مشكله في العفريته شريتها من ساكو

[الواصل5]

السلام عليكم ورحمة الله وبركاته

مساكم الله بالخير

قبل فتره شريت عفريته من ساكو تشبه الي عند البنشر لونها احمر

شريتها ب270 طبعا صيني

استخدمتها وقويه وترفع وكرفتها تقريبها 3 شهور

وانا استخدمها تقريبا 4 - 3 مرات في الاسبوع لاني اشتغل في البيت

المهم ان لي اسبوع اذا رفعت تنزل على خفيف

قلت خلني بفك مساميرها واشوف الزيت يمكنه ناقص

فكيت مسمارين بعدين طلع الزيت وعبيتها زيت قير

والحين خربت ما عاد ترفع ابد

فالي يعرف طريقه اقدر اضبطها او محل يزينها

يفيدنا الله يجزاه خير

[بدوي جنوبي]

عليكم السلام
اذا عندك فاتورة ارجعلهم
عندهم صيانه
او يغيروها ،، اتوقع عليها ضمان

[الواصل5]

حياك الله اخوي

المشكله ماعليها ضمان

[ذيب عالية نجد]

السلام عليكم
اخوي اللي اعرفه أنها تعبأ زيت هيدروليك مو زيت قير لأنها كبس زي مضخة الرفع اللي في والتريله القلاب والكبس زي اجهزة كبس الحديد
أنا آسف ممكن ذا الاجهزه مامرت عليك لكن استفساري هو من الذي قال لك بأن تزيد الزيت بزيت قير هل من واقع خبره أو تجربه أو من راسك
وآسف أيضاً من سوء التعبير
اللي أشور عليك فيه انك تسكب الزيت اللي فيها كله وتعبيها بزيت هيدروليك وجرب إن شاء الله تنفع معك
تحياتي لك×

[الواصل5]

وعليكم السلام

يوم فكيت المسمار الي على جنب عليه غطا بلاستيك اصفر صغير والثاني الي انسم به العفريته

حاولت ارفعبها واطلع بعض من الزيت ودورت اقرب زيت عندي وزدتها

بعدين فكيت الكلبس الصغير الي عند المساعد وزدت الزيت بعدين ركبت كل شي وخربت

طبعا ما قد تعاملك مع الهيدروليك ولا عندي خبره

وما قصرت

[جني صغير]

انا عندي وحده زي اللي عندك ونفس تخريباتك سويت فيها
وأبشرك ناطلها بالاستراحه معاد فيها فايده طفشت منها
وشريت عفريته كابرس ابو تمساح احسن من أي عفريته
كله حديد ما فيه سي اسمه بلاستيك او غير حديد

[الاشهب 507]

صبحكم الله بلخير
اول/ يوم فكيته انتبهة للقطع زين يمكن ضاعت سسته صغيره او مسمار صغير جد نقز
ثانيا / هل طبقته صح يعني زي ماكانت بلضبط لين الوزنيه مهمه جدا وبذات المسمار إلى تنزل به
ثالثا/ ارجع فكه حبه حبه وركز في كل مسمار كيف كان راكب لاتلعب في شيء ثاني غير إلى فكيته
رابعا/ نضف كل الزيت بطريقة انت وشطارتك المهم لاتبقي شيء زيت القي ثقيل مره ويمكن فقع لك صوفة هواء او جلده او شيء زيكذا إذا كانة زي الي عند البناشر بلضبط
خامسا / رقز على الاضاءه يعني تكون في مكان نوره قوي يعني مناسب لك تشوف كل شيء
سادسا / أنا اتوقع إذا انت فاك المسمار إلى تنزل به فلخل منه ما وزنته صح وكان الافضل تروح لهم هم يزودون االزيت
سابعا/ إذا مانفع رح لهم والله يعينك وسو الصيانه على حسابك اتوقع انشاء الله ما تكلفك واجد
ثاما/ بس قبله سو الي قلت لك وعبه زيت هدروليك اصلي بس تاكد ان كل شيء راكب مكانه صح
وفك المسمار الي تنزل به وجر ب ارفع وشف لكن المهم تتاكد ان كل مسمار في بطنه موزون ضح ومافيه قطه مفقوده
تاسعا / اسف على الاطاله لو تصوره لي كم صور من زوايا مختلفه افصل
الاشهب 507

[سراب الوقت]

اول شي جرب عبها زيت هيدروليك وامورك في السليم ان شاء الله

[الواصل5]

جني صغير

هذي مشكلة الصيني لكن بحاول فيها ان شاﺀ الله تضبط

الاشهب 507

حياك الله اخوي بالنسبه للمسامير ما طبقت مثل الجديد خاصه مسمار التنزيل من اول اكرب عليه وراس المسمار كله برا

الحين اكرب عليه والراس نصه داخل.

