محتار في الددسن

[اابوحمدد]

السلام عليكم
انا افكر واجد اشتريلي ددسن من 98 الى 2001
ومحتار ابي تعطوني علمه من ناحية الخرابات التحمل
والحراره هل ترتفع حرارته
ووشهو من لحية
والله يعطيكم العافية

[عاشق الددسن92]

كلهن واحد لاكن اعتقد ان ال2001 ممكن يكون بخاخات الوالد معه 99 له الحين 14 سنه محافظ عليه والموتر ما شاء الله ما شكى من شي وبالنسبه للشرى حضك ونصيبك ممكن تطيح في واحد نضيف او في واحد مكروف والمهم اشتر من شايب لانه يحافظ على الموتر ولهو يكرفه

[اسبيدر مان]

وعليكم السلام

اذا تبي شوري خذ لك ددسن بخاخ افضل لك من الكلبليتر
الددسن البخاخ طلعت من عام 2000 وكانت تباع مع الددسن الكلبليتر جنب الى جنب حتى عام 2003
وفي عام 2004 توقفت الددسن الكلبليتر وبقيت الددسن البخاخ الى يومنا هذا
الددسن البخاخ
افضل عزم وصارفيه
اكبر خزان البنزين
مافيها مشاكل الكربنه والتفتفه وقت البرد
كيف تعرف هل الددسن هذي كلبليتر او بخاخ
اول شي الددسن البخاخ يكتب على جوانب الصندوق hp 160 وهي تعني القوة الحصانيه بعكس الددسن الكلبليتر فيكتب عليها في نفس المكان 2400 وهي تعني سعه السرندل
الحاجه الثانيه الطبلون
البخاخ السرعه القصوى مكتوب في الطبلون 200 اما الكلبليتر فسرعتها القصوى 180
الحاجه الثالثه هي التفتفه
فض القير وادعس على البنزين الى اخر شي اذا سوت زي مقطع الفيديو هذا فهي بخاخ

http://www.youtube.com/watch?v=l1JCQwCSKfg

طبعا الددسن البخاخ انتجت من عام 2000 وكانت تسدح الطبلون وزياده بالخط بس وقت التطعيس كان العزم يبرد لما تعشق النمره الثانيه بسبب طول النمره
من موديل 2005 تغير الوضع اصبحت الددسن تفصل على سرعه 174 تقريبا لكن عزمها تحسن نوعا ماء
هذا مايحضرني ويفيدونك الاخوان

[اابوحمدد]

الله يعطيكم العافيه
وننتظر اضافات البقيه

[ابونبيل]

ما انصحك عله كان عندي واحد ٩٨ حراره وعزم سيء جداً وضيق والمرتبه بسهوله تنكسر الي قدام مخلينه نحيفه عشان السعهوحراره بهذاتني اشور. عليك انك تبعد عن الددسن اذا قصدك غمارتين واذا قصدك غماره خذ بخاخ على الاقل عزم افضل واوفر بنزين

[نايس × كول]

اذا تقدر ع الجديد افضل ع يدك و سعره حلو 50 الى 60 الف

افضل من المستخدم مكروف

واذا تبي مستخدم خد واحد نظيف وافحص وكاله لا تقول استخدام الموتر مطوع او شايب او غيره اهم شي الفحص

[الربذي]

اخوي انا سقت 95و97و98و2005و2002 اثقل وحده98 مره ثقيله وافضلهن 2005 خفيفة ومعي الان بخاخ2002 شي صراحه بس احرص على اللي ممشاه من الف 300وتحت وابعد عن اللي جايتها صدمه قويه بالوجه عندي 2002 ابيعها بس جايتها وجهية.
موفق

[اابوحمدد]

رد: محتار في الددسن
الله يعطيكم العافيه
وننتظر اضافات البقيه

[ملك الألقاب]

والله شف وانا اخوك محسوبك استخدم الددسن 99 معي من عام 28هـ الى قبل اسبوع والحمدلله شريت لي سياره جديده وطلقت الددسن

