ترفيع الباترول من الخلف

[zafr7432]

اخواني الاعزاء
السلام عليكم ورحمة الله وبركاته
ابشركم شريت باترول سياحي باب واحد لكن لاحظت عليه عندما احمل أغراض او يركبون معي بعض الشباب ينزل من الخلف فماهي الطريقه التي تجعلني ارفعه من الخلف
ملاحظه/ حتى وهو واقف ومافي شنطته اي شيىء الاحظه نازل من الخلف
ولكم مني جزيل الشكر

[تركي0500]

خويي عنده ربع باترول باب واحد مثلك .. ودابل المساعدات بدال ما في الموتر اربع ورا ثنتين وقدام ثنتين حط ثمان مساعدات اربع قدام واربع ورا ما ادري ليه.. بس يمكن عنده نفس مشكلتك..

[ألشاكي]

ركب كعكااااااااااات خلفيه وريح باااااااالك

[تكفون]

مساعدات إسترالية وترك عنك الأفكار الثانية ..

كل الشعب مركب مساعدات إسترالية .. وسأل أي واحد معه جيب .

تحياتي لك

[system]

من واقع تجربه ما انصحك باليايات الاستراليه سواء الصفر او السود اللي تنباع عند الرمايه وغيرهم لانها مخصصه للباترول اربع ابواب واذا رحت تسأل المحل بتشتري مايقولك هذي تركب ولا لا يبيعلك وبس وفرقها عن حقات السلق انها عاليه اذا ركبتها على السيارة تصير كنك راكب فوق الصطح وتسبب نفضه بالسياره قويه .
اما بالنسبه للمساعدات فالمساعدات ماهي لرفع السياره المساعدات تخفف اثر المطبات على السياره بس اما بعض المساعدات اللي تسمى مساعدات الغاز هذي تعطيك ارتفاع بصيط لا يذكر ولاهي عمليه.

اما الحل برئيي المتواضع هو احد الامرين:-

1) تركب كعكات المنيوم وليس ربل لأن الربل بعد كم اسبوع ترجع السياره مثل اول لاكن الالمنيوم تجي مقاسات 20 ملي او 30 ملي تكلفك حدود 100 ريال مع الشغل.

2) بوالين اللي توضع داخل الياي وتعبيها هوا اذا جيت تحمل وفيه احد الاخوه كاتب عنها موضوع بالمنتدى بس عيبها سعرها تقريبا 900 ريال.

ملاحظه::انا انصحك بالخيار الاول لاني مجربه وانتبه من رفع السياره اكثر من اللزوم لانها تأثر على العامود والدفرنش بسبب الرجه وأتمنا اكون افدتك وآآآآآآآآسف للاطاله.....

[zafr7432]

الاخ تركي 0500 مشكور على المرور يالغالي
الاخ الشاكي مشكورعلى مرورك يالغالي
الاخ تكفون مشكور على مرورك يالغالي
الاخ systemمشكورعلى النصيحه يالغالي

[ابو نوره]

ركب كعكات وانكانك شفت الموتر يطامر ولاهوب راسي غير مساعداته
بمساعدات مورنو الامريكيه تراها ممتازه
وهذا كله انا مسويه بموتري السفاري

[عجاج]

ركب كعكااااااااااات خلفيه وريح باااااااالك

هذا الكلام الصحيح :good:

[ع.ف.الدرويش]

zafr7432.. صبحك الله بالخير

بالنسبة لرفع الموتر فأنا معي نفس النوع باترول باب واحد 2004
الحاصل إني إستبدلت المساعدات الخلفية إضافة إلى ذلك ركبت ياي أسترالي
أما الكعك فـ بصراحة خيار جميل لكن ما أعتقد إنه أفضل من اليايات
لأنك تبغى شغل بإذن الله يدوم وإياك...

والله يوفقنا وإياك لكل خير..

أخوك.. أبو فهد...

