هل يجب تغيير زيت القير والدفرنسات

[مدرس بالغصب]

بعد تغييري لزيت المكينة طلبت منه ان يفحص زيت القير والدبل والدفرنسات
واكد لي انها منتهية الصلاحية وفاقده للزوجتها
وسعر علبه زيت التروس50
الدفرنس الامامي يتسع لاربع علب
والدبل علبتين
فهل تغييري لها صحيح او الزياده تكفي
علما ان السياره باترول 95

[المميـز]

:

المعروف ان الزيوت لها صلاحيه محدده وبعدها لابد من تغييرها
وبما انك ماغيرتها قبل كذا .. تغييرها يبي يسبب لك مشاكل
ومن اهمها ونه بالكارونه ومشاكل بالقير
لذلك عليك بطريقة نزل من الزيت مقدار علبه وع بدالها علبه وامش عليه مسافه
وبعدها سو نفس الطريقه الى ان تخلص الاربعه لتر كامله
وبعدها غيره كامل .. ان شاء الله تضبط معك الطريقه

:

[التمسساح]

:

المعروف ان الزيوت لها صلاحيه محدده وبعدها لابد من تغييرها
وبما انك ماغيرتها قبل كذا .. تغييرها يبي يسبب لك مشاكل
ومن اهمها ونه بالكارونه ومشاكل بالقير
لذلك عليك بطريقة نزل من الزيت مقدار علبه وع بدالها علبه وامش عليه مسافه
وبعدها سو نفس الطريقه الى ان تخلص الاربعه لتر كامله
وبعدها غيره كامل .. ان شاء الله تضبط معك الطريقه

:


ممكن تشرح لي صحة الطريقه انا ماقتنعت بكلامك طيب في النهايه راح نوصل ان الزيت تغير بالكامل يعني انت لو تبي تغسل يدك بعد الأكل وجلست تغسل اصبع اصبع وبعدها غسلت يدك كامل ماتكون نفس الحكايه لو غسلت يدك مره وحده في النهايه نفس النتيجه

[راعي المجهم]

تبى العلم الصح

استخدمنا جيوب وجمسات وفورتات ودداسن وهايلكسات

ماقد غيرنا لها زيوت الدفرنسات والدبﻻت نزوووووها بس

وعاشت معنا بدون مشاكل

ومرة تلقفت وغيرت زيت دفرنس فورد 2008

وطلع وووونه واصوات وغيرناه تشليح بزيته

وبعدها توووووووووبة على قولت المصري

الي يقول الي اتلسع من الشوربة ينفخ في الزبادي

[ابونبيل]

اذا ناقص زده انتبه تكبه كله لان البراده بتطلع واذا طلعت بيصر فيه فراغ يسبب صوت ونه

[1824]

مالك الفلسلفة والخرابيط واسمع الكلام الصحيح اهم انك تغير الزيت المطلوب لسيارتك ولدفرنساتك والقيرك ودبلك مع اضافة دواء الدفرنس او ما يسمى بذلك وما راح تشوف شر بأذن الله انا عندي جيب مغير زيت القير والدفرنسات والدبل وكلهم مع بعض ببممشى فوق 220 الف وما كان ولا تغيره قبله او مرة اسويهم وبعدها قم استمر بالتغير ولله الحمد اموري ماشي زي الفل

[لسان الحقيقة]

حرك تبلش..

[تميراوي]

تبى العلم الصح

استخدمنا جيوب وجمسات وفورتات ودداسن وهايلكسات

ماقد غيرنا لها زيوت الدفرنسات والدبﻻت نزوووووها بس

وعاشت معنا بدون مشاكل

ومرة تلقفت وغيرت زيت دفرنس فورد 2008

وطلع وووونه واصوات وغيرناه تشليح بزيته

وبعدها توووووووووبة على قولت المصري

الي يقول الي اتلسع من الشوربة ينفخ في الزبادي


:good::good::good::good::good::good:

[بدوي جنوبي]

ترا فيه اعضاء قلنا لهم لا تغيرو
وغيرو زيوت وطلع معاهم مشاكل

لا يلدغ المؤمن من جحر مريتن

[حمزةعبدالمطلب]

السلام عليكم
اخوي مدرس لابد من تغيير الزيوت بارقام صحيحة وعيار صحيح والله اني دائمآ اغير الزيوت ولا عندي اى مشكلة ولا علاج ولا اي شى لكن احنا نجلس سنة ثم نغير الزيت بعد كرف صح ونقول لايطلع صوت
انصح الجميع بتغيير الزيوت
اخوي بدوي ارجوا النصيحة الطيبة وبدون فلسفة يا بو ثابت ليتك مادرستني سنتين وتدريس البلاء

[بدوي جنوبي]

تم حذف الردود المخالفه


اخى وطن العزه
ترا مافى اسهل من ايقاف العضوية
واحنا كمشرفين نتساهل حياء من الرجال
وليس أهمال .

