بخصوص تجديد جيب نيسان 94

[راعي النياسين]

السلام عليكم ورحمة الله وبركاته

ياخوان عندي باترول 94 بدي منتهي ويبي له رش بويه

ناوي ان شاء الله اجدد الموتر من الخارج ومن الداخل

استفسار للاخوان الي عندهم خبره في ذا الامور

ربلات الدرايش والمسطره الخارجيه الي تجي اسفل الدريشه كلها منتهيات وين احصلهن فيه وهل فيه محلات تفصل ربل والمشكله حتى التشليح ماينفع لان الربل يكون مشمس

الشي الثاني انا رحت لصناعية 18 وسألت اكثر من ورشه بخصوص رش البويه فرن تغيير لون قالو لي 8 الاف مع ضمان 5سنوات هل هذا فعلا اسعار الرش الي يعرف ياخوان ورشات زينه في الرش وتعديل التلقيطات الي في الموتر لايبخل علينا

الشي الثالث ياخوان رحت لمحل وضاح للتنجيد ابشتغل شغل كامل للداخليه من رش ديكوات وتغير الارضيه + اظافة عازل على عازل الوكاله تغيير قماش السقف وتضمين التنده تنجيد المراتب تغيير الخشب تبع البيبان وكبسه من جديد فقالي السعر 5 الاف ريال وفيه محل في الصناعيه القديمه قالي 4 الاف لكن المشكله ان وضاح مجرب ومعروف شغلهم ممتاز

ننظر نصائح اهل الخبره والمعرفه والله يرحم والديكم عن النار والله يكتب لنا الخير جميعا

[بدوي ممطور]

يستاهل النيسان ماعليك

[راعي النياسين]

يستاهل النيسان ماعليك

عز الله انه يستاهل ومالنا غنى عنه

ننتظر باقي الاخوان

[راعي المجهم]

نصاااااااابين

رش السيارة فرن والبوية اصلية ب 3000 ريال

وتنجيد الداخلية وتجديدها وكالة ب 2000 ريال

في جدة عند شبك المطار الصناعية

اما الرياااااض فوالله طايحين في الشعب الداااااايخ الله المستعان

[abo naser 1]

السلام عليكم
اخي ابفتيك با التنجيد اذا الفرق 1000 ريال لا تعدى وضاح بس هل قواعد المراتب سليمة اذا منتهية خسارة تنجد انصحك تغيرها بعدها نجد مراتب باث فندر ممتازة وشكلها حلو

ربلة الزجاجة الامامية والجانبي الخلفي بتضطر تغيرة
وبتطول الشغلة الله يعينك ماتنتهي عند تنجيد وبوية بطنة كراسية ياي مساعد محرك
فا انصحك بالجاهز يوفر عليك مال وجهد الا اذا الموتر مايبي الا تنجيد وبوية

[سقم المعادي 1]

خل الداخليه اخر شيء اهم شيء عطه بويه فرن و الاسعار ماتتعدى 4000 للجيوب زود عن كذا مبالغ فيه بزياده

لا خلصت من البويه شف وش يحتاج اول شيء من ميكانيكا و بطن الموتر من جلد و غيره

او خذ لك مراتب فتك من التشليح كامله اذا تركب لأني اشوف راعين الباترول يركبونها بتطلع ارخص عليك من تنجيد المراتب القديمه

السفاري القديم يستاهل من يتعب عليه انا اشهد انه جيب

[ابوصالح .]

