عرض الصور الي بالكمبيوتر علئ التلفزيون

[المطارد]

السلام عليكم ورحمة الله وبركاته
اخواني عندي مشكله بسيطه وهي كيف عرض الصور الي بالكمبيوتر(صور الكشتات والسيول والامطار ) علئ التلفزيون علما ان الصور من الجوال حتئ يتسنئ للعائله المشاهده لئن ابوي كل اشوي يقول وين صور البر والامطار (لئنه مايشوف في الجوال والكمبيوتر يجهره) تحياتي للجميع,,,,,,,



لاتبخلون علينا بالفايدة..

[حيمود]

اللي اعرفه ان الكمبيوتر لازم يكون فيه مخرج للتلفزيون وهو غالبا موجود في الاجهزة الحديثة ( اللابتوب )) تجد المخرج مرسوم عليخ صورة تلفزيون او تركب القطعه ومن ثم تحتاج الى توصيلة بين الجهاز والتلفزيون وتختارها بناء على المخرج اللي عندك( Usb ) والمدخل اللي بالتلفزيون
وهذا حد علمي ...

[ابو سمر]

أخي الكريم المطارد

بعض الكاميرات مجهزة بالعرض مباشرة على التلفزيون ( فيه توصيلة بين الكاميرا والتلفزيون تجي مع الكاميرا ) ، لكن الصور تصير غير صافية لأن بيكسلات التلفزيون العادي قليلة بعكس تلفزيونات الإل سي دي الجديدة اللي تشبه شاشة اللاب توب .

ولذا ستكون غير صافية لو عرضتها بالتلفزيون ولذا من الأفضل أن تقلل من إضاءة الكومبيوتر شوي أفضل هذا أولا .

و ثانيا : حتى لو جهزت الكومبويتر بكرت الشاشة ( برضه ) الصور لن تكون واضحة وجربت ذلك شخصيا .

التلفزيونات غير دقيقة في عرض الصور الثابتة أما لمقاطع الفيديو فمن الممكن قبولها بعد تركيب الكرت المذكور في الكومبيوتر ( تلقاه عند بعض محلات الكومبيوتر ) .

وثالثا : المفروض تأخذ الوالد معك للأمطار توريه المطر على الطبيعة ( مهوب ) تروح مع الشباب وتتركه في الديرة ..

وشكرا لك .

[ســـرحـــان]

ماعندي رد للموضوع ... ولكن عندي رد لاخوي ابوسمر واقوله ..... صح لسانك ...

[المطارد]

حيمود
ابو سمر
سرحان
مشكورين علئ تفاعلكم وارائكم لكن الكرت الي تقولون عنة غالي طيب مهوب مشكله اذكان غالي او مايفيد ((يعني قد الخساير )) طيب تقولون ماتصير صافيه الصور في التلفزيون طيب وش السوات ؟؟
باالنسبه لبوي هويطلع معنا ويشوف لكن يبي يعيد الذكريات معنا

[ابو سمر]

الأخ المطارد

الكرت ما يستاهل قيمته لو بعشرين ريال ، أنا مجربه في جهازي الأول ، اللي شريته قبل أربع سنوات ، وقبل مدة ثلاثة أشهر إشتريت جهاز كبير جدا من أفضل الأجهزة الدسك توب ولم أطلب هذاا لكرت ..

إلا وحط عشر خطوط تحت كلمة إلا ..

لو كنت تستخدم جهاز التلفزيون الإل سي دي الجديد الذي يشبه شاشة الكومبويتر فستكون الصورة صافية ، أما التلفزيونات القديمة العادية فلا ينفع إلا للعرض على شكل ( يمشي الحال ) ..

وأعرف واحد من الأقارب شابكه على الكومبيوتر علشان يكون أصفى له لأن نظره ضعيف ( شوي ) وصفاوته مثل صفاوة شاشة الكومبويتر ..

وشكرا ..