مشكلة في عزم الفتك

[بوعيسئ]

السلام عليكم ورحمة الله وبركاته
شحالكم يالربع عساكم طيبين
يالربع توني مطلع فتك باب واحد 2012 تماتيك ماشي تقريبا 20 الف
المهم قلت اني بجرب عزمه في القومة جربت مع فتكات بابين شد الوكالة يعطوني مسافة وجربت مع لاند ومشى معي وكفراته بوالين وفحصت السيارة طلع مافيها شي والي عارف وش سبب ضعف العزم يعلمني ضروري الله لايهينكم

[مزدهر]

الفتك مثل محرك تويوتا ٤٥٠٠ لازم تنفس للمكينه علشان تحصل على اداء
حط هذرز مع دبة رياضية كاتمة للصوت وشف الطرب

[مزدهر]

وازيدك من الشعر بيت الان يبرمجون كمبيوتر الوكالة ما يحتاج ضفيرة ولا كمبيوتر هالتك
فيه واحد من الشباب برمج موتره زاد ٦٠ حصان

[كبسولة2]

معلومة الهدرز راح ينقص زيت المكينة

لذا يجب عليك التشيك على الزيت كل فترة وتزيده

[اسبيدر مان]

الفتك مثل محرك تويوتا 4500 لازم تنفس للمكينه علشان تحصل على اداء
حط هذرز مع دبة رياضية كاتمة للصوت وشف الطرب

صدقت
واضف على هذا فرارات وتبي تزين امورك حتى البنزين راح بفرق معك

وحط في بالك ان الجيوب عموما ماهي للمقاومات والسرعه وخصوصا لاصار القير اوتو

[مزدهر]

معلومة الهدرز راح ينقص زيت المكينة

لذا يجب عليك التشيك على الزيت كل فترة وتزيده

اذا كان مفتوح ينقص خفيف اما اذا كان معه دبة رياضية ما ينقص

[التعـ King ـديل]

موترك مافيه الا العافيه انت مجرب مع فتكات ممرنه وشي طبيعي يفرق العزم شوي واللاند شكله قير عادي والبوالين اخف على الموتر من الكفرات الثانيه

نصيحتي لك لا تتعبث بالموتر وهو جديد ركب فرارات وكفرات بالون 900 وامورك طيبه

[ذيب زلفاوي]

انا ملاحظ ان الفتك الصالون انشط من الشاص والربع.. والضاهر انها اختلاف بالبرمجه او الكوارين.

[ابو فهد...]

لالا الشاص النيسان والصالون تجي كوارنيهن حاشره وانت كارونك مريحة تبي تعرف الفرق
امش١٦٠ شف الظغط على كم تلقاه نازل مقارنه بالصوالين

[ms662]

وازيدك من الشعر بيت الان يبرمجون كمبيوتر الوكالة ما يحتاج ضفيرة ولا كمبيوتر هالتك
فيه واحد من الشباب برمج موتره زاد 60 حصان

وين البرمحه فيه وبكم
دلني

[بوعيسئ]

يعطيكم العافية بس وشو هي الفرارات

[التعـ King ـديل]

الفرارات وتسمى التحضيره وهل اللي تركب على الدفرنس الامامي وتوقف عمود الدبل عن الدوران

كارونه القير العادي الصالون الى 2009 تعتبر اقوى كارونه للفتك ورقمها 45 ومن موديل 2010 نزلت كارونه 43 وهي اللي مركبه على الشاص القير العادي من 2012 وفوق والصالون القير العادي اقل قوه من كارونه 45 وكارونه التماتيك في جميع الموديلات نفسها اقل قوه منهم كلهم ولكن مريحه للسياره ورقمها 35

[دانفوس]

الفرارات وتسمى التحضيره وهل اللي تركب على الدفرنس الامامي وتوقف عمود الدبل عن الدوران

كارونه القير العادي الصالون الى 2009 تعتبر اقوى كارونه للفتك ورقمها 45 ومن موديل 2010 نزلت كارونه 43 وهي اللي مركبه على الشاص القير العادي من 2012 وفوق والصالون القير العادي اقل قوه من كارونه 45 وكارونه التماتيك في جميع الموديلات نفسها اقل قوه منهم كلهم ولكن مريحه للسياره ورقمها 35





والله ماخبرت كارونه مقاس 45 او 43 او 35


أنا مدري منين انتِ جايب ها الارقام،،،،



الي حنا خابرين مقاس ٩ و ١٠و ١١

[التعـ King ـديل]

والله ماخبرت كارونه مقاس 45 او 43 او 35


أنا مدري منين انتِ جايب ها الارقام،،،،



الي حنا خابرين مقاس ٩ و ١٠و ١١


هذا رقمها في شركه نيسان اخوي دانفوس ماجبت شي من راسي :good2:

[دانفوس]

هذا رقمها في شركه نيسان اخوي دانفوس ماجبت شي من راسي :good2:





ممكن تكون رقم للقطعه لأكن يستحيل انها تكون مقاسات البنيون

[التعـ King ـديل]

ممكن تكون رقم للقطعه لأكن يستحيل انها تكون مقاسات البنيون


ياغالي محد جاب طاري مقاس :good2: يوجد اختلاف بالكارونات وهذي ارقامها بالشركه

للعلم كارونه رقم 45 وقفت في موديل 2009

ومن 2010 استبدلوها بكارونه رقم 43 بحيث تكون اريح شوي من الكارونه المحشوره 45

طبعا هالكلام للقير العادي

والتماتيك رقمها 35 مازلت موجوده حتى 2014

بالنسبه لاخوي صاحب الربع اذا يبي موتره يفرق بالعزم مع راحه التماتيك يبدل الكارونه 35 بكارونه 45 حقت القير العادي ويطلع طياره بس محشور شوي

[مهند 2009]

اللي يظهر لي أن اغلب الناس تتعامل مع الكوارين بالشكل التالي : 9 و10 و11 اللي هو عدد سنون البنيون

اما بالنسبة للي يتكلم عنة أخونا كنق التعديل أتوقع عدد سنون الطارة : 43 و45 او أنة يقصد نسبة الكارونة