مكينه الددسن البخاخ 160hp

[حر اليدين]

اخواني الكرام السلام عليكم يااعضاء كشات الكرام

بودي ان اسال
س : هل تركب مكينة الددسن البخاخ على الدداسن من 91 الى 97
واذا كانت تركب وش لازم نغير الكلام مع الظفيرة حقت الكهرب



يعطيكم العافية

اخوكم حر اليدين

[سيد النشاما..]

س : هل تركب مكينة الددسن البخاخ على الدداسن من 91 الى 97 ؟؟
نعم أنا خابر لك واحد من جيرانا مركب مكينة(( 2001 ))على 92 وطالع فيونكة يعني ((مظبوط))

واذاكانت تركب وش لازم نغير الكلام مع الظفيرة حقت الكهرب ؟؟


اسف !!!!!!!!!! مالي علم لاكن اسأله وأرد لك ((ابشر يالحبيب))

وكذالك أتأكد لك كان مافي مشكلة في تركيب مكينة البخاخ((160))hp

[حر اليدين]

الله يعطيك العافية اخوي شيد النشاما

ماتقصر وبيض الله وجهك انا في انتظار الرد لان المكينه موجودة وانا انتظر المشورة

[فلان بن عفتان]

التركيب :

تحتاج محرك نيسان بخاخ + الضفيره + الكمبيوتر + طرنبه بنزين + قربه فلتر مع البيب (الماصوره)

التركيب : تفصيل كراسي جديده للمكينه + تركيب المكينه عند الفني + تفصيل أكزوز + تطبيق الحذاف من داير القير

+ يقوم الكهربائي بتمديد الضفيره وتركيب الكمبيوتر ...

وقد تحتاج لأشياء أخرى .......

[حر اليدين]

السلام عليكم
اخوي فلان بن عفتان الله يعطيك العافية

الى هالدرجة هي عويصة الشغلة الله يستر يا ولد لكن كم تكلف هذي كلها اقصد بدون المكينة والظفيرة

يعطيك العافية اخوي

[سيد النشاما..]

يقول الأخ مكينة بخاخ ماادري عنها لاكن بتطلب أشياء كثيرة وأولها الكمبيوتر

وعند الأسأ لة عن الي ركب >>>>>>
كل هالكلام عن مكينة
وش المكينة ؟؟؟؟ قال 2001
طيب كيف ركبت؟؟؟
يقول : أنا شاري المكينة من التشليح كاملة مرة والكامل وجه الله بكل أغراضها وعفشها
بس العمل: قطيت السيارة عند الفني حيث غير كراسي وبدل بعض الأسلاك بالضفيرة ولاكن من غير تكلفة بالغة .
والددسن 92 ويمدح عزمه




وبعدين أنا ألاحظ صوته يختلف شوي أخف ازعاج من الشد بلاد

لكن سؤال ياحر اليدين ؟؟؟؟؟؟؟؟؟ هالترهيمات كلها ماترسب السيارة في الفحص عند البيع أو تجديد الأستمارة وغير ذلك؟؟؟؟؟؟؟؟؟؟؟؟
لاتستعجل وتتورط بها (( ويازين شد البلاد ))

[حر اليدين]

اخوي سيد النشاما الله يجزاك خير على السعي اللي سويته ولا قصرت

انااقولك انا فحصت سيارتي في الفحص الدوري في الرياض ولا فتحوا كبوت السيارة مع اني مركب مراوح كهرب ولا قالوا وين انت رايح

انا شفت ددسن 84 تقطع يعني بخاخ لكن المكينة اللي عليها ؟
الله اعلم


شكرا لمرورك اخوي سيد النشاما

[nasserzu]

ابعد عن الترهيم واذابغيت تبيع الغالب ان الشاري يترددددددددددددددددددددددد

[سيد النشاما..]