[ندمان]

لاتتعدى الياي الأسترالي

[دهام]

الاخوة الكرام..............السلام عليكم ورحمة الله وبركاته
عندي باترول اربع ابواب وعندي استفسارين:
1- عن ناوي اركب طقم مساعدات.....وش تنصوني فيه عن تجربه.................للعلم السيارة تطلع للبر كثير وانا رجلي ثقيلة والسيارة تطر.
2- يمكن اقلبه سلوقي وانا عاجبني الجنط اللي يركب على الجي اكس الهدد يقولون جنط باجيرو ياليت اعرف هل هو خفيف وزنه وكم سعر الطقم جديد ووين الاقيه......وكم عرضة من انش
وتسلمون

[دهام]

:good: السيارة تطرد

[ع.ف.الدرويش]

دهــام.. صبحك الله بالخير

إن كنت راعي بر ومقناص وطردي..

فـ المساعدات..
فعندك أنواع كثيرة منها إللي يركبونه مباشرةً ومنها إللي يبغى له ترهيم في ورش متخصصة في الصناعية القديمة..
الفئة الأولى..
- مساعدات ARB (أسترالية)
- مساعدات مونورو (أمريكية)
- مساعدات جبريال
الفئة الثانية..
- مساعدات مرسيدس
- مساعدات جمس
- مساعدات لاندكروزر
وفيه بوالين المساعدات مثل ما ذكر أخونا بالله system..

أما اليايات.. أفضل أنواعها الأسترالية ARB
وأعتقد أن هناك من يركب يايات أمريكية تجي للكابريس..!(ماني متأكد من الجزئية هذه)

وبالنسبة لجنوط الهدد.. فإن كان الواحد مطامره برمل ونفود بكل رحلاته فالأفضل جنط الألومنيوم العريض وإن كان ببطناج وصخر بالأفضـــل الجنط المعدن لأنه يستحمل الضربات ويمكن تصلحيه بسرعه بالحالات الضرورية

.
.
(أبو فهد)

[كل القصيد]

سيدي الفاضل السلام عليكم ورحمة الله
بالنسبة لموضوع الياي انا شفت موتر واحد من الشباب عالج المشكلة بطريقة رائعة ومبتكرة
وهي تلبيس الياي بالكامل ليات كبس الهوا ليات الهيدروليك
وشكرا

[دهام]

تسلم يالدرويش..............انت ومندي الضبان
لكن سؤالي عن وش اركب ؟؟؟؟؟؟؟؟؟؟؟وش الافضل في الياي؟؟
الاسترالي؟ rab
وبالنسبة للجنوط ما احب العريض منها..........لكن وش رايكم في جنوط الباجيرو
وتسلموون

[ع.ف.الدرويش]

صبحكم الله بالخير يا جماعه..
أخوي دهام كيف حالك..؟
بالنسبة لليايات فما فيه أفضل من الـarb وهذه الله يسلمك تلقاها في محلات الرماية أو في مركز الصيانة الخاص بهم والواقع على طريق التخصصي وأنت بإتجاه الشمال بعد نفق النقل الجماعي..
أما المساعدات فأفضل شيء المرسيدس يجي لونها أحمر نعم ترهم ترهيم لكن بصراحة تنفع وبقوووووة وهذه الله يسلمك تركبها عند واحد يقال عبدالكريم الفعيم له ورشة في السلي وأغلب أصحاب المرهمات شغلهم عنده
وأخيراً جنوط الهلل (الباجيرو) فبصراحة روعة على الباترول أنا مركبها بالإضافة إلى كفرات دنلوب نصف رملية..ممشى الموتر بالخط حلو وبالنفووووود احلى بوااااااجد وهذا من فضل الله (جلّ شانه)
أتمنى إني اكون قدمت لك وللجميع المفيد.. والله يوفقنا جميعاً لكل خير

(أبو فهد)

[لص الخبراء]

السلام علينا انتم كلاب ولله منتدى بايخ

[لص الخبراء]

يالص ياكلب