الاخ حمزة لك رسالة على الخاص

[المتلولس]

والله احترت انا ودي اغير زيت القير للفتك والحقيقه خايف... خايف تجي حرك تبلش:looney::looney::looney::looney:

[speed62]

والله احترت انا ودي اغير زيت القير للفتك والحقيقه خايف... خايف تجي حرك تبلش:looney::looney::looney::looney:

نفس مشكلتي الموتر ماشي 400 ولاغيرت الدفرنس..المهندس حق تويوتا قالي لاتغير زيت الدفرنس
القير غيرته ولم الاحظ شيء..يوجد جيب اخر غيرناه ولم نلاحظ شيء

[abahal]

غيره بزيت ثقيل يحل مكان الرايش

[نفسي طابت..]

شف ياخوي انا زيت القير والدفرنس والدبل خليتهم لل١٥٠ والمفروض يتغيرون
ويوم جيت اغيرهم سالت المهندس بتويوتا قال لازم تغيرهم بس ممكن تصير لك مشاكل وتحتاج تصليح بس افضل من انك ماتغيرهم تكون المشاكل اعظم وسالت مهندس ثاني سعودي وقال غيرهم مايضره وتوكلت على الله وغيرته والحمد لله الموتر سليم

[الشيخ الظريف]

كتلوج السياره هو المرجع والوكاله تؤكد على تغيير زيت القير وحددت الكيلو مترات لأن زيت القير مثله مثل زيت المكينه الذي تضطر لتغييره وأنا غيرته عند وكيل للوكاله ولاحظت ان زيت القير يأتي في براميل كبيره مثل براميل زيت ماكينة المزارع وطبعا انا اقصد وكالة نيسان

[سفاري سوبر]

ياليت تذكرون نوع واسم الزيت المناسب

للقير والدفرنس

[أطلال نجد]

سيارتي ٢٠١١ و غيرت زيت القير و الدفرنس و الدبل على مسافة ٦٥ ألف في الوكالة و إلى يومك و الأمور طيبة ولله الحمد،،، المهم أن لا تهمل السوائل فترة طويلة ثم تستبدلها هنا تقع المشكلة ... يفترض كل ٨٠ ألف تستبدل عند الوكالة إذا كانت السيارة جديدة أو شبه جديدة لأن الوكالة هم الأدرى بالزيوت و أرقام الزيوت المناسبة لسيارتك و إذا كانت سيارتك قديمة أو لم يسبق لك استبدال السوائل وقطعت عليها مسافة طويلة لا أنصح بالإستبدال و إنما بزيادة النقص فقط وليكن في مراكز معتمدة مع ضرورة التقيد بأرقام الزيوت المنصوص عليها في كاتلوج سيارتك.

[أحمد الدهمشي]

خلاصة الكلام حسب الخبراء والمجربين
اذا سيارتك جديدة وتغير الزيوت حسب كتالوج سيارتك
كل 40 او 80 الف ما تتاخر عنها مافي مشكلة من التغيير
اذا سيارتك ماشية كثير بدون تغيير لا تغيره ستظهر لك مشاكل
وقد لا تظهر مشاكل لكن الاغلب انها ستظهر
بهذه الحالة الافضل الفحص وتزويد الناقص فقط.

[مشاري يوسف،]

السلام عليكم
انا معي رنج روفر 2006 ماشي 200 الف وشاريه ماشي 100 بس ماعرفت الي كان معه السياره قبلي هو غيره او لا سآلته قال مدري شاريه من الكويت ومحتار وديي اغيره بس خايف واحد لقيته بالورشه وقالي غيرته وطق القير فيه مهندسين قالو لاتغيره لا جتك رساله في الكبيوتر زوده بس ومهندس ثاني يقول غيره بالوكاله بس سعره في الوكاله 3000 وش تنصحوني فيه