ارغب بشراء جيب اسوزو و ابي شوركم

[هاوي البر]

لي رغبة بشراء جيب اسوزو مستعمل من مديل 2002 فما فوق
وش رايكم فيه يعني مميزاته وعيوبه وكم اسعارها تقريبا وهل تنصحوني فيه
وجزاكم الله خير

[فتى الدهناء]

اذا تقصد التروبر ... فهو يجي نوعين بنزين و ديزل

ومن فوق 2003 أفضل لأن البنزين من هذا الموديل وفوق مكينته أقوى .. ي3000 سي سي

وكذلك الديزل من 2003 وفوق أفضل لوجود التربو وكذلك حجم المكينة ..

لكن اذا تبي رايي ..

دورلك باترول ... من 2002 وفوق وبتحصل الزين ان شاء الله

الله ييسر أمرك

[هاوي البر]

الله يجزاك خير هل تقصد من فوق 2003 يعني 2004 فما فوق ولا 2003 داخل من ضمن المواصفات اقصد قوة المكينة
وجزاك الله خير
ولاعطيتني رايك فيه هل يصلح ولا لا

[غالي]

تبي نصيحة اخو لك
ابعد عن موتر ماانتشر بكثره بين الناس ولاسمعت عنه من ايجابيات
نصيحه ... خصوصا الجيوب
ان مابغوه للبر بغوه للسفر
واذا عرفت قيمته وقد دراهمك خذلك باجيرو عندي افضل منه وسعر الثنين يطيحون بس يمكن الباجيرو يحافظ اكثر منه بشيء قليل
لكن الباجيرو معروف عن قوته في التحمل اكثر من الايسوزو والظاهر المكينه حتى اقوى
واذا فلوسك في الاربعينات حول الخمسين دور لك يوكون 2000 الى 2001 دفرنسين
ماشاء الله قوي ومريح وخربات ترا قليله
والله يوفقنا وياك ولاتزعل من كلامي لكن نصيحه حبيت اوجهها لك بس وانت طبعا حر اكيد :)

[هاوي البر]

الله يجزاك خير اخوي يا غالي
مشكور ما قصرت الفلوس في حدود خمسة و اربعين الف

[altheeeb79]

ابعد عن هالنوع من السيارات مثل ماقال الاخ غالى بالاضافه قطع غياره ووكالته زفت الله يكرمك والقارين0 النيسان والتويوتا والباجيرو واليوكون أفضل منه 100 مره 00كل كلام الاخ غالي من وجهة نظري هو الصواب 000000والله الموفق

[ابو نقاء]

تويوتا وبس

[هاوي البر]

الله يجزاكم خير جميعا وما خاب من استشار

[بواسامه]

اربح العافيه
شف ما يسوقه الا مراقبين البلديه لانه حكومي
ولا متوهق به وشراه غلط
ولا شركات وخواجات
فلا تعيد الكره
والسعيد من وعظ بغيره
خلك على اللي يقدر بالسوق ومعروف

[راعي الحميّة]

اخوي أنا معي واحد 2003 ولمعلومية الموتر انقطع من 2003 الموتر حلو بس في الاماكن الصعبة بتعبك بس ما انصحك تشترية ابد