قير شاص التويوتا هل اقدر اغيره تماتيك ؟؟

[سقم المعادي 1]

السلام عليكم

بدون لا اطيل عليكم

عمي يبي شاص تويوتا لكن رجله اليسار صناعيه الله يخلف عليه بالجنه و يقول ماعندي مانع ابسوقه وهو قير عادي لكن عياله والقريبين منه يعرفون انه بيصير تعب عليه و اجهاد في السواقه عشان الكلتش و في محاولات معه لـ اقناعه بموتر غيره تماتيك و ماش مايبي غير الشاص

و قال ابي اطلع واحد جديد و غيرو لي قيره تماتيك

فاللي يقدر يسنعني او يفيدني بهالامر لأني بعد ماسألت عنها قالو لي ان مكينه الشاص هي نفس مكينه البرادو و البرادو يجي تماتيك هل فيه امكانيه يركب القير حق البرادو على الشاص ؟؟

او هل فيه شخص معين اتجه له وهو اللي يقدر يفيدني لأن الورش يقولون مانعرف و التشاليح يقولون مايركب وش السواه ماودي اجيب موتر اصفار يتعلمون عليه بالورش

[التعـ King ـديل]

الله يشفيه ويخلف عليه ان شاءالله بالجنه خير

اللي اعرفه انه يشبه البرادو والفورتشنر والاف جي بالمكينه ولكن يختلفون بالقير

ولا اعتقد يجي تماتيك ابدا ولا يتعدل الى تماتيك لانه اذا ريح رجله بالسواقه بيغثه بالورش

كانه يبي حوض ياخذ جمس او الشاص النيسان يجي تماتيك شد بلد ولا هايلكس ولا تندرا

[((ابوملاك))]

يجي ترهيم بس اعتقد لكن اي قير يطبق مدري

انا من رايي ياخذ له ٢٠٠٩ واقل ويسقط له قير جكسار

خله يبعد عن الجديد خرابات وهووكاله وشلون لو ترهمه

[دوج رام 98]

نسأل الله له الشفاء العاجل , ونصيحتي له يتوكل على الله ويشتري له جمس حوض z71 دبل قصير وراح يدعي لي إن شاء الله , أما إن كان متعصب لتويوتا:) عاد الله يعينه على الترهيم والتعب ووجع الراااس

[ابونبيل]

ياخي احس حرام ترهم ترهيم مثل هذا على موتر جديد ترا الشاص النيسان ممتاز يجي تماتيك صح انه مومثل التويوتا لكن الحين مكينه الفتك تعوض

[youssf]

بينزل ان شاء الله لاتستعجل

[الحيسوني-]

شوف الشاص مافيه مثله ولا سياره بكل بحسناته وسيئته
لكن التندرا والجمس z71 والشاص النيسان يقومن مقامه ويجن تماتيك شد بلد

[سقم المعادي 1]

الله يشفيه ويخلف عليه ان شاءالله بالجنه خير

اللي اعرفه انه يشبه البرادو والفورتشنر والاف جي بالمكينه ولكن يختلفون بالقير

ولا اعتقد يجي تماتيك ابدا ولا يتعدل الى تماتيك لانه اذا ريح رجله بالسواقه بيغثه بالورش

كانه يبي حوض ياخذ جمس او الشاص النيسان يجي تماتيك شد بلد ولا هايلكس ولا تندرا



جزاك الله خير

المشكله مايبي سييرا ابد و النيسان يقولون مايجي سست تماتيك الياي فقط يجي منه تماتيك لانه يبي يحمل عليه عنده حلال



يجي ترهيم بس اعتقد لكن اي قير يطبق مدري

انا من رايي ياخذ له ٢٠٠٩ واقل ويسقط له قير جكسار

خله يبعد عن الجديد خرابات وهووكاله وشلون لو ترهمه

2009 وتحت بيصير ممشاه واجد وهو عنده حلال في القصيم و بيتردد على حلاله كل فتره لذلك ماينفع له الا موتر اصفار

المشكله وين اللي يسقطون القيور يعني لو تخبر لي واحد قد ركب قير على الشاص وفاهم الشغله انا سألت في ورش و في تشاليح يقولون مانعرف

[سقم المعادي 1]

