الشاص 11 ريشه و 8 ريش

[احساس ذيب]

السلام عليكم
ياشباب وش تنصحوني فيه الشاص 11 ريشه او 8
يقولون 8 راحه بس كيف هو ب التحمل و التحميل و في الوعر يفرق او كلها سوا الفرق بس في التحميل
ارجو المساعده مع خالص تحياتي لكم

[qx55]

كلها واحد معليك من الحكي انا معي رفرف ٢٠١٠ وحمله خمسين كيس مكعب وفوقها رودستين
بس الله لله بالتواير عليك بالبوالين

[نايس × كول]

ويش هو له تحط 130 الف في ااتويوتا

وعندك النيسان راحه وعزم وشكل وقوه 110 ادا رفع سعره

احرص ع النيسان الشاص ماكينه 4800 وباقي الفلوسك اشتر سياره نيسان سنترا للبلد

[التمسساح]

ويش هو له تحط 130 الف في ااتويوتا

وعندك النيسان راحه وعزم وشكل وقوه 110 ادا رفع سعره

احرص ع النيسان الشاص ماكينه 4800 وباقي الفلوسك اشتر سياره نيسان سنترا للبلد



ياسبحان الله الرجال يسأل سؤال وجوابك ماله علاقه بالسؤال يعني غصب تبي تركبه نيسان الرجال ماهو فاضي للرجه والحرارة ومشاكل الكهرباء وزيادة صرفية البنزين يبي موتر يعتمد عليه

[GMC79]

ويش هو له تحط 130 الف في ااتويوتا

وعندك النيسان راحه وعزم وشكل وقوه 110 ادا رفع سعره

احرص ع النيسان الشاص ماكينه 4800 وباقي الفلوسك اشتر سياره نيسان سنترا للبلد


سؤال الرجال في وادي والجواب في وادي .. ياليل التعصب ليلاه

[جنيفاوي 503]

كلهن نفس بعض الفرق في التحميل 11 سسته احسن والرحه في 8 سست

[sgl2002]

انا كان عندي ابو رفرف ممتاز جدا


بس اذا تبي راحه زياده ركب له مساعدات باترول ٩٨ ويصير مريح جدا

[احساس ذيب]

يعطيكم العافية يعني الفرق بتحميل بس طيب يفرق السعر ولا

[بحر الاشواق]

مااتوقع الشاص به راحه ابد اين كان تعليقه

[سلمان القريني]

الفرق في الراحه والسعر ١١ ريشه ارغب
والي يقول محمل ٥٠ كيس ورودستين اقول الرفرف مايشيلها لاهو ولا ابو ١١

[ajaa2009]

يعطيكم العافية يعني الفرق بتحميل بس طيب يفرق السعر ولا
ولاتنسى ابو 11الدفرنس الخلفي اضخم من دفرنس ابو8

[رويشد المجدعي]

ولاتنسى ابو 11الدفرنس الخلفي اضخم من دفرنس ابو8

هذي المعلومة جديده علي
هل انت متاكد لاني مااحس ان فيهن فرق

[ابن عكاش]

فرق في التحميل ال11 سسته يشيل 50 كيس شعير والموتر تلقلاه متواسي وثابت لكن الراحه اقل لذا كان الصندوق فاضي

[راعي المنهاج]

أبو 8 ريش يجيك نوعين

- أبو رفرف
- الفطيمي واليحيى ( بدون رفرف )

واللي يفرق بس هو ان المطب يكون خفيف بسبب قل السستات وكذلك الأهم هو الياي الأمامي يكون مفتوح ولين مرررره بعكس أبو 11

في البيع اللي بدون رفرف يكون أرغب عند الناس

وإذا بتأخذ ترى الفطيم بالنسبة لتجربتي هو الأفضل لأن الهوبات الخلفية تجي قماشاتها أقواس زي القديم بعكس البريمي اللي يجي فحمات تتطلب تغيير كل كم شهر والجلنط يكون في البريمي ضعييف مره وكذلك الخطوط للشاص الفطيمي 2014 أفضل

والله يكتب لك مافيه الخير

[((ابوملاك))]

ولاتنسى ابو 11الدفرنس الخلفي اضخم من دفرنس ابو8

غير صحيح كلامك

انا استخدمت الاثنين مافيه فرق بالدفرنس لاتفتي من راسك :)

[ajaa2009]

الا خ ( مجهول) والله يأخي ما انا مفتي
بس صنع الجابان الي وضعه واحد كبر دفرنس الدينا واحد دففرنس ربع
وكلامي صحيح

[((ابوملاك))]

وشو ؟ مافهمت

[حبل الوريد]

خذ سلق 8 ريش عمود توازن ياي مفتوح تحميل جيد جدا نفس 11 ريشه بس الفرق مسحب ريش وياي مفتوح لين
لو بغيت تبيعه ركب له زود 3 ريش ونتهينا

[ابوراكان تبوك]

الاختلاف بالنسبه للدفرنس

وارد عمان البريمي اكبر في الكرونه وليس الدفرنس نفسه
يعني عدد سنن الكرونه في الشاص البريمي فقط اكثر من عدد سنن الكرونه بالنسبه للشاص السعودي
نفس الفرق موجود في الجيوب الربع
عدد ريش السست في البريمي بعضها جاء 11 و 13
بينما السعودي شد بلد 9 ريش

[حبل الوريد]

واذا تبي تشري عموما لا تحيد عن الفطيمي والسعودي
فرق اكسسوارات واسعار مناسبه

[راعي المعرض]

يرفع لمزيد من أراء المكشاتيه وراعين الصنف:f:good2::good::r