محتار بين فورتشنر gx1 و vx`

[عابق الذكرى.]

السلام عليم ورحمة الله وبركاته ..
احبتي الاعزاء , مثل ماوضحت لكم بالعنوان انني افكر بإقتناء سيارة (فور تشينر )

لكن محتار بين gx1 و vx` <<بسبب الميزانية متدنية شوي :D

انا يهمني الدفع الرباعي ..قوة السيارة بالبر .

اما الباقي مثل الcd والعوارض الي بالسقف ,والاكسسوارات الي رافعين ارسعار السيارات عشان ماتهمني لاني اركبها من برا ع مهلي وبسهر معقول ..

ابي الفرق بينهم
وهل السيارة بشكل عام مناسبة للبر ..والسفر
ووش تنصحوني فيه ...وفقكم الله

[ابو سعود506]

وعليكم السلام ورحمة الله وبركاته
كانك تبي القوة مثل ماذكرت فانا انصحك ب VX وبقووه
لان مكينة ال VX 4000cc
وال GX 2700 CC ( مكينة هايلوكس !! :D )
والخيار لك قير عادي ولا تماتيك . وانصحك كانك راعي بر بالعادي

للمعلومية بس انا ماجربتة ولا قد سقته بس انصحك بال VX بالنسبة للمكينة

[فرفور بريده]

انا اقول لو تاخذلك جيب ثاني افضل لك

زي الاف جي .. لو مستعمل

[ابوغلاالقصيمي]

انتبه تقرب لل 4 سلندر

ترا بتندم

[التمسساح]

اعتقد ان السته سلندر مايجي قير عادي

[عابق الذكرى.]

الله يعطيكم العافية ..


طيب ياخوان الفور تشنر gx1 مايجي 6 سلندر؟؟

[محمد 2002]

ياخوك دام الميزانية وصلت سعر ال gx
أنصحك لوجه الله تنتظر شوي وتجمع دراهمك والا تستلف وتاخذ vx
الفرق بين الموترين شاسع

[((ابوملاك))]

لا ما يجي جي اكس ٦ سلندر

خذ لك في اك ٦ سلندر وايه نعم يجي قير عادي

[صفحة تربوية]

VX1 أوتماتيك 6 سلندر

[المميـز]

:

نصيحه ابعد عن الاربعه سلندر وهي جي اكس
اخرص كل الحرص على ٦ سلندر في اكس
وتبي تستانس معه ان شاء الله

:

[sami2003]

لاشك ان 6 افضل من 4 سلندر
لكن ولو تلاحظ اغلب التقارير عن السيارة لايوجد هناك فرق شاسع بين الاثنين !!!


تقرير فور سبيد ممتاز جدا شاهد الرابط :

http://www.youtube.com/watch?v=35NZuHWa8RY

وعموما انت على حسب استخدامك للسيارة و وجهة نظري ان 4 سلندر ممتاز وعملي و قوي.

ويفي بالغرض وزيادة بعد واهم شي ظروفك و بالنهاية هي سيارة تقضي حاجتك فقط وخل عنك كلام الناس لان الغالب فيهم يسمع و لا يجرب.

[البعية]

السلام عليكم ورحمة الله

انصحك vx عادي او تماتيك سته سلندر
العادي متوفر

[باوزير]

نصيحة لك جمع زيادة و اشتري برادو ستة سلندر حتى لو شوي ماشي سيارة مكيفين و ثلاجة و سيارة ثابتة و قوية و عزل الصوت فيها افضل من الجي اكس ار عن تجربة يعيبها الضيق اذا عايلتك صغيرة او عزوبي تصلح لك

[الشولة]

السلام عليكم أخي الكريم
في خصوص الفروقات بين الفئتين من جيب فورتشنر هي كالتالي:
- فئة جي إكس 2 GX تأتي بمحرك من أربع اسطوانات(أربعة سرندل) سعة ٢.٧ لتر وقوة ١٥٨ حصان نفس مكينة الهايلكس و تكون من نوعيتين بعضها فيها دبل و بعضها بدون دبل و القير كذلك تجي نوعين أوتوماتيك أو عادي.
- فئة في إكس VX1 تأتي بمحرك من ستة اسطوانات (ستة سرندل) سعة المحرك ٤.٠ لتر وقوة ٢٣٥ حصان كلها دبل (دفع رباعي مستمر) و يجي منها قير عادي و قير أوتوماتيك.
عن نفسي أرشح في إكس وبقوه.
أتمنى لك التوفيق في إختيارك
لمعلومات أكثر شيك موقع تايوتا السعوديه

[برق السر]

خذ برادو ستة مستعمل او فور تشنر ستة مستعمل
الاربعه حليو في البانزين بس مشكلتة العزم ضعيف والمكينة لها حنة يعني صوتها مزعج
اذا تحب البر وتمشيات داخل البر انصحك ستة لو المديل قديم شوي مايهم اهم شي محركات الموتر نظيفة

[((دهن العود))]

اخوي انااا معي فور شنر
له معي حول السنتين
6 سرندل دفع رباعي اوتماتيك
والحمدلله ممتاز جدااا
اغلب شي بر انااا
طبعااا اناا بدوي حتى الحطب
احطب عليه

[ابونبيل]

خذ 6 سلندر واحذر من القير العادي تراه عكس السيارات اقل عزم التماتيك اقوى والقير العادي فيه مشاكل صوت

[عابق الذكرى.]

الله يعطيكم العافية جميعاً..

من كلامكم حسيت اني ارتحت لـ vx1

[سقم المعادي 1]

اذا تقدر على السته اكيد افضل

لكن اذا ميزانيتك محدوده خذ الاربعه ترا مهب شين يمشي الحال عزمه لكن خذ قير عادي التماتيك لا يقربك ابد

عيب الاربعه سواءاً عادي ولا تماتيك مع التحميل في الشنطه و مركب شخصين ثلاثه زياده يموت حيله يالله يشيل روحه مايقوم الا بواحد من الثقل اللي فيه