خطاء كبير شائع بين الناس ((الهايلكس السعودي ارغب من الخليجي ))

[مربط القعاسي]

بسم الله الرحمن الرحيم
الكلام كله للهايلكس الدبل (( الدفرنسين
الكثير من الناس يقول السعودي ارغب من الخليجي ونريد اليوم نوضح الفرق بين السعودي والخليجي
في البدايه المحركات المكينه والدفرنس والقير لا يوجد اختلاف نهائي حتي قطع الغيار
نبدء بالخليجي
الخليجي يجي ثلال انواع
1- سياحي الى هو قزاز هندل بدون زعانف بدون حساسات خلفيه بدون ريموتات بدون تخشيب بدون ارباقات بدون مانع انزلاق مرتبه مشبوكه بدون تكايه في النص والجنط حديد مقاس 16 ((فقط دبل يعني دفرنسين )
2- نص فل الى هو قزاز كهرب زعانف ريموتات مانع انزلاق ارباقات مراتب مفصوله والجنط حديد مقاس 15 (( وهذا هي النوعيه الدارجه بين الناس والكل يحسبه فل كامل خاليجي وهذا غلط ))
3- الفل كامل الخليجي 2014 قزاز كهرب ريموتات مانع انزلاق تخشب زعانف جناح فيبر جنط كروم 15 تحكم مسجل عن طريق الدرقسون مراتب مفصوله وتكايه في النص

السعودي لا يوجد غير نوعان الي هو
1- السياحي قزاز هندل
2- الفل كامل السعودي نفس الفل كامل الخليجي ولاكن يفرق
الخليجي العادي والتماتيك يجي مرتبه مفصوله وتكايه وتحكم عن طريق الدرقسون
السعودي التماتيك مراتب مفصوله والعادي مرتبه مشبوكه ولا يوجر تحكم عن طريق الدرقسون

نجي للقياده والراحه والعزم
القياده مافيه فرق الراحه المراتب المفصوله اريح بكثير من المشبوكه
العزم مافيه فرق ابد

في النهايه اقول السعر داخل السعوديه نبدي بالارخص
1- الاردني ب 93 بلوحات وستمارة الفل كامل ويوجد فيه تحكم عن طريق الدرقسون
2- القطري ب 95 فل كامل وتحكم عن طريق الدرقسون
3- السعودي ب 1005 ولا يوجد تكم عن طريق الدرقسون والمرتبه مشبوكه

هذا والله اعلم

[ali abdullah]

السلام عليكم ورحمة الله وبركاته
تشكر عالطرح الرائع
واضم صوتي الى صوتك
ولكن لا زال السعودي ارغب بالشراء علما بان سعره الاغلى حتى عند البيع كمستعمل

[مربط القعاسي]

السلام عليكم ورحمة الله وبركاته
تشكر عالطرح الرائع
واضم صوتي الى صوتك
ولكن لا زال السعودي ارغب بالشراء علما بان سعره الاغلى حتى عند البيع كمستعمل


حياك الله
صراحه انا كتبت الموضوع هذا لكثرة النقاش فيه وكثير من الربع يسالني عن الهالكس الدفرنسين بحكم اني من اوئل مستخدمي الهالكس الدفرنسين من عام 2006 شريت سعودي الى 2012 بعته وشريت خاليجي كويتي وارد الساير وله معي سنه ونص مافرقت اي شي عدي الراحه الخليجي اريح بحكم المراتب المفصوله

[فارس العمور]

نعم كلام سليم ١٠٠٪
لكن شعبنا يغلب عليهم الجهل وتتبع الشائعات
لا يوجد اختلاف ميكانيكي بكل الهايلوكسات الحديثه ابددددداً
لكن ابو جميل سياراته تكون اكسسواراتها صينيه مركبها بجده فقط

[عاشق الددسن92]

المشكله يقولون ان السعودي ارغب ويمسك سعرة عند البيع اول شي اللي بيشري ماهو شاري عشان يبيع بعد سنه شاري عشان يستخدم بالنسبه للبيع كلهن يمسكن سعرهن ورغبات عند البيع لاكن تطلع شائعات ان السعودي ارغب ويمسك سعره اكثر من الخليجي والكل يمشي وراها وهو ما جرب لاتأكد

[ملك الفكتوريا]

السؤال هنا وش وضع الاي بي س والايرباقات من اللي موفرها


وهل صحيح الخليجي يجي شاشة وكاميرا بالخلف