سؤال هل فيه حل للباجيرو

[باجيرو gool]

السلام عليكم
ودي اسأل ياخوان
س1 / هل فيه حل لموضوع تنسيم الهواء
في الباجيرو ؟
س2 / هل فيه حل للقرقعه اللي في الباب الخلف ؟
ارجو الافاده لو سمحتو . وشكراً،،،

[أطلال نجد]

وعليكم السلام ورحمة الله

أمتلك باجيرو و أعرف أكثر من مالك للباجيرو و لا نشتكي مما ذكرت ولله الحمد

العيوب التي ذكرت تعد مشكله في سيارتك و ربما تحتاج إلى وزن أبواب و تربيط أو استبدال ربلات إذا كان فيها تشققات وتلف. بالتوفيق

[باجيرو gool]

وعليكم السلام ورحمة الله

أمتلك باجيرو و أعرف أكثر من مالك للباجيرو و لا نشتكي مما ذكرت ولله الحمد

العيوب التي ذكرت تعد مشكله في سيارتك و ربما تحتاج إلى وزن أبواب و تربيط أو استبدال ربلات إذا كان فيها تشققات وتلف. بالتوفيق

اشكرك اخوي اطلال نجد،،،
ممكن اللي ذكرته صحيح مع العلم ان موديل سيارتي 2010
واخاف اوديها عند ورشه يلعبون في الأبواب .

[أطلال نجد]

هلابك أخوي
عندك الوكالة بالملز شارع الظهران إذا كنت بالرياض
يعطونك ضمان على الصيانة
سيارتك لازالت جديدة لا تسلمها لأي أحد يتعبث فيها
إذا حبيت تروح لهم راسلني على الخاص


بالتوفيق ،،،

[هكيير]

كلامك سليم معي ٢٠١٠ الباب داءمن له. قرقعه ولفيت عليه شطرطون علشان يخف القرقعه.
والتنسيم لا يوجد حل

[رقبة حاشي]

معي ٢٠٠٣
ولله الحمد مافيه قرقعه

[رحال3]

اذا تبي نصيحتي وانا اخوك رح لورشة النويصر بالصناعيه القديمه صحيح انهم غاليين لكن شغل فل الفل وايضا لا تدقق واجد مرة علي فتره وسوسة من هالأصوات وشرا ولد خالي باجيرو ٢٠١٣ وجربته وكاله طبعا وطلع نفس موتري بكل شي .. وطبعا هذي لا تعد مشكله في الباجيرو وهذا شي طبيعي لأن الموتر قاسي ومصمم للخطوط الوعره فهذا شي طبيعي جدا

[محمد الدحدوح]

السلام عليكم ورحمة الله
عندي 2014 3.8 والقرقعه موجوده وصوت تنسيم لهواء بعد موجود

[أطلال نجد]

شيء غريب ٢٠١٤ أنا سيارتي ٢٠١١ و ماشيه ٨٢ ألف و لا فيها قرقعة و لا تنسيم هواء ولله الحمد و المنة

يا أخوان تأكدوا من الملاحظات و مصدرها الحقيقي

فيه ناس كثيرة ترغب شراء السيارة و تقرأ ملاحظاتكم و تأخذها على محمل الجد !!

قد تكون القرقعة من مشابك حزام الأمان الخلفية أو من عدم ثبات المرتبة الأخيرة بشكل جيد

أو وجود جسم صلب في الشنطة مرمي مثل ماطور هواء أو مفكات أو قدر ضغط ههههه أو أو أو

بالنسبة للتنسيم هناك فرق بين تنسيم و دخول هواء لكبينة السيارة أثناء السير

و بين سماع صوت ضجيج الهواء القوي و السيارة تسير بسرعة عكس إتجاه الهواء

و يجب التفريق ما بين قيادة سيارات الدفع الرباعي

و بين السيارات الصغيرة أو العائلية مثل اليوكن و الإكسبدشن و غيرها

لأن سيارات الدفع الرباعي إرتفاعها و إنسيابية شكلها و تصميمها يختلف تماماً عن بقية السيارات الأخرى


