مساعدات الرابتر هل يوجد مثلها للاند؟

[محترف8800]

مساعدات الرابتر هل يوجد مثلها للاند كروزر مديل 2013 وهل فيه احد من الشباب جربها؟

[abumohammad7]

فكره
بس ما تحتاج اعتقد

[باوزير]

بس هل الشاصي يستحمل القفز مثل الرابتر

[محترف8800]

انا ابي الراحه منب ابي اقفز يالغالي

[محترف8800]

ما احد جاب العلم؟

[أبوغيث 2003]

المعذرهـ ,, ما فهمنا اللي تبيه بالضبط


تبي الموتر يصير مريح ولين أكثر

ولا تبيه يصير يابس وقوي بحيث ما يهابد مع المطبات والمطانيج

[محترف8800]

ابي موتر لين بالمطب و الطريق وراسي بنفس الوقت

انا ركبت رابتر بالطريق اريح من اللكسز و بالبر راسي ولا تحس بالمطب ما شاء الله

نصحني واحد اركب مساعدات لفلز و ركبتها بالبر ممتازه جدا و لكن بالطريق صار زي الشاص

[أبوغيث 2003]

مالك إلا المساعدات الرياضية

مثل مساعدات رانشو , ومساعدات رادفلو , ومساعدات كينق


هالمساعدات هذي يجي فيها عدة طقات توصل أحيانا لـ 12 طقة تتحكم بقساوة وليونة الموتر


بعضها تتحكم بالقساوة بريموت وبعضها يدوي


طبعا أسعاره غالية من 4 الاف الى 9 الآف تقريبا


وقليله المحلات اللي يوفرونها ممكن تحصلها عند محل اسمه 4500 بالرياض ومحل 4*4

وبالقصيم ممكن تحصلها عند ورشة القفاري

ولو لك روحه للامارات اسعارهم أرخص من هنا

[محمد 11411]

انا جربت مساعدات لفلز على لاندكروزر مع طقم يايات
وجرب مساعدات الرمايه الصفراء ورا

تبي رايي خل مساعدات ليفلز قدام
ورجع مساعدات الوكاله الخلفية
الموتر قفاه زين يكفيه الياي الاسترالي
بس الوجهيه هي اللي تحتاج تثبيت،،،وليفلز انسب شي قدام

[كاسر الميل]

فيه محلات كثيره ف الامارات متوفره عندهم هالجنبينات وهي على الغاز واكثر من شركه اختصارا للوقت اشتر مجلة اتو ترايدر وبتلاقي المطلوب وهي غاليه ف السعر والتركيب قريب العشرة الاف ريال قطر وشكرا

[أخو شيخة]

أشوف أن الأفضل الأسترالي للاند

[abusummer]

الرابتر مساعداته من شركة فوكس FOX فيه مثلها تنافسها شركة كنج KIG
http://www.ridefox.com/
رابط شركة فوكس

[ظبي]

اخوي هل فيه لفلز للباترول

وفيه استفسار حاولت اراسلك علي الخاص
السلام. عليكم
اخوي سبق عرضت تانكي باترول جديد
الحقيقه عندي باترول وودي افصل له. اذا ماعليك امر تدلني على الورشه
والرقم اذا امكن

[sgl2002]

اخوي لاتعدل بشي


لان الرابتر نظام تعليق مختلف عن اللاندكروزر


وفوق كذا الياباني ماهو مثل الامريكي مهما عدلت عليه

[speed62]

ليش لأ لاكن طبعآ بيصير الموتر قاسي..
تفضل Simply The Best Big Lift يكلف اكثر من 15الف
http://www.4wd1.com/80-series-suspension.htm

[stranger]

ليش لأ لاكن طبعآ بيصير الموتر قاسي..
تفضل Simply The Best Big Lift يكلف اكثر من 15الف
http://www.4wd1.com/80-series-suspension.htm
يالاسعار هذي اشري سيارة جديدة
تكلفتها عالية جدا

[adel-2014]

أخوي المساعادات الى تتكلم عنها أكيد قوية وسيارة تقسى عندك على الطرق وتحس فيها على المطبات هي مصنعه للتتحمل النقز والحجار والطرق الوعره واكيد ليست مثل مساعدات المرسيدس أو السيارات الى مصنعه انك ماتحس في الطرق والمطبات فيها كل فئه من السيارات تختلف عن الثانيا مصنعه لغرض معين وأستعمال يختلف عن الثاني