نية البيع

[عواض]

بسم الله الرحمن الرحيم.
الى المشرفين والاخوة الاعزاء في هذا المنتدى الغالي علينا جميعا.اعرض عليكم موظوعي مع احد الاخوان من دولة قطر الشقيقه اسمه ابو راشد وجواله موجود عندي .عرض علي طيرته فرخ شاهين صايد وحدها علي ب 22 الف ريال وكاسرته الى 19الف ريال وكان شهما معي فقال تستاهلها الله يباركلك.عطاني النية وانا بادرته النيه بالشراء.وسالته اذا يعرف احد في السعوديه اسلمه المبلغ او يرسلي رقم حسابه واحوله له.فقال لي خير انشاالله ابتشوف واعطيك خبر.وهذا الكلام حصل يوم السبت الموافق 8من شهر 2سنة 2014.وتفاجات في مساء نفس اليوم باتصال صاحب الطير ويقول والله شريكي يقول الطيره ب 22 واعطيك رقمه تفاهم معاه.فقلتله انت لم تذكر لي ان لك شريك وفي نفس الوقت عطيتني النيه بعتني كيف ترجع في كلامك فقال انتظر سوف اتحدث مع شريكي وارجعلك.وارسلي رسالة واتس يخبرني انه صحيح باعني ولاكن شريكه غير موافق وقال لي اذا تبيها ب 22 سوف ارسلها لك الليله. رسائله ورسايلي محفوظه في جوالي لمن اراد ان يتاكد.الان وجدت الرجل منزل موظوع الطيره في منتدانا في تاريخ 2014.2.7 باسم غليص .اطلب من المشرفين الافاظل والزملاء الاعزاء ان يحكموا بيني وبينه.هل له الحق ان يتراجع في كلامه بعد ان عطاني نية البيع.الله يحفظنا جميعا

[الخطير .]

يمكن خيره لك

[جناح السعد]

شكواك لربك ..
فيه اللي اطيب من طيره والله يرزقك باللي اطيب منه ..
تقبل مروري ..

[عواض]

الله يجزاكم خير جميعا.انا ودي انه يعرف ان النية مطيه وان الاعمال بالنيات ولكل امرئ مانوى.ان الرجال اذا عطا كلمة مايرجع في كلامه.خصوصا شخص مسلم و هوايته المقناص يعرف السلوم ويقطع الحق.

[فهد الحنيني]

يمكن بالأمر خيره

[شهاب الظلام]

السلام عليكم ورحمة الله وبركاته .
أخوي العزيز عواض . مساك الله باللخير .
أنا أشوف وانا أخوك أن في الأمر خيره .
وأستخر من هالبيعه اللي أولها يعطيك النيه ثم يهون .
ويمكن في الأمر خيرة وأنا خوك لك .
وعسى أن تحب شيئأ وهو شر لكم .
وعسى أن تكرهو شيئا وهو خير لكم.
ولا تدري وين اللخيرة وانااخوك .
واللي هذا أوله ينعاف تاليه .
والطمع وتغيرالنيه والرجوع في البيع مايربح راعيه .
وعسى الله يرزقك بأطيب من هالشيهانه .
وتمنيااتي لك بالتوفيق. وتقبل مروري .

[غليص]

مساكم الله بالخير
نعم صار الكلام يا اخ عواض والسموحه منك قدام الربع ولك الحشيمه وانا اخوك
والله يعلم بنيتي لكن نصيب والرزق عند رب العالمين
وهل قطر أهل كرم وعز وإخوانكم لراعي الهدد

[سعد...]

خيره ان شاءالله وعسى ان تكرهوا شي وهو خير لكم
والله وانا اخوك ماهو بخير الي يخلف بنيته
وعسئ الله يرزقك بطير اطيب منه

[أبو ناصررر]

بالتوفيق للجميع ..
وهذا الرجال معترف بخطاه واعتذر وحسب كلامك ان معه شريك يجوز انه ضاغط عليه بالبيعه .

[مودع الخلان]

اهل قطر فيهم الخير والبركة وماقصر غليص اعتذر وخيره فيما اختاره الله

[عواض]

نعم صحيح ان الخيرة في مااختاره الله.لاكن الرجال ما بلغني ان معاه شريك.والرجال باعني ومتكلين على الله ويرجع يقول لي شريك وشريكي رافض البيعة وابعطيك رقمه دق عليه تفاهم معاه.اللي الناس تعرفه ان البيعة تمت ولا لك حق تغير كلامك علشان زود قرشين .وخويك مفترض انه يحترمك وايزيدك ماينقص قدرك ويكسر كلامك .

