استفسار عن Vxr 2014

[عاشق الفيكسار]

بسم الله الرحمن الرحيم:

كيف حالكم جميعا عساكم بخير

ارجو مساعدتكم لي يااخوان
إن شاء الله ناوي على فيكسار 2013 وابي اعرف وش الفرق بين الموردين اليحيى-البازعي-البريمي للفئة الفيكسار ومن افضل وارد لاندكروزر ابي كل شي فيه اصلي من قطع واكسسوارات مابي ترهيم وقطع واكسسوارات غير اصلية المواصفات الي ابيه فيكسار فل كامل بدون كت زوايد وابيه دعامية من قدام وابيه جلد ارجوووو من الاخوان الي لهم خبرة يساعدوني طلبتكم تكفون الله يعطيكم الصحة والعافية.

[التعـ King ـديل]

من تجربه افضل شي عندي اليحيى وخاصه بعد ماصارت سياراته مضمونه على عبداللطيف جميل

صار رقم 1 عندي

افضل من البازعي والبريمي وعبداللطيف واقل منهم سعر مقابل المواصفات

[ابوعبدالله199]

المعروف في اللاند ان البريمي هو افضل نوع من ناحيه المواصفات واقل تلفيق

[التعـ King ـديل]

المعروف في اللاند ان البريمي هو افضل نوع من ناحيه المواصفات واقل تلفيق


اختلف معك ( اليحيى - البازعي - البريمي ) كلها تجي شد بلد من المصنع

ولكن البريمي صار يخوف لان صار بالسوق ناس تعدل سيارات عبداللطيف على شكل البريمي وتباع على انها بريمي ويطيح فيها الجاهل بالسياره والدليل بعض المعارض لمن تشتري منهم جديد يرفض يعطيك بطاقه المنشاء او البطاقه الجمركيه يقولك اسلمها لك لوحات لدرجه انه يصدر اللوحه والاستماره من ضمن قيمه السياره

[نايس × كول]

خذ جكسار افضل وقت البيع مطلوب اكثر من الفكسار

واذا تبي شيخ اطلق من التويوتا و اللكززس الباترول البلاتنيوم

[كايد]

اليحيى يستورد من بازرعه وكيل تويوتا في اليمن مواصفاته ازين من عبداللطيف
طبعن كنا جايين مرة من اليمن وتاخرنا في المنفذ وشفنا يمكن 10تريلات سيارات تويوتا
قالو هذي رايحه للسعودية .
ا

[كايد]

اسوأ جيوب هي الفطيمي (سيارتي منها ) حاط مواصفات غريبة مثلا يحط جناح وكته أمامية والموتر مافيه فتحة ولا ونش ولا جلد حتى اللمبة اللي عند المراية ماهيب موجودة والسلة (صاير اقرع ) .

للأمانة ....البيع لا تدور مثل عبداللطيف ....وانشد اي شريطي .


لو بأشتري جديد اخذت من رفيقنا عبداللطيف .


عذرا على الاطالة

[بدوي جنوبي]

اختلف معك ( اليحيى - البازعي - البريمي ) كلها تجي شد بلد من المصنع

ولكن البريمي صار يخوف لان صار بالسوق ناس تعدل سيارات عبداللطيف على شكل البريمي وتباع على انها بريمي ويطيح فيها الجاهل بالسياره والدليل بعض المعارض لمن تشتري منهم جديد يرفض يعطيك بطاقه المنشاء او البطاقه الجمركيه يقولك اسلمها لك لوحات لدرجه انه يصدر اللوحه والاستماره من ضمن قيمه السياره



وش معنى كلمة شد بلد ،، وضح اكثر
ابغى اعرف صناعة الاكسسوارات ( مسجل - شمعات - اسطبات الخ ،،)
والقطع الكهربائيه مثل كويلات حساسات كمبرسر وغيرها ،، لان حساس الدبل طلع صناعه صيني )



اسوأ جيوب هي الفطيمي (سيارتي منها ) حاط مواصفات غريبة مثلا يحط جناح وكته أمامية والموتر مافيه فتحة ولا ونش ولا جلد حتى اللمبة اللي عند المراية ماهيب موجودة والسلة (صاير اقرع ) .
للأمانة ....البيع لا تدور مثل عبداللطيف ....وانشد اي شريطي .
لو بأشتري جديد اخذت من رفيقنا عبداللطيف .
عذرا على الاطالة


معليش اخوى كايد
سيارات عبداللطيف اغلب القطع صيني
وتركب في مصانع جده حسب ما شفنا من صور ومقاطع فديو
حتى حساس الدبل صيني وهو قطعه مهمة وسعرها غالى

[التعـ King ـديل]

