سؤال عن الفورنتشر الجديد ؟؟؟؟

[ترتر]

ودي اسال عن الفورنتشر الجديد من تويوتا , 6 سلندر احد استخدمه ممكن يفيدنا عن استخدامه هل هو ممتاز , هل فيه مشاكل ولا لاء ؟؟ واحد من الشباب ناوي يشتري له واحد .

شاكر للجميع

اخوكم ..... ترتر

[ترتر]

للرفع
ياجماعه الفورنتشر افزعوا تكفون

[الفردوس]

مالي به خبرة
لكن لا يقرب 4 سلندر
وكم يسوى

[ana3883]

http://www.sptechs.com/pub/alroished/8660852313.JPG

سيارة الفورتشنر التايلندية من تويوتا

سيارة رائعه وخفيفة وصغيره وللبران خفة ورقة بعد

6 سلندر (انا توني شارية) وعملية جدا

بالنسبة للبنزين ارقد وأمن فلها 30 ريال اذا صفرت تقريبا

وهي سيارة سريعه

فيها دبل خفيف وثقيل + هزاز (اذا غرزت لف يسار ثم يتعطل اي كفر ماعليه مايحركة فتقشع نفسها قشع من التغريزة لاسمح الله)

تشق البر شق ماشاء الله عليهااا


قيمتها في الوكاله من كم اسبوع 100ألف ريال فل ابشن 6سلندر وسله وزنون وصدام امامي ، وفيها حساسات خلفية

واي سؤال ان شاء الله اجاوبك عليه بالنسبة للسياره

واذا تبي السياره هدد تقريبا 73ألف ريال سعودي بدون سله وبدون زنون وبدون الصدام الاسود اللي ظاهر بالصوره

ويقولون بيرفعون سعرها لأن الطلب عليها صار كبير وصارت مرغوبة

[ترتر]

الاخوه الغالين اشكر لكم مداخلتكم الكريمه وتفاعلكم
الاخ الغالي ana3883 :ودي اسال عن قطع غياره هل هو غالي او رخيص , وكم تقريبا يمشي بالنزين , واحد قال لي انه دفع رباعي شغال على طول هل كلامه صحيح .... والمعذره على الاطاله

شاكر للجميع


اخوكم ..... ترتر

[طخيمان]

والله يالغالي السيارة عند الوالد ممتااااازة مررة
خفيفة و قويه تخيل اني راقي التحدي الثاني بدون دبل وبالعادة أمشيبها في البر بدون دبل وبدون تنسيم وتمشي زي الحلاوة

لكن مشكلتها تانكي البنزين صغير يعني ما يزبن يمكن يمشيك 320 كيلو داخل الديرة لكن الخطوط والله ما جربته

لكن للبر وللديرة وللخطوط خذ رجال قوة و متانه وخفة وزن وراحة يعني تمشي في الصمان وحصى وبهذلة صدقني ما تحس بشيء السيارة مريحة وحلووة واذا يبي رأيي ياخذ اللي ب 73000 أرخص والمواصفات ما فرقت واجد بس اهم شيء ياخذ 6 سلندر ولا يقرب ال4 سلندر ابد

[الدبل الثقيل]

أقل شيء في السته سلندر ب 87500

وأقل شيء في الأربعه سلندر ب 74500

[imksa]

سلام عليكم


اخوي انا كنت مثلك محتار في سياره لين طلع الباث فايندر ،، وسو مقارنه بينها وبين الباث فايندر

فل ( بدون جلد ) سعره 106 وهذي 100 ،،


اجمل شكل ،، اقوى.


هذا رأيي والاختيار لك


فمان الله