تحيتي

[أبو جابرر]

كفيت ووفيت يا اطلال نجد

يجب التأكد يا اخوان من الملاحظات


الله يكتب لنا ولكم الخير

[ابونواس01]

السلام عليكم
أنا معي باجيرو 3.8 موديل 2005 وماشيه 120 الف ولم ألاحظ أبداً صوت التنسيم أو إهتزاز في الأبواب الخلفيه

[مجودي 999]

ياخوان ويش الحل في الدبل حق الباجيرو ربع مايشبك علما انه عادي

[الفارس 2005]

انا معي باجيرو 2009 ماكينة 3800 قربعه بالطبلون والباب الخلفي واللي اعرفه كل الباجيرو كذا وهذا عيبه
اول مره اشوف سيارة طبلونه يقرقع .
واذا مسكت جلد الله يعينك تحس الطبلون يبي يطيح من كثر رجته ،
احد الزملاء راعي بر شراه وكالة ماقدر يتحمل اكثر من ستة اشهر وباعه بسبة رجة الطبلون .

[أطلال نجد]

الأخ / الفارس 2005


كم هواء الكفرات عندك ؟

إذا كان الهواء عندك أكثر من 33 فأنت ظلمت نفسك و ظلمت سيارتك معك

بالنسبة لرجة الطبلون مع الجلد و ليس ( القرقعة ) لأن فيه فرق فعلى مسئوليتي التامة لا تخاف أبداً

ما راح يتأثر أو يطلع من مكانه حتى لو بغيت تفك الطبلون و جبت العدة و الفرشة و براد الشاهي.

و صدقني إذا بندقق ما راح يناسبنا حتى جيب اللكزس، وخذها من أخوك كل سيارة و ترى لها عيوب.



بالنسبة لقرقعة أو صوت الباب الخلفي

لاحظنا سوا فيه ناس تشتكي و فيه ناس لا، و أنا ما مرت على هالمشكلة ولله الحمد. سيارتي 2011

و الأسباب كثيرة لحدوث قرقعة الباب الخلفي في الجيوب عامة بحكم نظام تعليقها و استخداماتها

منها على سبيل المثال :

1/ إهمال تربيط و تشحيم الباب الخلفي خاصة بعد الكشتات الطويلة أو التطعيس لأنه عرضة للغبار.

2/ سوء استخدم ( ناتج عن ردائة أكثر الطرقات الداخلية، أيضاً القيادة السيئة )

3/ تعرض السيارة لإنقلاب أو تعرض الباب لحادث أو سمكره أو إختلاف وزنيته.

4/ ثقل وزن الباب الخلفي قد يكون أحد الأسباب في ظهور صوت قربعة مع الوقت و الاستعمال الشاق.

[الفارس 2005]

مرحبا اخوي اطلال نجد
اشكرك لردك

هواء الكفرات من 28 الى 30
بخصوص الطبلون ادري ماراح يطلع من مكانة ولكن اقصد هذا عيب كبير بالباجيرو .
اشكرك للطفك وتجاوبك .

[Ko9000]

نعم صدقوا الاخوان اللي فوق انا معي موديل 2010مكينه 3800الطبلون يرج قوه وقرقعه بالباب الخلفي قويه مع اني من عشاق الباجيرو بس كرهتني هالعيوب وللعلم مع الوالد نفس الموديل بس مكينه3500نفس رجه الطبلون

[السكب 1153]

رجة الطبلون في الباجيرو صارت عندي شيء طبيعي يعني تعودت عليها لكن حطيت من الربل اللي يجي عند محلات الزينة ودبلته وحطيته في زاوية الطبلون من اليمين وخفت عندي القرقعة بشكل كبير

[بشار الشري]

السلام عليكم يا اخوان
انا عندي باجيرو 2016 ماشي 1500 من اول ماخذته وفي صوت حديد يخبط جهت الراكب الامامي جانب السائق ولها أسبوع في الوكالة ولا لقوله حل لحد الان
ايش الحل/