تكفون فزعتكم ياخوان

[آلجهني]

السلام عليكم ورحمة الله وبركاته

تكفون ياخوان ابغى اقرب وافضل طريق من ينبع البحر الى الجوف ،

وياليت الاجابات تكون من اشخاص سافرو مع الخط قبل فترة بسيطة عشان يكون العلم جديد

انا مشيت وجربت خط ينبع البحر الى العلا ثم الى مفرق الجهرة الى تيماء ثم الجوف ، بس الخط بعيد وبعض المسافات مقطعه !

وفيه صاحب لي يقولي امشي مع طريق ينبع الى المدينة المنورة ثم الى حائل ثم الى الجوف مباشرة !

بس مدري كيف طريق المدينة حائل هل هو مسارين ولأ مسار واحد وكيف التحويلات والمفرق !

تكفون ياخوان فزعتكم انا مسافر لسكاكا هاليومين لدراسة ودي اخذ العلم من بدري :(

ورحم الله والديه ويجزاه بالجنه الي بيفزع لنا بالعلم الوكاد

[ابوعمرالفاروق]

عليكم السلام ورحمة الله وبركاته

طريقك اللي مشيته زين هو أقرب شي لك وطريق حايل المدينة حسب خبري زين ولا أظنه يخلا من تحويلات هالايام لزوم طريق المدينة حايل السريع ولا أظنها مزعجة

لكن شوري رح مع دربك أزين لو إني مكانك رحت معه

موفق

[ناصرالواهبي]

ياليت اقدر افيدك بس ماعرف والله هذيك المنطقه زين

[آلجهني]

الله يجزاكم خير ،

بس ياليت اذا احد عنده علم بطريق اقرب يعلمني ، خبركم 1100 كيلو تكسر الظهر وللاسف الخطوط ماحصلت فيها حجز

مدري وش مشكلة المناطق الشمالية مع الخطوط الى حجوزاتها قليلة !

[ابوعمرالفاروق]

بإمكانك الحجز عن طريق المدينة الجوف هناك رحلات منتظمة ولكنها قليلة ومن جدة يومية
وبإمكانك السير عن طريق الطريق الزراعي الجديد بين تبوك والعلا ربما تختصر 30 كم أو أكثر بقليل وهناك أيضا طريق شمال العلا يصلك بطريق المدينة تيماء شمال الجهراء يصل إلى هجرة الجديد
عموما 1100 كم زينة ربما هي أقصر الطرق عدا طريق العلا تبوك لأنك تفرق يمين قبل تبوك بمسافة لتتجه لمفرق الجوف القليبة تبوك
وهناك طريق من تيماء ربما هو منتهي الآن يمر بالعسافية- الهوج- الحوي (ثنية أم نخيلة ) هذا أقصر الطرق لو كان جاهزاً لربما تصبح المسافة قريبة من 1000 والله أعلم

[خط الساحل]

من العلا إتجه شمال لـ مدائن صالح من مفرق الجهرا - العلا وبعد المفرق حول 5 كلم على يمينك
محطة عب السيارة بنزين وتوكل على الله بإتجاه تبوك ... 200 كلم (عبر الحرة )إلى مفرق نقطة تفتيش الطلعة جنوب تبوك
بحوالي 30 كم ، ومنها تتجه يمين مسافة 70 كم "طريق سريع" وقبل القليبة بـ 15 كم تفرق يسار للجوف ..

* طبعا المحطة اللي ذكرتها هي اخر محطة في طريقك قبل ان تصل لمفرق نقطة التفتيش طريق تبوك - تيماء،
الطريق مسار بإتجاهين وخالي من الخدمات تماما علشان كذا حبيت التنويه ...

الطريق لا بأس به اقصد وصلة الحرة 200 كلم اخر 70 كلم منه حاول تركز أكثر على الطريق فيه منعطفات
حادة نوعا ما ... ولكن بشكل عام طيب ... مشيت فيه قبل اسبوعين

طريق "المدينة -حائل" الحناكية - الغزالة مسار واحد متوفرة الخدمات
تفرق عندك المسافة كثير الى المدينة سواءا من الجابرية او بدر ...


طريق الجهرا - حائل مسار واحد عبر عمائر بن صنعا ، وعندك من حائل لدومة الجندل "سريع"

طريق الجهرا - تيماء - القليبة "طريق سريع"

يعني اذا على المسافة اول طريق ..
واذا على الخدمات آخر طريق ..

وبالسلامة تروح وترجع ..

[آلجهني]

جزاكم الله خير ، وافين ياهل مكشات

عسى الله يفرج همه وييسر امره الي جاوب بموضوعي.