اخوي بدوي جنوبي هالمره مركز هههههههههههههههههه انك انت اللي سألت السؤال

البريمي وعبداللطيف جميل تقريبا متقاربين من ناحيه التلفيق والمواصفات ماتكون راكبه على بعض خاصه الاكسسوارات والمواصفات زي ماقال اخونا كايد

بالنسبه لليحيى يجيب السياره شد بلد يعني كل مسمار واكسسوار فيها جاي من الشركه الام مايغير فيه اي شي من يطلع من المصنع لحد مايوقف بالمعرض

[بدوي جنوبي]

اخوي بدوي جنوبي هالمره مركز هههههههههههههههههه انك انت اللي سألت السؤال

البريمي وعبداللطيف جميل تقريبا متقاربين من ناحيه التلفيق والمواصفات ماتكون راكبه على بعض خاصه الاكسسوارات والمواصفات زي ماقال اخونا كايد

بالنسبه لليحيى يجيب السياره شد بلد يعني كل مسمار واكسسوار فيها جاي من الشركه الام مايغير فيه اي شي من يطلع من المصنع لحد مايوقف بالمعرض



عالى التركيز :D
ممتاز هذا اللى ابتاكد منه :good2: ان كل القطع من المصنع
لانه مهم للى بيشترى
لكن السعر كم يزيد هنا الكلام ؟

[سقم المعادي 1]

احتمال يتغير شكله السنه الجايه مجرد توقع لأن الشكل طول من 2008 ماتغير و سوو له فيس لفت بالـ12

طبعاً مافيه شيء رسمي على انه بيتغير بس مجرد توقع لأنه كمل 7 سنوات نفس الشكل و انت شف اللي يناسبك سواءاً تصبر او تشتري
الشكل السابق نزل من 98 تغير في 2007 يعني اخذ له 10 سنين بس سوو له فيس لفت بسيط موديل 2006 شبك وصدامات و شمعات
و اللي لاحظته ان اغلب سيارات تويوتا يسوون لها فيس لفت على اخر عمرها يعني بعد الفيس لفت ماتطول سنتين ثلاث بالكثير وينزل شكل جديد

[أطلال نجد]

حسب خبرتي أفضل موزع حالياً هو اليحيى

و أسعاره تعتبر مناسبة على ما يقدمه من مواصفات و قطع و أكسسوارات أصلية

[التعـ King ـديل]

عالى التركيز :D
ممتاز هذا اللى ابتاكد منه :good2: ان كل القطع من المصنع
لانه مهم للى بيشترى
لكن السعر كم يزيد هنا الكلام ؟


بالعكس اليحيى افضل مواصفات وكلها شد بلد وسعره مقارب لسعر عبداللطيف ان لم يكن اقل

[فهد-بوعبدالله]

بالنسبه للي فلوسه كاش ياخذ الجيب من عبدالغني او المفتاح في قطر وهو افضل وكيل سيارات تيوتا في الخليج
نفس ماتجي من اليابان مايحرك فيها ولا قطعه وشوف اغلب الجيوب كمبرسر المكيف اغلبهم صيني وهو مازال ياباني غير الشغلات الثانيه من واقع تجربه ..............والي نظامه تاجير او اقساط ماله الا ابوجميل يطلع عليه الجيب فوق 300 الف اقساط ويمكن اكثر وهو كله صيني وتركيب في مصنع ابو جميل للاكسسورات الي في جده.

[التعـ King ـديل]

بالنسبه للي فلوسه كاش ياخذ الجيب من عبدالغني او المفتاح في قطر وهو افضل وكيل سيارات تيوتا في الخليج
نفس ماتجي من اليابان مايحرك فيها ولا قطعه وشوف اغلب الجيوب كمبرسر المكيف اغلبهم صيني وهو مازال ياباني غير الشغلات الثانيه من واقع تجربه ..............والي نظامه تاجير او اقساط ماله الا ابوجميل يطلع عليه الجيب فوق 300 الف اقساط ويمكن اكثر وهو كله صيني وتركيب في مصنع ابو جميل للاكسسورات الي في جده.


اليحيى عن تجربه نفس اللي ذكرتهم يجي شد بلد من المصنع للمعرض

[Abo_Faisal_506]

قبل لا تشتري خذلك فره في العيسى وشف الباترول بلاتنيوم ٢٠١٤

[عود صناعي]

بالعكس اليحيى افضل مواصفات وكلها شد بلد وسعره مقارب لسعر عبداللطيف ان لم يكن اقل


وش يضمن لي انه شد بلد على قولك

[تميم2222]

الفكسار. يعقب ابو جميل يلعب فيه. طبعا الفل كامل. منه. توكل علئ الله. وخذه اذا هو ارخص من غيره