متابعين معك ونبي أفضل مراتب للجيب النيسان اللي تركب على هالموديلات
موضوع رائع جدا ومفيد

[راعي النياسين]

نصاااااااابين

رش السيارة فرن والبوية اصلية ب 3000 ريال

وتنجيد الداخلية وتجديدها وكالة ب 2000 ريال

في جدة عند شبك المطار الصناعية

اما الرياااااض فوالله طايحين في الشعب الداااااايخ الله المستعان

والله وانا اخوك مريت صناعية 18 وكلهم من 6 الاف وطالع بالنسه لرش الويه

اما التنجيد وضاح معروف وشغله زين ومريت اكثر من محل تنجيد واسعارهم حول 4الاف ريال فرق الف ريال عن وضاح لكن وضاح مجرب ومعروف وشغلهم عز الله ممتاز

[راعي النياسين]

السلام عليكم
اخي ابفتيك با التنجيد اذا الفرق 1000 ريال لا تعدى وضاح بس هل قواعد المراتب سليمة اذا منتهية خسارة تنجد انصحك تغيرها بعدها نجد مراتب باث فندر ممتازة وشكلها حلو

ربلة الزجاجة الامامية والجانبي الخلفي بتضطر تغيرة
وبتطول الشغلة الله يعينك ماتنتهي عند تنجيد وبوية بطنة كراسية ياي مساعد محرك
فا انصحك بالجاهز يوفر عليك مال وجهد الا اذا الموتر مايبي الا تنجيد وبوية


اخوي الموتر معي حاليا والحمد لله الموتر بشكل عام ممتاز بطنه ومحركاته وممتازه مراتبه وقواعدها بس يحتاج تنجيد ورش ديكورات وطبلون بسبب التشقيق

والخارجي بوديه لك عليه مشمس وفيه تلقيطات بسيطه

بالنسبه للربلات عجزت القاهن وجاري البحث عنها واذا لقيت محل يبيعهن كتبت موضوع عنها علشان باقي الاخوان يستفيدون

[راعي النياسين]

خل الداخليه اخر شيء اهم شيء عطه بويه فرن و الاسعار ماتتعدى 4000 للجيوب زود عن كذا مبالغ فيه بزياده

لا خلصت من البويه شف وش يحتاج اول شيء من ميكانيكا و بطن الموتر من جلد و غيره

او خذ لك مراتب فتك من التشليح كامله اذا تركب لأني اشوف راعين الباترول يركبونها بتطلع ارخص عليك من تنجيد المراتب القديمه

السفاري القديم يستاهل من يتعب عليه انا اشهد انه جيب

والله وانا اخوك تعبت وانا ادور ورشه رش شغلهم زين مايتعدى سعرهم 5 الاف

كلها من 7 وانت طالع لقيت يمني في الصناعيه القديمه يقول باخذ 3 الاف ريال بس واضح ان شغله قص لزق والدليل ورشته فاضيه

بالنسبه للمكانيكا الموتر الحمد لله سالك وبطنه منفوض من راعيه الاول وعليه ياي استرالي قدام وورا ومدبل مساعدات قدام

[راعي النياسين]

متابعين معك ونبي أفضل مراتب للجيب النيسان اللي تركب على هالموديلات
موضوع رائع جدا ومفيد


واحد من الشباب ركب مراتب سفاري 2002 GLV يمدحها مره

ننتظر باقي الاخوان

[بدوي جنوبي]

نصاااااااابين

رش السيارة فرن والبوية اصلية ب 3000 ريال

وتنجيد الداخلية وتجديدها وكالة ب 2000 ريال

في جدة عند شبك المطار الصناعية

اما الرياااااض فوالله طايحين في الشعب الداااااايخ الله المستعان

اجل تنجيد داخليه ب 2000 ريال كثيررررر

[راعي النياسين]

سبحان الله وبحمده ,,, سبحان الله العظيم

[مدرس بالغصب]

بالنسبة للبوية فيه صناعيه في غرب الرياض بالقرب من محطة الكهرباء لا يبالغون بالاسعار بالنسبة للميكانيكا والبوية والكهرباء

[ابو خالد 111]

السلام عليكم

يالربع منجد موتري ب3000 بس شوفوا الشغل وشلون والله شغل وكاله

مع اصلاح تكسرات الطبلون والديكورات وتغيير الكرتونه اللي داخل الابواب وشغلات كثيره

اللي يبي صور يراسلني على الواتس ويشوف بعد اذن الاداره / 0532233668