[عواض]

الله يعطي كلن على نيته

[صقارعزاااام]

السلام عليكم ورحمة الله وبركاته .
أخوي العزيز عواض . مساك الله باللخير .
أنا أشوف وانا أخوك أن في الأمر خيره .
وأستخر من هالبيعه اللي أولها يعطيك النيه ثم يهون .
ويمكن في الأمر خيرة وأنا خوك لك .
وعسى أن تحب شيئأ وهو شر لكم .
وعسى أن تكرهو شيئا وهو خير لكم.
ولا تدري وين اللخيرة وانااخوك .
واللي هذا أوله ينعاف تاليه .
والطمع وتغيرالنيه والرجوع في البيع مايربح راعيه .
وعسى الله يرزقك بأطيب من هالشيهانه .
وتمنيااتي لك بالتوفيق. وتقبل مروري . ملامك على متمه

[شهاب الظلام]

كلامك على متمه
تسلم أخوي صقار عزااام بااارك الله فيك .
ومشكوور أخوي الغاالي .

[حطاااااب]

السلام عليكم ورحمة الله وبركاته
اهل قطر خاصه والخليج عامه كلهم ونعم فيهم وكلهم خير وبركه
اما بالنسبة لنيه مالك حق وماتعرف وش يصير في اللي اتفق معك
نعاني ونكلم ريجيل ونسلم دراهم ونطلب ناس واخرتها الواحد ينحرج ويضيع ماء وجه قدام معارفه وربعه ماخلا احد الا كلمه وهذا يحصل لنا واللي ماجرب يدخل طيور يقول سهله لاكن اللي يعرف ويتعامل يتعب ويلقا احراج مع الناس وانا ماقصدي الاهانه لاحد بس لابد تلزم النية واخلاف النيه مايجوز وهذا تذكير للجميع اكيد عواض وجد احراج بعد مااتفقت مع الرجال واعطيته نيته كم كلم واحد او اتفق واخرتها تخلف النية النشكله مهي بالطير يروح طير ويجي ابرك منه اللي يحرجك الريجيل اللي تكلمهم وتوصيهم وغير ناس فيها خير تنتظر تستقبل طيرك ترا فيها لعوزه مهو بس الشاري
والمفروض من كلامك وبيعك وموضوعك ماذكرت احد معك وضح لناس علشان بكره مااحد يكره التعامل معك مايجوز تعطي الرجال كلمة وتبيعه على واحد ثاني علشان قرشين

الله يعوضك باخير منها ياعواض

اكبر هم النيه والبيعات اللي تحصل من خارج الدولة

[حوران العتيبي]

عواض الله يعوضك بطيب منها
الي ذا اوله ينعاف تاليه

تتفقون على سعر و ثم توافق يا صاحب السلعه وتعطي النيه و تتشاورون كيف تستلم المبلغ و كيف تسلم الطير
ثم بعد وقت شريكك عيا ؟؟

ياخوي اولاً ما يجوز
وثانينً ان كان لقيت زبون يدفع اكثر من الي ادفعه عواض او اقل وبعته
ترا ما يجوز و رجاء تتاكد من الناحية الدينية في الامر لانك عطيت النيه وقلت بعتك ودامك عطيت النية لعواض انتقلت ملكيتها لعواض والبيع نيه
والله سبحانه قال

يَعْلَمُ مَا فِي السَّمَاوَاتِ وَالْأَرْضِ وَيَعْلَمُ مَا تُسِرُّونَ وَمَا تُعْلِنُونَ وَاللَّهُ عَلِيمٌ بِذَاتِ الصُّدُورِ

وقبل ندخل بدين
ذي ماهي بسلوم عرب ولا هي من عادات متابعين مكشات اعضاء و مشرفين ابيع ثم اتراجع

تحياتي


المال يحيى رجال لا حياة ابها
كالسيل يحيى الهشيم الدمدم البالى
بديوي الوقداني

[علي بن رملي]

