانت افضل بكثير من موتري

الموتر توني شاريه وفحصته و الحمد لله مكينته صافيه ماعليها خلاف و سويت لها تصفيه زود حرص

قال لي واحد وده لاهل الشكامين يمكن فيه تنسيم يضيع عزمه و فحصو القزوز من الراس للصدام مافيه تنسيم

نصحني ابو يمن قال ركب له هدرز كاتم بدون صوت و شل دبات التلوث و بيفرق العزم واجد

و رحت لمحل ثاني قال مافيه دبات تلوث

يعني ما ادري امشي مع كلام من لذلك ودي استشيركم قبل اسوي شيء

وش رايكم اركب له هدرز ؟ وهل له سلبيات الهدرز ولا لا .. لأن الموتر ماشي فوق 300 يعني شايب لذلك اخاف مايتحمل الهدرز :D

و دبات التلوث موجودة ولا مافيه دبات تلوث واذا كانت فيه هل اشيلها ولا افرغها افضل ؟

و اذا فيه اي نصايح ثانيه نستقبلها

[التعـ King ـديل]

موترك تماتيك ماله طب

والهدرز مب فارق واجد مع التماتيك انصحك تمر الوكاله او مركز العضيب وتسوي التصفيه من جديد عندهم لان الواضح من كلامك ان عندك مشكله بالاحتراق وشكل البواجي اللي مركبه عليه مب نفس الوكاله لذلك فرق معك

[كبسولة2]

امور كثيرة تحكم العزم

البخاخات نظفتها ؟؟؟
الجربكس كيف وضعه يمكن جربكس الي جربته نظيف !!!
الدفرنسات نظيفه ولافيها اصوات وثقيلة ؟؟؟؟
امور كثيرة تحكم عزم الموتر واحيانا يوجد فرق بين سيارة
وسيارة حتى لو موديل واحد لا تدقق
اهم شئ الموتر صافي ويمشي مضبوط
في الخط ويوديك وين ماتبي خﻻص

[سقم المعادي 1]

موترك تماتيك ماله طب

والهدرز مب فارق واجد مع التماتيك انصحك تمر الوكاله او مركز العضيب وتسوي التصفيه من جديد عندهم لان الواضح من كلامك ان عندك مشكله بالاحتراق وشكل البواجي اللي مركبه عليه مب نفس الوكاله لذلك فرق معك



البواجي اصليه ماخذها من الوكاله من زود الحرص

وانا مابي الموتر يكون طياره بس يمشي مثل ممشى اخوانه من نفس الموديلات

يعني تنصح اشيل فكره الهدرز من راسي ؟؟

[سقم المعادي 1]

امور كثيرة تحكم العزم

البخاخات نظفتها ؟؟؟
الجربكس كيف وضعه يمكن جربكس الي جربته نظيف !!!
الدفرنسات نظيفه ولافيها اصوات وثقيلة ؟؟؟؟
امور كثيرة تحكم عزم الموتر واحيانا يوجد فرق بين سيارة
وسيارة حتى لو موديل واحد لا تدقق
اهم شئ الموتر صافي ويمشي مضبوط
في الخط ويوديك وين ماتبي خﻻص

لا والله البخاخات مالمستها

و القير نظيف الحمد لله و تبديلاته ممتازه ولا لاحظت عليه شي

و صحيح انا معك اهم شيء ان الموتر في الخط يمشي بس انا اكشت بنفود كثير و يتعبني بالنفود يبرد عزمه على طول

طيب اليوم العصر مريت واحد في الصناعيه يقول نفك الثلاجه و ننظفها ببنزين و ننظف الثروتل و نغير خرطوش فلتر الهواء و نشيك لك على حساسات الدعسه

وش رايك بكلامه اخاف افكفك في الموتر و اتخسر ولا استفيد

[سقم المعادي 1]

للرفع.......

[التعـ King ـديل]

لا تفك ولا تسوي شي الا بمركز متخصص

انا اعرف ورشه بصناعيه ام الحمام اليماني معه اخو موترك بس 2003 وراعي خبره الشي اللي يعرفه يقول اعرفه واللي ماعرفه ماعرفه

ورشه رقم 64 في صناعيه ام الحمام اسمه محمد طه

[msh500]

التماتيك على قوله اخوي ماله طب لااكن اذا العزم ردي مرره ابيك تركب بواجي مكتوب عليهم KPG موتر الوالد الله يحفظه 2001 قير غير بواجي وظبط بس انت ممكن مركب جنوط او كفرات بوالين
او الثروتل يبي تنظيف

[فتى الحرة]

والله يالغالي واحد من اخويانا معهVXR 2002
ونفس كلامك. يقول عزمه بارد. ولافيه شي ماغيره.
لاكن عسى احد الاخوان يفيدنا.

