رايكم يهمني في هذي الطرمبة وهذي صورتها

[راعي بر]

السلام عليكم ورحمة الله وبركاته


يا اخوان انا شريت الطرمبة حقت سفاري اللي يمدحونها ولكن انها بطيئة في التعبئة
((توهقت بها ))
وما ادري وش يمدحونها علىايش وهذي صورتها



http://www.mekshat.com/pix/gallary/data/images/545.gif

هل اذا شبكت طرمبتين مع بعض تعبي الكفر بسرعة ام نفس الاداء؟

واذا كان الجواب بنعم فالله لا يهينك افدني عن السؤال الثاني

هل اشتري وحدة جديدة مثلها واشبكها معها ام اشتري طرمبة البيوك واشبكها معها ام تقترحون علي طرمبة اخرى؟؟؟

الف شكر لكم

وانا بانتظار ردودكم

[الخبير]

السلام عليكم
يمكن يفيدك الرابط هذاالمواطير (http://www.mekshat.com/vb/showthread.php?s=&threadid=5256)

[جاروود]

بسم الله الرحمن الرحيم
غريبه ياخوي تشكي منها انا عندي بس سوبر سفاري وارد الشراع
بالنسبه للوقت انا يقعد معي السوبر سفاري دقيقتين ونصف للكفر مع أن كفري عرض 265على 75 مع اني انسم بمقدار 10الى 15أي انه يقعد 10 دقايق يعبي كفارة السياره كامله ترا هاذ الوقت تقريبا مناسب للمواطير والرخيصه
اما اخوي بالنسبه لترهيم ماطوريين انا مانصحبه لان لو شبكتهن مع بعض ثم خف ضغط احد المواطير عن الثاني يقوم الماطور الي ضغطه اعلى ويدفع الهواء على الماطور الي ضغطه اقل وبهاذي الطريقه يخرب الماطور الي ضغطه أقل هاذي ىالمعلومه من ناس خبراء بهاذي المواطير
اما بالنسبه لماطور البيوك اضن انه اقوى بس مهو بالفرق الي تتوقعه

[العيد]

شف يا راعي البر وانا اخوك انا شريت بنفس اللي بالصورة من اربع سنوات ب 290 ريال وما اظنه مثل اللي يقولهن اخوي جارود اللي مكتوب عليهن الشراع لكنه عموما يعتبر من الاصليات وصوته هادئ اما بالنسبه للترهيم انا مجربه يضاعف السرعة والتحمل وما فيه كلام وراح يبين الفرق واضح لكن مثل ما ذكر الاخ جارود افضل تكون كلها بمستوى واحد عشان ما يضغط واحد على الثاني وان بغيت ترهم ترى شارع الريل مليان ليات هوا اصليه قفايز وشغلات الهواء وترى اللي ماهو اصلي راح يوديك بداهيه وما تدري الا اللي صار يهرب هواء وتبلش بكفراتك :)

[زمن]

السلام عليكم ورحمة الله وبركاته
حبيت اذكر الناسي من توهق بماطور الهوا وهو بالبر يعني ما طوره ضعيف يرفع السياره بالعفريته لتخفيف الحمل على الكفر وان شاء الله يحصل على نتيجة :light:

[راعي بر]

الله لايهينكم ماقصرتو

اشكرك يالخبير على هالرابط



مشكور يا جاروود لكن ا ادري وش البلا منه من يوم شريتها وهذا وضعها لاتحسن ولاساء



يعطيك العافية يا العيد على هالمعلومات اللي افادتني بخصوص الترهيم



لاهنت يا زمن على هالذكر وانشاء لا انا ولاانت نتوهق بالمطور