هذا ماحدث لي مع سطحات الثمامة للأسف

[مدرس بالغصب]

تعطلت سيارتي كأي سيارة قديمة واردت سحبها وتفاجأت بغلاء اسعار السطحات واتفاقهم على سعر واحد كلهم 500 ريال رفضت وذهبت لاكثر من ورشة واكثر من سطحة كلهم يرفضون بحجة ان السطحات الي في الثمامة يرفضون وجودنا وقد يتعدا ذلك الى الاعتداء عليهم بالضرب والمضايقة
13 سطحة كلهم رفضوا الذهاب وكلهم نفس الكلام
وللاسف سطحات الثمامة سعوديين يحتكرون الخدمة عليهم ويستغلون الحاجه لهم
انا أؤيد دعم السعودي ولكن الاستغلال لاااااا

[أبو الوليد 14]

والله صدقت يالغالي اسعارهم ناااار
حصل معي نفس الشي
الموتر وقف بالثمامة رحت لهم
قلت كم تشيل الموتر الى مخرج 10 قالي 400 ريال انا على بالي 150 الى200 وحاط في راسي بكاسره على القيمة
قلت بشوف غيرك سعرك غااالي وامرهم سطحة سطحة ونفس الشي يعرفون بعض والسعر واحد
كلمت باكستاني راعي سطحة قد مرني قبل وصارت له مشكله معهم ورفض يجي
واعدت الباكستاني في مكان حول العاذرية بعيد عن راعين السطحات الرجال وافق
وقلصنا الموتر للمكان المتفق عليه
الوكاد انه أخذ علي 250
الحمد لله على كل حال

[بدوي جنوبي]

تعطلت سيارتي كأي سيارة قديمة واردت سحبها وتفاجأت بغلاء اسعار السطحات واتفاقهم على سعر واحد كلهم 500 ريال رفضت وذهبت لاكثر من ورشة واكثر من سطحة كلهم يرفضون بحجة ان السطحات الي في الثمامة يرفضون وجودنا وقد يتعدا ذلك الى الاعتداء عليهم بالضرب والمضايقة
13 سطحة كلهم رفضوا الذهاب وكلهم نفس الكلام
وللاسف سطحات الثمامة سعوديين يحتكرون الخدمة عليهم ويستغلون الحاجه لهم
انا أؤيد دعم السعودي ولكن الاستغلال لاااااا

ما العطل اللى حصل معك
ما فكرت تصلحها وال 500 تجعلها للقطع

[سقم المعادي 1]

عز الله انك صدقت

ومهب بالثمامه ترا كل راعين السطحات

اذكر موتر واحد من الشباب فورد تعطل في مواقف مدينه الملك فهد الطبيه و السطحات القريبين يسحبونها للصناعيه القديمه بـ 300 و يوم رحنا للسطحات البعيدين شوي يقول ماقدر اجي اللي بالمنطقه ذيك يطردوني ويمكن يضربوني
وش هالنظام السطحات شيء مهم مفروض تكون شركات و عملها منظم و اسعار ثابته مهب كل واحد يصرف من راسه ولا غير اللي لازم تتشحذه لا صرت متعطل عشان ياخذ زياده عليك و يجيب اعذار واهيه عشان تقول تكفى و خذ ميه زود .. خابصهم زين من عقب الشروكي الله لا يعيده

[مطر وسم]

يا اخوان فيه شركه اسمها شركة الشرق مختصه بنقل السيارات المتعطله في الرياض وخارجه لمسافة 100 كيلو اشتركو بخدمة النقل اعتقد ب 500 ريال لعشر سحبات للسياره المتعطله يعني تطلع السحبه ب 50 ريال يا بلاش احسن لكم من اصحاب الطمع والجشع انا مشترك ومرتاح متى ما خربت السياره كلمتهم يجون بسرعه تحياتي لكم

[.manofstar7]

يا اخوان فيه شركه اسمها شركة الشرق مختصه بنقل السيارات المتعطله في الرياض وخارجه لمسافة 100 كيلو اشتركو بخدمة النقل اعتقد ب 500 ريال لعشر سحبات للسياره المتعطله يعني تطلع السحبه ب 50 ريال يا بلاش احسن لكم من اصحاب الطمع والجشع انا مشترك ومرتاح متى ما خربت السياره كلمتهم يجون بسرعه تحياتي لكم




لا هنت ياخوي ليتك تزودنا برقم الشركة لو تكرمت.