نسأل الله له الشفاء العاجل , ونصيحتي له يتوكل على الله ويشتري له جمس حوض z71 دبل قصير وراح يدعي لي إن شاء الله , أما إن كان متعصب لتويوتا:) عاد الله يعينه على الترهيم والتعب ووجع الراااس

جزاك الله خير
معه اللحين سييرا 2004 HD و مايبي سييرا ثاني


ياخي احس حرام ترهم ترهيم مثل هذا على موتر جديد ترا الشاص النيسان ممتاز يجي تماتيك صح انه مومثل التويوتا لكن الحين مكينه الفتك تعوض

صحيح الشاص نيسان ممتاز لكن السست يجي قير عادي لو يجي سست وتماتيك بياخذه بدون تردد ,, يعني لزوم يكون موتر يبيض الوجه في التحميل



شوف الشاص مافيه مثله ولا سياره بكل بحسناته وسيئته
لكن التندرا والجمس z71 والشاص النيسان يقومن مقامه ويجن تماتيك شد بلد

مايرغب بالسييرا معه 2004 و حسر به و النيسان زي ماذكرت ان التماتيك يجي يايات

[ابونبيل]

يالغالي اقترح عليك تاخذ له فتك حوض تماتيك ودام انه يجي تعليقه ياي رهمه الى سست ترا ترهيم السست اسهل من ترهيم القير بكبره صح ولا لا !

[أبـوأسـد]

اخبر شفت صور أن لاندكروزر 70 الي هي فئة الربع والشاص يجي منه تماتيك لدول معينة لكن نادر جدا جدا جدا حتى نادر تحصله جديد تماتيك

وهذي صور له

http://cdn2.sulitstatic.com/images/2012/0425/102137166_10155871b1856a722e1acaa587d810826c2c47f9 86e054c9.jpg

http://cdn2.sulitstatic.com/images/2012/0425/102137883_101459809c0fbb3485c1701617d475c20f196f1d 034d43a6d.jpg

http://toyotalandcruiser.usedcarexport.biz/70211003I.jpg

لكن حقيقة كل الصور هذي كانت للجيب لاندكروزر70 أبو 4 ابواب
http://gomotors.net/photos/d8/63/toyota-land-cruiser-70-image-3_2d871.jpg?i

[((ابوملاك))]

2009 وتحت بيصير ممشاه واجد وهو عنده حلال في القصيم و بيتردد على حلاله كل فتره لذلك ماينفع له الا موتر اصفار

المشكله وين اللي يسقطون القيور يعني لو تخبر لي واحد قد ركب قير على الشاص وفاهم الشغله انا سألت في ورش و في تشاليح يقولون مانعرف



لا ياخوي القديم مايضره الممشى الواجد ياصل 800.000 بدون توضيب وبعضهم يتعدى

يعني لو يلقى ماشئ بالميه ممتاز

وخله يحرص على الفل كامل من 2000 لين 2009 وبكيفك

[حجازي20]

جزاك الله خير

المشكله مايبي سييرا ابد و النيسان يقولون مايجي سست تماتيك الياي فقط يجي منه تماتيك لانه يبي يحمل عليه عنده حلال



خله يغير يايات الوكالة ويركب يايات استراليه تكون اقوى ويفيدونك الشباب

[العنابي 616]

اقتراح الشباب حلو شاص نيسان و يحول الياي إلى سست
أو الحل الأفضل يركب يايات استرالية يطلع مضبوط و ما ينزل مع التحميل أبد

[راكان 11]

السلام عليكم
اخي الغالي
ان كان يقدر يلغي فكرة الشاص

خله يشتري تندرا غمارة مكينة لكزس
الشاص 6 سلندر ولاعاد هوب مثل الموديلات اللي قبله
وسلامتك

[سقم المعادي 1]

جزاكم الله خير راحت عن بالي فكره تركيب دفرنس السست بالنيسان اسهل ولا فيها تعقيد

بشوف رأي العم و ان شاء الله خير ماقصرتوا جميعاً

[وااضح]

ليش تركب سست
ركب مساعدات ويايات قوية تتحمل مثل السست
وارخص
والسست تترهم مايحتاج تغير دفرنس

[ذيب زلفاوي]