ثاني زيت الهيدروليك من وين اجيبه وكيف اعبيه هل اعبيه كامل

ووشلون اوزنه ابحاول انزل صور ان شاﺀ الله


سراب الوقت

نجرب ان شاﺀ الله

[الواصل5]

http://im32.gulfup.com/FJXx8.jpg

http://im32.gulfup.com/f1w9t.jpg

http://im32.gulfup.com/l9E4V.jpg
هذي الجلبه الصغيره فكيتها وعبيت منها شوي بعدين ركبتها زي ما كانت لكن اسمعها تنسم شوي لكن العفريته خربت قبل ما افكها

http://im32.gulfup.com/xkq9X.jpg
هذا المسمار الي عليه البلاستيك الاصفر وعبيت منه

http://im32.gulfup.com/74YIV.jpg
هذا مسمار التنزيل

http://im32.gulfup.com/vPrcC.jpg

[الاشهب 507]

اصب شوي بس لين امسك الاب توب
وانشاء الله أني احله لك
علشان اشوف الصور صح لين النضر لك عليه

[الاشهب 507]

اول شي فض الزيت اقلبه اشفطه عند البنشر المهم فضه
بعدين النوعيه ذي كويسه مقول انه ممتازه مابعدهلكن تجي في المرتبه الثانيه
وعلى فكر ترى البناشر يعرفون له بذات البكستانيين والافغان
وعندهم خبره فيه بلنسبه للزيت من اقرب محل قطع غيار امريكي
وعبه لين تصل قبل الفر بشوي يعني خل له مكان هواء ومسمار التنزيل حاول ترجعه زي ماكان بلضبط
واذا ماتتذكر كيف كان شده لين الاخير وجرب وفك سنه وجر وهاكذا تواليك لين تشوفه ترتفع
انا راح بالي انك فكيته مسمار مسمار طلعت باقي ماقد فكيته تفكيك انا شلحته 3مرات ورجعته
لين ضبطة وخسله ببنزين ولافضل بمراحل القاز بس لا يدخل محل الزيت وشف فيه تنسيم او تهريب
لكن اذا فيه تهريب رح لهم يضبطونه ولا الله يعوض عليك هاذي الي عندي وانشاء الله انه تضبط
وعطني خبر ان تضبطة ولا باسال واحد مكنيكي ولد خالتي سعودي وان شاء الله ماخليك لين احله لك
حاله حاله الله لايعوق بشر
الاشهب 507

[حسن الشمالي]

اتوقع عندك تنسيم هوا
لذا ماترتفع

الا كانها مجيمة

[الواصل5]

ماقصرت يالاشهب وجزاك الله خير

ان شاء الله اني بجرب الطريقه واردلك خبر في القريب العاجل

[الواصل5]

انا الحين فضيت الزيت كامل

بس ياليت توضحلي طريقة التعبئه والتعامل مع المسمارين والجلبه الصغيره ومن وين اعبي

وكم اعبي يعني مثلا بياله او بيالتين

لاني ما فهمتك زين في الرد السابق

[الاشهب 507]

الزيت تعبيه
من الفتحه الصغيره
إلى في النص او شفت راس العفريته
تلاقي في يمكن فتحه في النص
او عب بطريقتك السابقه بس اوزن المسامير صح
وعب لين تفلله بس خل فراغ بسيط للهواء
الاشهب 507

[abahal]

عندي زيها من اكثر 7 سنوات للحين تمام

[الواصل5]

وين المحلات الي يصلحونها لاني جربت عبيتها ووزنت وما نفع شي من الظهر وانا احاول فيها

[الاشهب 507]

اول شيء مر على كم بنشر وورهم العفريته
لاتخذ بكلام اول واحد مر على كم واحد
لين هم يستعملونه ويعرفون كيف يتعاملون معاه
واذا تبغى مافدوك رح لهم في ساكو وسو الصيانه
على حسابك الله يعينك ترى عنده قسم للصيانه اعتقد
أين واحد من اقاربي قد سولف به في المجلس
لين هو يحب يقلب في السيارات اليل والنهار
ماعنده مشكله لو ينام تحت السيارة
الله ييسر لك امرك ويحل لك مشكلتك
ويفرج ضيقك
الاشهب 507

[مدمن مرق]

المشكلة بتنسيم الجلبة, جرب حط سيلكون اسود على وجه الجلبة بس اول شئ نظف القديم اذا فيه
وبعدين لاحطين زيت نسمها زي ماتنسم الفرامل.
شوف هذا المقطع.
http://www.youtube.com/watch?v=Zq75zX8U2L0