بالنسبه لاستخدامها السبع سنوات الحمدلله ماشكيت من شي الا بعض الامور الاستهالكيه
عندك الحراره كانت ترتفع اول ماشريتها وصارت المشكله من تماتيك المروحه وغيرته ولا شكيت من شي فتره طويله
بعدها صار مشكله بالرديتر يبي له تسييخ ( طبعا هالخرابات كلها عشان عمر الموتر )
المهم مالك بالطويله الرديتر سيخته كذا مره وتالي غيرته برديتر جديد وارتحت

الاعطال مافيه اعطال تذكر يعني مع الصيانه تضبط السياره

......................

الخرابات اللي مرت علي مع اللي فوق
طال عمرك فحمات السلف غيرتها مره وقعدت حول 3 سنين اظن وغيرتها قبل كم شهر
اما الاذرعه والمقصات تقريبا كل سنتين ( وع حسب الميزانيه يعني لاصار الوضع ممتاز وديتها ونفضتها )
اما فحمات الفرامل غيرتها اول ماشريتها وغيرتها قبل سنه وزياده تقريبا يعني تكد وتمد

العيب الوحيد في الددسن

وممكن مو عيب ممكن خلل اللي هو التنقيص موتري ينقص وبصراحه اتاخر ماغير الزيت واذا جيت اغير القاه منقص علبه او اقل واحيان اكثر

بالنهايه سواقتي راكده تطعيس قليل ومالي بالتفحيط يعني زي ماتقول شايب شباب
ف إذا سواقتك راكده وبتاخذ لك واحد كويس صدقني بيعيش معك والبخاخ زين بس كان مامعك قروش مد لحافك ع قد رجليك

وموفق خير ان شاءالله

[( شميريخ )]

ابي اعطيك الزبده انا قنيت ثلاث دداسن :D 1993 و 2000 و 2012
الــــددسن خــذها وكـــالة والا لا تفكر بها

[عاشق الددسن92]

والله شف وانا اخوك محسوبك استخدم الددسن 99 معي من عام 28هـ الى قبل اسبوع والحمدلله شريت لي سياره جديده وطلقت الددسن

بالنسبه لاستخدامها السبع سنوات الحمدلله ماشكيت من شي الا بعض الامور الاستهالكيه
عندك الحراره كانت ترتفع اول ماشريتها وصارت المشكله من تماتيك المروحه وغيرته ولا شكيت من شي فتره طويله
بعدها صار مشكله بالرديتر يبي له تسييخ ( طبعا هالخرابات كلها عشان عمر الموتر )
المهم مالك بالطويله الرديتر سيخته كذا مره وتالي غيرته برديتر جديد وارتحت

الاعطال مافيه اعطال تذكر يعني مع الصيانه تضبط السياره

......................

الخرابات اللي مرت علي مع اللي فوق
طال عمرك فحمات السلف غيرتها مره وقعدت حول 3 سنين اظن وغيرتها قبل كم شهر
اما الاذرعه والمقصات تقريبا كل سنتين ( وع حسب الميزانيه يعني لاصار الوضع ممتاز وديتها ونفضتها )
اما فحمات الفرامل غيرتها اول ماشريتها وغيرتها قبل سنه وزياده تقريبا يعني تكد وتمد

العيب الوحيد في الددسن

وممكن مو عيب ممكن خلل اللي هو التنقيص موتري ينقص وبصراحه اتاخر ماغير الزيت واذا جيت اغير القاه منقص علبه او اقل واحيان اكثر

بالنهايه سواقتي راكده تطعيس قليل ومالي بالتفحيط يعني زي ماتقول شايب شباب
ف إذا سواقتك راكده وبتاخذ لك واحد كويس صدقني بيعيش معك والبخاخ زين بس كان مامعك قروش مد لحافك ع قد رجليك

وموفق خير ان شاءالله

تنقيص الزيت اعتقد على حسب الاستخدام ولله الحمد السيارتين اللي في الصورة ما ينقص زيت ممشاهن قليل ومحافضين عليهن لذالك ما تنقص زيت