اخوي غليص هداك الله بالبيع اذا كان لك شريك
يجب ان تخبره قبل اي خطوه تخطيها على شان ماتظلم احد
.
واخونا عواض الله يعوضك
لربما خيره مثل ماقالو الاخوان
.
واسأل الله لكم التوفيق والرزق

مساكم الله بالخير
نعم صار الكلام يا اخ عواض والسموحه منك قدام الربع ولك الحشيمه وانا اخوك
والله يعلم بنيتي لكن نصيب والرزق عند رب العالمين
وهل قطر أهل كرم وعز وإخوانكم لراعي الهدد

[عواض]

بيض الله وجيهكم جميع.عزالله صحيح الخيرة في مااختاره الله.بس انا يارفيقكم كلمت رياجيل واتفقت معهم على تطليعه مثلكم خابر والله اني منحرج منهم. الله يعين

[أبو العنود1]

اخوي عواض واخونا الاخر تقبل مني اخوي عواض على مااقوله

انت لك حق ولكن الرجل لم ينكرك ولا تعلم ماضروف الرجل اخوك وهو اخوك ماتمون عليه يمكن الرجل كان هاقي هقوه بشيء معين وانه يمون وطلع مايمون وشي ثاني لو كان غلطته كبر الارض واكبر من كذا دامه اعترف وجى واعتذر خلاص حطه تحت الفراش اخوي ولا عرف عليك ناس جالسه تسقط حقه عن رقاب رجاجيل اللي اهم من الطيور وانت من هل المعروف اتوقع تكون سمح وكله نصيب مالك نصيب بها ورزقتك بشي ثاني وفاله خيره

[تركي 1622]

سبحان الله وشلون الناس تختلف في تعاملها
لعله خير لك ما تدري يمكن المانع خير لا تحب ولاتكره

[ولد الشآيب]

لا بالله ذي ماهيب طريقتن عدله و حرام انك تعطي النية بالبيع على السعر المحدد ثم تزود عن السعر القديم حتى لو انا عطيتك النيه ب البيع على 22 و جاني واحد يسومه ب 30 مليون تصير حرام البيعه لاني قد عطيتك نية البيع اما اذا هون الي سايمه ب 22 ذاك الوقت يمديني ابيعه للرجال الثاني

الوكاد الله يكتب الي فيه الخير و الله يرزقك بالطير الطيب الصايد السبوق

[اابوخالد666]

راحت الرجال اول الرجال لاعطا كلمه يموت دونها واهلحين يسحب عليك على شان كم ريال

الله يرزقك ياخوي عواض بحسن منها خلها تولي الي خلقها خلق احسن منها

[جناح السعد]

قلبت السالفه سب وشتم ؟
كل الطرفين ياخي مخطين ..

الاول بالنيه ..
والثانيه تجي تشهر بالرجال ورسايل وحالتك حاله ..
استر واسمح ..
ترون الدنيا فانيه والطيب فيه اللي اطيب منه ..
وكثرة الهرج ماهيب زينه ..
لا احد يعم او يسب او يشتم ، كل قبيله وفيها حقها .. فيها الصالح وفيها الفاسد ..
بصراحه ومن غير زعل يا اخواني ..
انا لا شفت موضوع زي كذا انغث واحس انها سالفة مراهقين ..
اعذروني بس ، فمااَن الله ..

[أبو ناصررر]

نكتفي بكلام اخوي جناح السعد.. ونتمنى اغلاق الموضوع
سبحان الله وبحمده عدد خلقه ورضا نفسه وزنة عرشه ..
لاحول ولا قوة الا بالله ..

[القطافي]

ارجو من الأخوه المشرفين أغلاق الموضوع ،بعض الردود تجوزت الحدود

[(هزاع)]

مساكم الله بالخير
نعم صار الكلام يا اخ عواض والسموحه منك قدام الربع ولك الحشيمه وانا اخوك
والله يعلم بنيتي لكن نصيب والرزق عند رب العالمين
وهل قطر أهل كرم وعز وإخوانكم لراعي الهدد


السلام عليكم ورحمة الله وبركاته

كلكم خير وبركه وهذا يدل على معدنكم الطيب

نشكر كل من تداخل بالكلام الطيب ونعتذر عن بعض المداخلات التي تم حذفها

وكلنا اخوه اجتمعنا هنا لنفيد ونستفيد في هذا الصرح المبارك