جزاكم الله خير راحت عن بالي فكره تركيب دفرنس السست بالنيسان اسهل ولا فيها تعقيد

بشوف رأي العم و ان شاء الله خير ماقصرتوا جميعاً

يايات ومساعدات استراليه.. وفيه انواع مخصصه للتحميل وبتشيل كثر السست وزود

[فهد 003]

الأكيد انا شفت في الكويت سيارات ربع تويوتا قير أتوماتيك
واحتمال يكون عندهم الشاص نفس الربع انصحك تراسل او تكلم وكالة الساير في الكويت هل يتوفر عندهم
واذا انت ناوي تشريه جديد اخذه من الكويت اذا موجود فيها مايفرق عن السعودي ولا عليه جمرك لأنه جديد

[تيسان 2013]

هذا كلتش في اليد تقدر تركب مثله

https://www.youtube.com/watch?v=oiXnVl_KZ70

[تيسان 2013]

وعندك هذا

https://www.youtube.com/watch?v=7Oi-RznrRVw

[نايس × كول]

اقول انتبه لعمك اذا رجله خل ظهره سليم ترى التويوتا بيكسر ظهرا

انصحك شاص نيسان قير تماتيك احلا وافضل وارخض من التويوتا

واذا تبي جيب عندك فتك او باترول

لا تتعدا النيسان

[نايس × كول]

ترى النيسان الشاص قير تماتيك يجي سست واكثر شي السست

[ابو سعود506]

النيسان الحوض ممتاز والله

[sgl2002]

والله ياخوك صعب عليه يسوق قير عادي


الشاص التويوتا كلتشه ثقيل خلقه وكانت معي اثنين جربتها جدد كلها كلتشاتها ثقيله


ماله الا ياخذ 2009 ويرهم له قير جكسار مع انه صعب الترهيم لان قير الشاص يختلف في القوة بحكم انه سياره تحميل

فالطريقه غير مجديه الا انه ياخذ شاص نيسان ويحط عليه ياي استرالي اقوى شي ويصير يشيل زي الشاص التويوتا

[sgl2002]

هذا سست وكاله بيجوز له وافضل وقير تبترونيك عادي تماتيك

شف الرابط

http://imageshack.us/photo/my-images/46/xzi8.jpg


http://imageshack.us/photo/my-images/46/xzi8.jpg

[أحمد الدهمشي]

وعليكم السلام ورحمة الله وبركاته
نصيحة ابعد عن الترهيم
عليك بشاص النيسان قير تماتيك اذا كان يجي سست
اذا كان ياي ياخذه ويركب له الياي الاسترالي اقوى شي
يحمل 400 كجم اضافية لحمولة السيارة

تحويل الياي الى سست اعتقد يحتاج مهندس حتى يكون التركيب مضبوط
تخاف السست تطق عليه بالبر لان تركيبها مو دقيق ويتورط
وبالتوفيق باذن الله

[أحمد الدهمشي]

http://www.mekshat.com/vb/showthread.php?t=599424&highlight=%C7%E1%E4%DD%E6%CF
ادخل الرابط لا هنت شف الياي الاسترالي وش يعمل
الله يبارك بفتك صاحب الموضوع

[s3ed]

السلام عليكم

ياخذ نيسان ويغير نظام االياي

هذة تجربتي ان شاء الله تكون مفيده

http://www.mekshat.com/vb/showthread.php?t=340391

[AbdulAZiz M]

فكر في التندرا تراه مجرب ويجمل في التحميل ومريح اكثر من الجمس ومكينته لا تسأل عنها مره

[نايس × كول]

التاندره ماله قطع غيار البدي لزم طلب من امريكا و المكانكيه بعضها حق سكويوا و البعض الله يخلف عليك ممكن تحطه في التشليح لان ماراح تحصل له قطع

[AbdulAZiz M]

التاندره ماله قطع غيار البدي لزم طلب من امريكا و المكانكيه بعضها حق سكويوا و البعض الله يخلف عليك ممكن تحطه في التشليح لان ماراح تحصل له قطع

اغلب القطع حق سيكويا ولاندكروزر الا الدفرنس الخلفي وفيه تشليح في القصيم خاص بالتندرا حسب ما وصلني.. بعدين شايب يعني 95% ما يخرب معه بعد ارادة الله

تم الإرسال من جهازي GT-N7100 بواسطة تاباتوك 2