وانت إن حصلت دوا لعلته. لاتنسانى جزاك الله خير.
والمشكله اني ماعرف ارجع للمواضيع اللي كتبت فيا
لي سنه بالموقع وعجزت اعرفله.

[التمسساح]

تأكد من القير ماعليك من تبديلاته ماهي دليل على نظافة القير ممكن يكون فيه ضعف كلتشات

[مطر وسم]

انا كان معي نفس موترك ونفس المشكله سبحان الله طفشني بالطعوس ماله عزم وديته لجميع الورش متخصصه كلن يقول لي رايه متفقو على خراب معيين قلت بنفسي وشوله الخساير اذا الدعوه كذا ما عرفو وش فيه

اخر شي وديته لمعارض النسيم وبعته وريحت راسي ووفرت فلوسي هذا احسن حل



تحياتي لك

[سقم المعادي 1]

مشكورين جميعاً

والله مدري وش اسوي به لفيت ورش و محد عطاني شيء محدد يقول بسوي و بسوي و " يمكن " يتحسن

لذلك بخليه على ماهو عليه و ان شاء الله لا جمعنا كم قرش دفيناه وشرينا زي موديله فكسار

[sgl2002]

أخوي اذا عزم موترك بالنفود فقط يتغير فلا تتعب نفسك لان وزن اللاندكروزر ثقيل وبين معك أكثر اذا طبيت النفود

فكيف لو كان تماتيك؟


انا اتلكم عن تجربة سقت فيها اللاندكروزر وحسيت بالثقل ملحوظ حتى قومته مرض

بس ع الزفلت خذ ولد

[سقم المعادي 1]

أخوي اذا عزم موترك بالنفود فقط يتغير فلا تتعب نفسك لان وزن اللاندكروزر ثقيل وبين معك أكثر اذا طبيت النفود

فكيف لو كان تماتيك؟


انا اتلكم عن تجربة سقت فيها اللاندكروزر وحسيت بالثقل ملحوظ حتى قومته مرض

بس ع الزفلت خذ ولد

ماقصررت يالاجودي صدقت الموتر شريته و ماتوقعت انه يصير بالثقل هذا لو اني داري انه كذا اخذت قير عادي ولو اني ما اداني العادي ولا تعودت عليه زين بس يبيض الوجه في النفود على الاقل و الحمد لله على كل حال والمشكله الفكسار غالي بالسوق ولا كان دخلت موتري المعارض بكررره

[كم كيلو باقي]

نظف الثروتل فقط
والشغل حق التنظيف نص ساعة بالكثير
وبعد التنظيف مباشرة لازم تغير الزيت والسيفون

[شاق النفد]

انت تقول انك سويت تصفية من بواجي وفلتر هواء وصفاية بنزين ولا فاد صح
اسمع بعطيك معلومة ان كانها في موترك فترى البلى من طرمبة البنزين
اذا جيت ترقى مطاليع نفود وخط مثل القدية والغاط تحس ان العزم يتردى بالحيل
فعلم ان طرمبة البنزين يبيلها تغيير وتراها ب500 وحولها

[سقم المعادي 1]

انت تقول انك سويت تصفية من بواجي وفلتر هواء وصفاية بنزين ولا فاد صح
اسمع بعطيك معلومة ان كانها في موترك فترى البلى من طرمبة البنزين
اذا جيت ترقى مطاليع نفود وخط مثل القدية والغاط تحس ان العزم يتردى بالحيل
فعلم ان طرمبة البنزين يبيلها تغيير وتراها ب500 وحولها

ايه هذي مشكلته في الزديه لازم اضغط زر O/D ولا بيقعد يشكل بالنمر القير و عزمه يدج علماً اني وانا مقبل على الطلعه اشد العزم شوي اخليه على 160 ولا اوصل اخرها الا وهو على 80 حتى مواتر الديزل تشطفني و اذا وصلت لاخر الطلعه و ريح الموتر بنمره طلع صوت رميه مع الشكمان

