كيف اخلي كل الكفرات الخلفيه تدور مع بعض بالددسن

[الربذي]

السلام عليكم عندي ددسن 2002 بس لادخلت النفود غرزت افكر اركب كفر عريض 70 -35 جنط15 طبعا كلكم تعرفون لو ارفع كفر بالعفريته يدور لحاله بس صح الثاني مايتحرك بعض السيارت تمشي لو رافع الكفر بالعفريته وموديلات قديمه اظن جمس قديم 93 او حوله كيف اسويه يااهل الخبرة مكشات منتدى الطيبين

[جني صغير]

أشرك الكارونه

[الربذي]

كيف اخوي اشركها وهل لها ضرر

[فاقد ارسال]

مثل ما قال الحني اشرك الكارونه والظاهر انها تلحم بس مع الوقت لازم تشرك من جديد لانها ترجع زي اول

ورح عند الورش حقينا الكوارين وهم يعرفون

[ابو فهد...]

انصحك لاتشرك لها اضرار قويه
١ بالفات والدورات لازم تمشي صفر والا يبي يهجك بك الموتر
٢تقطع الكفرات
٣ اذا لفيت وانت مسرع القلبة على طول
٤بالمسايف بالنفود تقلب
وله ميزات بس اخطارها قويه
فيه حل الي هو كارونة الكلتشات يركبونها على الهايلوكسات عاد ما ادري عن الدداسن
ميزتها اذا دعست صارت مشروكة واذا فكيت صارت عاديه

[الربذي]

فاقد ارسال اشكرك اخوي
ابوفهد ماقصرت تدري وش القصة باختصار كانت عندي ددسن 2007 وكاله جلست معي ثلاث سنين ماشفت منها الا كل خير بعتها شريت ددسن عادي ومتعود على الدبل طبيت يجي متر بالنفود غرست بالكاد طلعت قلت ياولد اشتري دبل مريت على المستعمل الا نوعين منتهي متكسرات ونظيف بس غالي قلت اركب كفر كبير قال لازم ترفع السيارة قلت بطلنا قالي فيه ماكسس عريض بدون رفع سعره 350للحبة عرضه 35 على70 جنط اظن15 بعدين فكرت بالشرك الكارونه لكن بعد كلامك لو مسويها بعشرة الاف رجعتها عادي وبلاش وان لزمت دبل ولا يمشي الحال عندي فتك بس ماارتاح الا لددسن فتك تماتيك قوي جدا بس يبي مدارات والددسن دوس وتشيل اغراضك
بطلنا الان الرغبة صفر مشكورين وتم صرف النظر بعد كلام الفاضل ابو فهد

[بدوي جنوبي]

Welding a differential


http://m-power.lv/files_misc/E30%20m3%20repair%20manual/33_Rear_Axle/images/330025.jpg

http://www.gtfactory.jp/cms/e107_files/public/1199941026_2_FT911_sp1020610.jpg

لازم تلحم تروس الكارونه
يعنى تستغنى عنها

وما تمشي في السياره الا في الرمل فقط

[نايس × كول]

تشريك تخلي الكفرات تدر مع بعض مثل الددادسن مع الدرباويه تشوف الكفارات كلها تدر

[سقم المعادي 1]

انا اقول وانا اخوك لا تشركها ولا شيء تعض معك الكارونه وانت مسرع و تسبب لك مشكله لا سمح الله

دام عندك جيب لا بغيت تكشت اكشت عليه و ام عزيز امغطه بالديره

[الربذي]

ماقصرتم اخوي المشرف نايس وسقم المعادي الدفرنس معقد الكفرات تدور عكس بعض اذا رفعتهن هو نت عن التشريك

[ابومحــ م ـــد]

افضل شي الابتعاد عن التدخل بالتصنيع اللي ماله دخل .. المصنع ببلد المنشاء وضع دراسات تخص سلامت المستخدم لذلك وانا اخوك سلامتك ابرك من الرمل

[عريدان]

http://i54.tinypic.com/2e0o4jo.jpg

أشتر دفرنس داتسون و إلا باثفيندر قديم دبل أبو العلامة الحمراء مثل هاذي ويجيك مشروكه الكارونه شد بلد ميكانيكياً يعني لا يهمك لا زفت ولا نفد و تمام التمام بر وبحر.