ههههه أخوي حر اليدين أنت شكلك تبي المكينة تقطع ؟؟؟؟؟؟؟؟؟ترى المكينة تجاوب على طول انتبه

84 يقطع .......!!!!!>>> أكيد مرهم مكينة عليه وبعدين مو شرط البخاخ فقط يقطع لأن العلم تحت >>>>>>>>>>>
واحد من الشباب حارة رجله على السيارة معه ددسن 91 تخيل غير المكينة 3 مرات ووضبها مرة
يقول المكينة الي قبل الأخيرة تقطع ..!!!!!!!!!!!!!!!!!!!!! يارجال ؟؟؟؟؟ قال .........والله ثم والله وبعدين شف ذاك الرجال وسأله
وفعلا كانت تقطع بس كيف ؟؟؟؟؟؟؟؟؟؟؟؟؟؟؟؟؟؟ ((مع أنه كلبريتر ))






سيد النشاما.. : استلمت ياحر اليدين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حر اليدين : استلمت ياسيد النشاما.. بارك الله فيك

سيد النشاما.. : في أمان الله

حر اليدين : في أمان الكريم ياهلا

[حر اليدين]

السلام عليكم يا سيد النشاما ابو شي موتري دفرنسين والمكينة بتجاوب اليوم ولا بكرة لانها شد بلد وماشية 35.000
والبخاخ اقوى واقصد بنزين وانا ودي انا تطربني في التقطيع :d :d الله يعطيك العافية على المشاركة

واما من ناحية الموتر اللي يقطع 100% انها بخاخ او مركب فيه حاجات تخلي الكبريتر يقطع









سيد النشاما.. : استلمت ياحر اليدين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حر اليدين : استلمت ياسيد النشاما.. بارك الله فيك

سيد النشاما.. : في أمان الله

حر اليدين : في أمان الكريم ياهلا


هههههههههه يعني قفل على السالفة فهمنا فهمنا يعطيك العافية اخوي سيد النشاما


تقبل تحياتي

حر اليدين

[حر اليدين]

الاخ naseeerzu

يعطيك العافية لا انا بكد الموتر لين يطي لسانه

حر اليدين

[سيد النشاما..]

هههههههههه يعني قفل على السالفة فهمنا فهمنا يعطيك العافية اخوي سيد النشاما


تقبل تحياتي

حر اليدين





لا والله مش قصدي بس من باب المزاح يالطيب والله على ماأقول شهيد

[سيد النشاما..]

أنت آمر وحنا نطامر وذى تبي شي أبد لايردك ألا مفاتيح اللوحة وسلك التلفون والماوس بعد .............
تصبح على خير

[حر اليدين]

الله يسلمك اخوي سيد النشاما ولاتقصر


تقبل تحياتي

[حر اليدين]

للرفع للرفع لازال النقاش محتدًا

[ملاعب الريح]

في الغالب إن الدداسن القدام يركبون مكينة سدرك (بالقصيم منتشره) ويصير فيها عزم غير طبيعي واللي عنده دريهمات يركب مكينة سدرك بخاخ ويقولون إن المكسيما ما تصف جمبها (هذا على كلام أحد الأشخاص اللي له بالترهيم والشغلات هذي).............

أتمنى إني أكون أفدتك (ملاعب الريح)

[حر اليدين]

اخوي ملاعب الريح
شكرا على مرورك ومشاركتك الموضوع
وكلامك في محله لكن لها اثار انا ناوي من ددسن جديد الى ددسن شوي قديم
ذلك يترتب عليها تغيير القير مع المكينة

الله يعطيك العافية
اخوك حراليدين

[حان الرحيل]

انصحك تبيع سيارتك00وتزود على قيمتها وتاخذ سيلره بخاخ لانك بترهم مكينه وشغله طويله ومباغ عاليه وفي النهايه قد لا تضبط كما تتوقع
او اجلس على سيارتك احسن لك

[تــــوني]

شف يا عم
- اذا انت حالف تركب مكينه بخاخ وتفكر انها بتصير اقوى بمراحل(اذا كان هذا قصدك) ترى الفرق يمكن 30 حصان
يعني ما تفرق معك كثير وهون عن البخاخ احسن لك مع العلم ان البخاخ ممتاز جداً

-اذا انت تبي نشاط (نشاط على ونيت يعني على التندة الله يستر عليك ) طيب نرجع اذا انت تبي نشاط عليك بمكينه تسوى
واذا بتغير من 4 سلندر الى 4 سلندر تراها حسايف ..
يا تغير من 4 إلى 6 وانت جاي
- بعطيك معلومة جديدة (كل المكاين الحين وخصوصاً من 2000 وطالع في التشليح تباع بكمبيوترها وظفيرتها يعني الكمبيوتر والظفيرة
فوق البيعة ..
والي يركبها لك (شف لك واحد ابن حلال ) وقله مالي الا ولد يقرا ..

في الختام 4 سلندر على دفرنس واحد تراها حليله ولا تتهور وتروح ل6 سلندر... تراها تروع شوي مو كثير بس تندة