[الشولة]

السلام عليكم ورحمة الله و بركاته
أخي الكريم أحب ألفت إنتباهك إلى أنه اللاندكروزر سيارة ثقيله في الأساس و المكينه السته سلندر لا أراها كفوء لسياره بهذا الوزن.
لكن فيه بعض النقاط أحب ألفت إنتباهك أنت و باقي الأخوان لها وهي:
أولاً المحافظه على وزن السياره بأكبر شكل ممكن من الوزن اللي طلعت فيه من المصنع وهذي النقطه دايم يطيحون فيها الكشاته حيث أنهم يزيدون من أوزان سياراتهم حتى من دون الحاجه لذلك. فمثلاً تجد بعض الأخوان مركب تانكي مويه و معبيه و يروح و يجي فيه وهو مب محتاجه في الديره عشان كذا الأفضل إنك ما تعبي تانكي المويه إذا وجد إلا إذا جيت تطلع كشته و إذا رجعت تفرغه ولا تهدر المويه فرغه في حوض شجره و إذا كان التانكي غير ثابت الأفضل إنك تنزله من السيارة، أيضاً بعض الأخوان يحب أن تكون كل عدة و أغراض الكشته في سيارته وهذا خطاء لأنه يثقل السيارة و يقلل العزم و المثال على ذالك تلقى بعض الشباب سيارته في الموسم معبيها من ثلاجه و فرشات و رواق و عزب و غاز و و وإلخ
فالمفروض إذا بغيت العزم الحقيقي للسيارة أنها تكون أقرب شي لوزنها عند خروجها من المصنع و كدليل على هذي النقطه إنك تشوف سيارات السباق و المرهمات يخففونها عن وزن المصنع عشان يزيد العزم و السرعه.
ثانياً أن تكون الكفرات نفس المقاس الموصى به من الوكاله لأنه كلما كبر الكفر قل العزم.
ثالثاً الصيانه بالذات في نفس حالتك لما تكون السيارة مستعمله لازم تسوي لها صيانه كامله وهذا الشي صار معي إشتريت سياره مستعمله قبل سنتين تقريباً و أول ما أخذتها سويت لها صيانه و الصيانه ما تقف عند التصفيه فقط لا لازم تسوي صيانه شامله طبعاً تشمل السوائل و القطع التي تستهلك و من أسهل الطرق التي أتبعها هي أني أفتح كتلوج السيارة و أبحث عن القطع و السوائل التي تحتاج تغيير على مدى إستخدام سيارتك في العادة يكون مكتوب كل ما مشت عدد من الكيلوات لازم تغير القطعه هذي أو السائل هذا.
و أنا أنصحك بما إنك سويت تصفيه للسياره إنك تكملها و تغير زيت القير و فلتر زيت القير و تنظف الثروتل لأنهم يأثرون في العزم بشكل ملحوظ.
والله ييسر لك أمرك و يبارك لك في سيارتك و يعطيك من خيرها و يكفيك شرها.

[abo naser 1]

سبق مريت بنفس مشكلتك بس قير عادي الموتر صافي ومافية الا العافية بس ثقيل قلت بجرب بغير الدبة لانها حقت بلادة وغيرتها بتجارية وطني يوكن خف الموتر بس مازال ونصحني زميل بخيص بها المحرك بقزوز رياضي ومراوح كهرباء ويطيب الموتر

[سقم المعادي 1]

