المساعد الشخصي الرقمي

مشاهدة النسخة كاملة : ماطور الهوا الأسترالي


أبوسليمان
10/11/2001, 03:06 PM
السلام عليكم
أخواني
ابستفسر عن ماطور الهوا الأسترالي
مناحية الصبر والمده الزمنيه التي يستغرق فيها نفخ الكفر
وكم سعره بالظبط
ارجو ممن لديه الخبره سرعة الرد لاني ابي اشتريه بهاليومين


مع خالص الشكر والتقدير
الخبير
11/11/2001, 02:44 PM
السلام عليكم
و الله يا مساعد الاسترالي يباع عند الرماية ، قيمته 850 تفخه على ما سمعت حلو لكن على ما شفت و الله انه تعبان.
نصيحتي لا تاخذه ، اذا كانت سيارتك تويوتا عندي جهاز ممتاز لك ، يعتمد على كومبرسر سياره ثانيه و يربط على على المروحة بالبكره و السير ونفخه ممتاز و إذا دعست بنزين زود كلما نفخ هواء اقوى ، قيمته 1000 عند واحد اعرفه فيه واحد ثاني يركبه في محل و يحط معه زي التانكي يعبى هواء و ينفخ مثل البناشر هذا يبيعه ب 1500 و الراي لك
أبوسليمان
11/11/2001, 09:30 PM
السلام عليكم
أخوي الخبير انا أبوسليمان منب مساعد
ومناحية الجهاز وينهوبه اركبه
واذا كنت ماتبغا تكتب هنا هذا بريدي
abuslyman@maktoob.com





و شــكــر اً
الخبير
12/11/2001, 01:37 AM
السلام عليكم
يعليش والله يا ابو سليمان واحد من الشباب اسمع مساعد ما شاء الله عليه شغال مواضيع طيبه ، وانا اشتغلت ارد عليه.
ما علينا الجهاز هذا واحد من الشباب يركبه ، و اذا بغيت تشوفه ابشر انا اكون عند طعس الخزام كل خميس بإذن الله ( هذا اذا ما كان الخميس هذا رمضان ) سيارتي شاص 97 مطربل باخضر .
الجهاز يركب على سيارات تويوتا فقط.
راعي كيف
14/11/2001, 01:29 PM
نصيحة لكم كلكم خاصة اخوي خبير والجميع
جرب ماطور الهواء الصيني ماتخسرفيه شي قيمتة
الصغير : 150 ريال قوتة 18ينفخ كفر الجي إكس مابين4.5-5.5دقيقة


الكبير 220ريال وقوته 24 ينفخ كفر الجي إكس مابين 3.5-4.5دقيقه

صحيح إنة يحتر لاكن فعال انا استخدمت الصغير اول ماطلع للحين معي استخدمة احياناً باليوم الثر من 3مرات وهذاه معي للحين ماقال شي الحمدلله
ملاحضة / قيه صيني لونه (الجرم)نيكل قيمته 120 ريال إبعد عنه خذ الى لون (الجرم)نحاسي هذا الزين


ركبلك ماطورين من الكبير 440 ريال يختصر الوقت ويدفع اقوى
الخبير
15/11/2001, 02:07 AM
السلام عليكم
يا عاشق البر الكمبرسر الي اتكلم عنه ينفخ الكفرات كلها في اقل من 10 دقائق وانا اتوقع انها 6 دقائق.
kaaaatm
02/08/2006, 11:07 AM
اخوي الخبير يا ليتك تحط رقم لوحتك علشان نعرف الموتر


ولا رقم جوالك الله لا يهينك
المري
02/08/2006, 11:18 AM
هلا اخوي كاتم

الربع يسولفون لهم خمس سنين .!!!

ماهوب هالسنة!!
بردوق صندقان
03/08/2006, 01:52 PM
السلام عليكم ورحمة الله وبركاته
بالنسبه لي اشتريت ماطور الرمايه بـ850ريال ومن ذاك اليوم وهو مبيض الوجه لا حراره ولا يفصل لو تنفخ خمس سيارات ورا بعض
بس عيبه انه ابطأ من الجمل ابو راسين (بستمين) وتراني مجرب كم نوع من الصيني مشكلتها الحراره وتفصل
برق بن رعد
03/02/2008, 02:17 AM
احترنا بين هالمواطير
ابرق العزاف
03/02/2008, 02:51 AM
ابو جمل الاصلي وبس وعليه استكر يوضح انه اصلي
عبدالعزيز-1
04/02/2008, 12:52 PM
والله ياان الموضوع قدييييييييم ومكتوب عام 2001

مدري من وين طلعتوه ؟
شمالات نجد
22/09/2009, 06:56 AM
:)

صبحهم بالخير

في الإعادة إفادة

سلام
ابوفهد225
22/09/2009, 12:51 PM
هالموضوع وش طلعة فوق وتاريخة قديم :)

!!!!!!!