[فرفور بريده]

انا اقول افضل حل تقلص الموتر

شف احد اخوانك ولا اخوياك فااضي يجي يجرك للي تبي

[مدرس بالغصب]

الاخ بدوي جنوبي مالي خبره بالميكانيكا و اعتقد ان المشكله بسيطه حسب افادة الاخوان اما طرمبه بنزين او بليتين القصد انني لم اجد حتى ميكانيكي يقبل الخروج الى تلك المنطقه للكشف عليها
ويبقى الشخص مستغل من الجميع الورش السطحات قطع الغيار
تخيلوا ان المشكله (بليتين )مثلا سعره 15
اكون دفعت 500 سطحه ومبلغ للورشة وهكذا :(

[مدرس بالغصب]

نصحني احد الاخوة بالتواصل مع المواقع الالكترونيه الاخبارية وعادة مايتم تفعيل الموضوع

[كم كيلو باقي]

اعتقد لو تكلم المرور او امن الطرق في وقتها ممكن يساعدونك بإذن الله

[مطر وسم]

لا هنت ياخوي ليتك تزودنا برقم الشركة لو تكرمت.



تفضل هذا رقم شركة الشرق 0114644446 اتصل واستفسر واشترك
وريح راسك

تحياتي للجميع

[ابو المثنى505]

شركة الشرق انا مشترك فيها وقد سحبو السيارة مرتين


أبد اتصل عليهم وبعد ساعه القاهم عند الباب

[أبو هشام راشد]

الاستغلال واضح وما كنا نعرف الغلا إلا لما دخل في السعودي في البيع وتقديم الخدمات
كان الله في عون كل محتاج ومقولة مصائب قوم عند قوم فوائد

[أطلال نجد]

فوضى هي يعتدون على الناس لا بارك الله فيهم و لا في رزقهم نعوذ بالله من الحسد و أهله نظام عصابات هذا لا يمكن السكوت عليه
أخوي نصيحة أشتري واير سحب أصلي بحدود 250 ريال 5 طن 9 متر وخله معك في الشنطة وهو من الأدوات الضرورية في كل سيارة ولايمكن الاستغناء عنه
وإذا حصل تعطلت لا قدر أطلب مساعدة أحد الماره و اسحب سيارتك لأقرب محطة بنزين فيها ورشة أو مركز صيانة و قبل هذا و ذاك حاول تشيك على سيارتك أول بأول لتفادي مثل هالمواقف. بالتوفيق ،،،

[سما الهاوي]

حسبنا الله وهو نعم الوكيل
استغلال مع حسد
المشكلة لو تسحب السيارة يجيك المرور يقول ما تسحبها ركبها في سطحه


تم الإرسال بواسطة iPhone بإستخدام Tapatalk

[ميدان التحدي]

قبل فتره كنت مسافر انا وقريبي وطالعين من الطايف بأتجاه الرياض وتعطلت سيارة قريبي فجأة طفت في الطريق ووقفنا سطحه قال اوديها للرياض ب2000ريال وحاولنا فيه ورفض ومن حسن الحظ كان معي حبل قوى وربطت سيارته وسحبته تقريبا 150كيلو ووصلنا المويه وحصلت سطحه واخذ 800ريال شوفو الفرق 1200ريال استغلال مابعده استغلال الله يكفينا شر الغلاء والاعطال

أرسلت من GT-I9100 بإستخدام تاباتلك

[fafafafa1975]

السطحات الى بثمامه مهم سعوديين هذيلم سوريين واغلب السطحات بالمملكه اذا مو كلهم سوريين مسووين مافيا واتفاق مع بعض والله من شينت النفس عندهم

[مدرس بالغصب]

الاخfafafa1965
للاسف هم سعوديين ابا عن جد

[علوش1]

حسبي الله عليهم