السلام عليكم ورحمة الله و بركاته
أخي الكريم أحب ألفت إنتباهك إلى أنه اللاندكروزر سيارة ثقيله في الأساس و المكينه السته سلندر لا أراها كفوء لسياره بهذا الوزن.
لكن فيه بعض النقاط أحب ألفت إنتباهك أنت و باقي الأخوان لها وهي:
أولاً المحافظه على وزن السياره بأكبر شكل ممكن من الوزن اللي طلعت فيه من المصنع وهذي النقطه دايم يطيحون فيها الكشاته حيث أنهم يزيدون من أوزان سياراتهم حتى من دون الحاجه لذلك. فمثلاً تجد بعض الأخوان مركب تانكي مويه و معبيه و يروح و يجي فيه وهو مب محتاجه في الديره عشان كذا الأفضل إنك ما تعبي تانكي المويه إذا وجد إلا إذا جيت تطلع كشته و إذا رجعت تفرغه ولا تهدر المويه فرغه في حوض شجره و إذا كان التانكي غير ثابت الأفضل إنك تنزله من السيارة، أيضاً بعض الأخوان يحب أن تكون كل عدة و أغراض الكشته في سيارته وهذا خطاء لأنه يثقل السيارة و يقلل العزم و المثال على ذالك تلقى بعض الشباب سيارته في الموسم معبيها من ثلاجه و فرشات و رواق و عزب و غاز و و وإلخ
فالمفروض إذا بغيت العزم الحقيقي للسيارة أنها تكون أقرب شي لوزنها عند خروجها من المصنع و كدليل على هذي النقطه إنك تشوف سيارات السباق و المرهمات يخففونها عن وزن المصنع عشان يزيد العزم و السرعه.
ثانياً أن تكون الكفرات نفس المقاس الموصى به من الوكاله لأنه كلما كبر الكفر قل العزم.
ثالثاً الصيانه بالذات في نفس حالتك لما تكون السيارة مستعمله لازم تسوي لها صيانه كامله وهذا الشي صار معي إشتريت سياره مستعمله قبل سنتين تقريباً و أول ما أخذتها سويت لها صيانه و الصيانه ما تقف عند التصفيه فقط لا لازم تسوي صيانه شامله طبعاً تشمل السوائل و القطع التي تستهلك و من أسهل الطرق التي أتبعها هي أني أفتح كتلوج السيارة و أبحث عن القطع و السوائل التي تحتاج تغيير على مدى إستخدام سيارتك في العادة يكون مكتوب كل ما مشت عدد من الكيلوات لازم تغير القطعه هذي أو السائل هذا.
و أنا أنصحك بما إنك سويت تصفيه للسياره إنك تكملها و تغير زيت القير و فلتر زيت القير و تنظف الثروتل لأنهم يأثرون في العزم بشكل ملحوظ.
والله ييسر لك أمرك و يبارك لك في سيارتك و يعطيك من خيرها و يكفيك شرها.

جزاك الله خير على هالمعلومات الطيبه و دعوتك لنا الله يجزاك الجنه و يحرم وجهك عن النار

[سقم المعادي 1]

سبق مريت بنفس مشكلتك بس قير عادي الموتر صافي ومافية الا العافية بس ثقيل قلت بجرب بغير الدبة لانها حقت بلادة وغيرتها بتجارية وطني يوكن خف الموتر بس مازال ونصحني زميل بخيص بها المحرك بقزوز رياضي ومراوح كهرباء ويطيب الموتر


جزاك الله خير ماقصرت و الحمد لله حلينا المشكله و بكتبها برد مستقل

[سقم المعادي 1]

الحمد لله المشكله انحلت

و طلعت من شيء ماتوقعته ابداً انه يكون له علاقه بالعزم

المشكله صارت من ( تماتيك المروحه )

وديته عند يماني محتررف و شاف الموتر و دعس له و مشيت به حول الورشه وانا ادعس البنص كامل و سمع صوت حنه المروحه مهيب طبيعيه على كلامه اما انا مافرقتها لأني شاري الموتر كذا ولا اعرف باللاند شيء اول لاند امتلكه

المهم قلت له غيرت كذا و كذا وكذا قال جب تماتيك المروحه و اللي خلاني اوثق بكلامه انه قال لو ماصلح بعطيك قيمه تماتيك المروحه

اخذته من النهدي تقريباً بـ 420 ريال و غيره لي اخذ 100 ريال شغل يد و اختلف الموتر واجد خصوصاً صوت الحنه و الحراره و القومه

هذا للفائدة للي يعاني نفس مشكلتي يشيك على تماتيك المروحه و شكررراً للجميع

[التمسساح]

اغير اتوماتيك مروحه ب١٠٠ والله ناس ماتخاف الله كله اربع مسامير

[sgl2002]

صدقت تماتيك المروحه يطيح العزم اذا عللق


هذا فايدته اذا احتر الموتر يشبك عشان المروحه تدور بقوة وتبرد واذا برد الموتر فصل وصار خفيف



لكن ترى المشكله حقت العزم بترجع لك اذا شديت على الموتر بالنفود او وقت الصيف لان الموتر يحتمي ويشبك تماتيك المروحه وترجع بنفس الموال حق العزم


