رايكم بمنتزة الثمامة

[الشاص 2]

السلام عليكم ابي رايكم بمنتزة الثمامة الى بعد نقطة التفتيش كاني موكد اشوف ناس كثير يدخلون مع البوابة هل هو برسوم ولا وش طريقتة ويستاهل ان الواحد يروحله ...

[ناصح]

السلام عليكم ابي رايكم بمنتزة الثمامة الى بعد نقطة التفتيش كاني موكد اشوف ناس كثير يدخلون مع البوابة هل هو برسوم ولا وش طريقتة ويستاهل ان الواحد يروحله ...

وعليكم السلام ورحمة الله وبركاته

نعم استئجار المخيمات برسوم وحجز وتجده عند البوابة..

بالتوفيق

[الشاص 2]

مشكور اخوي على مرورك الجميل ... الافضل الواحد ياخذعزبتة ويكشت اى محل يبيه بدون قيود او رسوم. تحياتي لك

[sgl2002]

نصيحة


ابعد عن الثمامة والريضان والمنتزهات


زحمه واكثرها سرابيت


لاصرت بتروح لها رح للحدايق العامه ابرك


اذا بغيت تطلع البر رح في الفجوج البعيده اللي يصعب ع السيارات وصولها

[ناصرالواهبي]

الله يعين على هذي الرسووووم

[الشهيمي55]

جيتهم قبل فتره ودخلت المكتب وقالو دخول عوايل فقط وهم تابع لفندق الشيرتون








تحياتي

[نجد1963]

لاحول ولاقوه الا بالله
سرابيت مره وحده ياخي اتق الله
تراك تأثم بهالكلام قل خيرا او اصمت

[الطبيعه 1400]

انصحك لوجه الله

اذا كنت تريد التخيم ابتعد عنه فهي ملياه بالزحام والازعاج اذهب للخريم او التهات او الخفس او سمحان او ايروضه تعجبك افضل

تحياتي : ابومساعد

[الشاص 2]

مشكورين على مروركم الجميل وماقصرتو.....والله اني رايح للخفس بس قلت بشوف الوضع فى المنتزة.. تحياتي لكم

[الأخضر]

السلام عليكم ورحمة الله وبركاته
بالنسبة للمنتزة فهو تابع لشركة الفنادق ، ويؤجر المخيم بحدود 2600 ريال وهو عبارة عن عدد 4 خيام كبيرة ودورتي مياة ومطبخ ومغاسل خارجيه مفصول إلى جزئين رجال ونساء وبينهما فاصل مرتفع من التراب ليعطي بعض الخصوصية والحجز بين الخيم ...
مدة الحجز تصل إلى شهر شهرين وأكثر للحصول على حجز نهاية أسبوع ... وأنا أستغرب جدا من عدم معالجة هذا الوضع لتحقيق أرباح أكثر لشركة الفنادق ... فيفترض منهم مضاعفة عدد المخيمات .
طبيعة المنطقة بشكل عام شهباء يعني ما فيها أشجار لا طبيعية ولا مستزرعة .. والأرض حزوم ليست سهلة ولا فيها أي رمال أو طعوس ...
تحياتي للجميع

[ريف النشاما]

المنتزه طال عمرك عندنا فيه مخيم للعائلة من سنة عيص ميص :D مستأجر على طول صيف شتاء وفي كل الحزات

كان زمان بلوشي لكن صار بالقرقش


--

خذ العلم اللي يجمد على الشارب:D


المنتزه ماخلينا فيه ولا داعوس ولا حصاة الا جيناها


وقت الامطار لا تسأل روعه مابعدها روعه

وقت الربيع خيال

لماذا ..... لأنه محمي يعني ارض شبه بكر


الايام هذي ربيعه خيال شي لايوصف


طبعا كل شي بحقه المخيم غالي وقسمين وفيه يتوفر دورات مياه والمياه والكهرباء


هذا كلام اخوي احمد :D وانا زرقات يارجال مشاء الله لهم ثلاث اسابيع وينكم بالمخيم

هناك خصوصية تامة والناس قليل جدا

[ريف النشاما]

السلام عليكم ورحمة الله وبركاته
بالنسبة للمنتزة فهو تابع لشركة الفنادق ، ويؤجر المخيم بحدود 2600 ريال وهو عبارة عن عدد 4 خيام كبيرة ودورتي مياة ومطبخ ومغاسل خارجيه مفصول إلى جزئين رجال ونساء وبينهما فاصل مرتفع من التراب ليعطي بعض الخصوصية والحجز بين الخيم ...
مدة الحجز تصل إلى شهر شهرين وأكثر للحصول على حجز نهاية أسبوع ... وأنا أستغرب جدا من عدم معالجة هذا الوضع لتحقيق أرباح أكثر لشركة الفنادق ... فيفترض منهم مضاعفة عدد المخيمات .
طبيعة المنطقة بشكل عام شهباء يعني ما فيها أشجار لا طبيعية ولا مستزرعة .. والأرض حزوم ليست سهلة ولا فيها أي رمال أو طعوس ...
تحياتي للجميع

هل زرته هذه الايام

لولا غلاه تشطب على التنهات والخفس

[KMUU]

اسعارة طيبة فيه احجام للعائلة الصغيره اذكر ب700 وهادية

[أطلال نجد]

ميزته قريب و ينفع للعوائل لكن الأسعار غالية للي يبي مخيم متكامل

[هامور2013]

ماشاء الله تبارك الله
الله يعطيك العافيه

[الأخضر]

هل زرته هذه الايام

لولا غلاه تشطب على التنهات والخفس



نعم زرته أمس وفعلا شاهدت شي ثاني ريح العشب يقابلك من عند البوابه ومجاري المياة واماكن تجمع المية كلها أعشاب وخضراء... سبحان محيي الأرض .
تحياتي