سحب موتر مغرز

[القناص82]

افضل وضعيه لدبل اذا جيت تسحب موتر مغرز تسحب بالدبل الخفيف او الثقيل مع العلم ان سيارتي نيسان 2013 تماتيك

[.. PATROL ..]

الدبل الثقيل


تم الإرسال بواسطة iPhone بإستخدام Tapatalk

[ابوعقيل81]

تسجيل متابعة

[علي101]

بالثقيل ولا تنتع

[ابوعبدالله199]

افضل طريقه انك تحط الدبل الثقيلل
وتدعس شوي لين تخلي الحبل
يشد بعدين تخلي راعي السياره المغرزه يدعس
ثم ابدأ انت بالدعس بالتدريج وليس بقوه
واول ماتخلص تطفي الدبل الثقيل وتتوكل على الله

[.manofstar7]

أفضل طريقة أتبعها هي .. لازم تنسم الكفرات بشكل جيد ثم تدك الأرض اللي تبغى تسحب الموتر المغرز
لأن ذا الطريقة راح تخلي الموتر متماسك على الأرض ولا يحفر الا قليل .
و لا تنسى ميول الأرض ... نسبه كبيرة تعتمد عليه السيارة مهما ضعف عزمها.

[shoo3i]

استعمل الثقيل اذا المغرس نايم على بطنه
واستعمل الخفيف اذا فيه مسافه بين البودي و الرمل
اهم شئ الكفرات ( التواير) تنسم الهوا على 20 او 18
تسحب لي شد الحبل خل المغرس يدعس خفيف بدون ما تتحرك الكفرات وبعدين تسحبه

[التعـ King ـديل]

تعتمد على حسب الارض اللي مغرز فيها

الافضل الثقيل مع تنسيم الكفر وزي ماقال اخونا علي 101 لا تنتع الموتر يعني اسحب بهون وركاده

[القناص82]

الله لاهينكم على كل حال انا سحبت لي ددسن ناشبه ولا طلعت الا بنتع واحس اني عسرت الموتر بالنتق مع العلم الني ولله الحمد مالاحظت شي على الموتر تبديلاته زينه وتعشيقه زين بس نبي نستفيد من خبرتكم والله لاهينكم

[اسعيد بن عيد]

الله لاهينكم على كل حال انا سحبت لي ددسن ناشبه ولا طلعت الا بنتع واحس اني عسرت الموتر بالنتق مع العلم الني ولله الحمد مالاحظت شي على الموتر تبديلاته زينه وتعشيقه زين بس نبي نستفيد من خبرتكم والله لاهينكم
بسم اللة والحمدلله والصلاة على رسولة

شوف اخي الكريم اذا انت مغرزاولا انزع هالعقال والقترة واذا عندك ثوب ولاجلابية البسها

وطالع السيارة ولاتستعجل اذا الكفرات غاطسة بالرمل نزل العفريتة وارفع كل كفرعلى حدة وحط تحتة رمل واشياء قاسية واعمل للكفرات الاخرى كذلك بعدين نسم الكفرات وامشي خفيف للامام والخلف عدة مرات وانت حاطه على الدبل بعدين اذا هناك سيارة تسحبك

يكون ممتاز.اذاانت صاحب رحلات احمل معاك عفريتين وشيول صغير ومنفاخ للهواء

لازم تكون السيارة ماتحك بالارض وتكون متوازنة