لذلك تجد اكثر اصحاب الباترول واللاندكروزر يركبون مراوح سوبارو

[ابوعووض]

معلومه جديده ومشكور

[تميم2222]

خلقه الموتر ثقيل لا و6 سرندل بعد جرب رهم يمكن يضبط معك

[ابوعقيل81]

اغير اتوماتيك مروحه ب100 والله ناس ماتخاف الله كله اربع مسامير

يكفي ان الرجال حل له المشكله
لو قاله 1000 ريال كان دفعها
العبره بالعقل
والمحلات الحين يغيرون السير ب100
ارتفعت الاسعار عقب ال 2500 تبع مكتب العمل

[أبو الوليد 14]

اهك شي ان الموتر عزمه زان مثل موتر خويك وصار وكالة
مسالة التعديل عليه شي ثاني ...اللاند خصوصا 6 سلندر قير توماتيك عزمه سيء وثقيل فلا تخسر نفسك بهدرز وفلتر وغيره يمكن يتحسن لكن مايوصل للمستوى المطلوب
انت الان تسوق جكسار وهو بعزمه الطبيعي ..... ان ماجاز لك سرحة وطق لك فكسار قير عادي
على العموم الله يكتب لك الخيرة واسال وشاور خاصة المجربين قبل لاتقدم على شي
بالتوفيق

[thandar]

السلام عليكم


موتري لاندكروزر 99 تماتيك 6 سلندر

الموتر عزمه ردي بالقومه لكن في الخط يفتح الموتر شوي و يزين ممشاه و رده فعله مع الدعسه تكون افضل

طبعاً سويت له تصفيه بواجي و اسلاك و فلتر هواء و غيرت صفايه بنزين ولا استفدت

جربت واحد اخو موتري و تماتيك 6 سلندر موديله 2002 الفرق بالعزم كان ملحوظ جداً و فزه الـ2002 كانت افضل بكثير من موتري

الموتر توني شاريه وفحصته و الحمد لله مكينته صافيه ماعليها خلاف و سويت لها تصفيه زود حرص

قال لي واحد وده لاهل الشكامين يمكن فيه تنسيم يضيع عزمه و فحصو القزوز من الراس للصدام مافيه تنسيم

نصحني ابو يمن قال ركب له هدرز كاتم بدون صوت و شل دبات التلوث و بيفرق العزم واجد

و رحت لمحل ثاني قال مافيه دبات تلوث

يعني ما ادري امشي مع كلام من لذلك ودي استشيركم قبل اسوي شيء

وش رايكم اركب له هدرز ؟ وهل له سلبيات الهدرز ولا لا .. لأن الموتر ماشي فوق 300 يعني شايب لذلك اخاف مايتحمل الهدرز :D

و دبات التلوث موجودة ولا مافيه دبات تلوث واذا كانت فيه هل اشيلها ولا افرغها افضل ؟

و اذا فيه اي نصايح ثانيه نستقبلها


السلام عليكم ورحمة الله وبركاته
اخوي لاندكروزر 99
مشكلتك بسيطه وحلها ابسط وأرجواني تطبيقها وإنشا لله راح تدعي لي
وممكن بعض ما اطلب منك انك تسويه قد سويته ارجوا ان تعيده وتتأكد من عملها بنفسك
اولا اذا كنت تعبي بنزين 91 انظر عب عليه احمر 95 وعندما يفضي الخزان عب احمر وهذا على طول
ثانيا وهذا الأهم تذهب بالمؤتمر الا البناشر الكبيرة وتطلب منه تشحيم العمود والصليبات في الأعمدة
ثالثا في نفس وقت التشحيم احضر معك علبتين من ACDulco لتزين ورش جميع الركب والمقصات والدركسون والعمودين بعد التشحيم وجميع ما يشاهد في أسفل السياره يحتاج لتزيت
وتستطيع اختيار انواع افضل من ساكوا
لآني. معي لاندكروزر 2011 8v وكل بعد طلعت بر يثقل المؤتر حتى أقوم بذلك ويرجع طبيعي
وباختصار شديد
الأوتو لا يفصل عمود الدبل من الرمل فيبقى العمود يثقل الموتر مع ان الدبل طافي
على فكره حتى القماشات والهوبات زييتهم
وعسى ان يكتب الله من كلامي منفعه لك وللجميع