يا اهل الشواصي والقنص بالطير ....

[ابوحسين]

السلام عليكم ورحمة الله

يا اخواني ودي اسأل اهل الشواصي

وين يكون مكان الطير؟
و اذا كان معك اكثر من طير.؟
هل يفصل للطير شبه في الحوض ؟
وهل يتعارض مع العزبه والاغراض بالحوض؟ طبعا الشاص عليه شراع.

وعند الهدد كيف يكون الترتيب؟

هل فيه مكان معروف للتفصيل؟

ارجو الاجابه من اخواني الاعضاء وشكرا

اخوكم ابو حسين

[الدبل الثقيل]

ان شاء الله تلقى من يجاوبك....

[عاشق البسيتين]

اخوي يوجد في محلات القنص تكايه للطير خاصة ركبها وارتح واذا صار عندك اكثر من طير ركب في الصندوق وكر على شكل عمود ولايظر انشالله وي وقت الهدد لازم تكون جو السيارة بس اذا هديت لازم تكون مهدي السرعه علشان الطير مايجيه شي واذا تبي تهد في صندوق الشاص شل الشراع وخل الهنقلين واسف على الاطالة وارجو اني افدتك اخوي

[الخادم]

اخوي

انا ركبت تكاية من الخشب متحركة تفصيل على لون المراتب عند السليماني بين السائق و الراكب ( لطير واحد ) بـتكلفة 350 ريال قبل ست سنوات
حقيقة ريحتني و تحت المنصة درج للشلو و المناديل و الاوراق 00000
لكن اذا بغا يركب معك اكثر من شخص يصير ضيق 000

ورشة السليماني الرياض و عند مخرج 10 تاخذ طريق الملك عبدالله متجة الى الغرب وهو فوق اول نفق من جهة الجنوب ( بجوار قصور العويضة من شرق )
انا بعت السيارة و ياليت صورتها قبل البيع 000000000000000000000