النيسان ( الفتك .. Vtc ) .. (( وخطورته ))

[ابوظبي 987]

السلام عليكم ورحمه الله وبركاته




هل تعلم ان النيسان الفتك اذا فضت البطاريه لاتستطيع تشغيله بالسحب ؟


حدث هذا الامر لاحد الاصدقاء حيث قمنا بسحب السياره ولكن دون فائده وبعدها اتينا بوايرات الاشتراك وشبكنها مع سياره ثانيه واشتغلت وبعد فتره طفت السياره مره اخرى واتضح ان دينمو الجارج كانت عطلانه.

المشكله ان اصحاب النياسين اذا طلع البر لازم يأخذ معه بطاريه اضافيه تجنبا عن المشاكل لاسمح الله....:confused:

ومن لديه طريقه يعرضها لتعم الفائده ...

ملاحظه : النيسان موضوع المشكله ( غير عادي )

[المطرطع]

مشكور اخوي عود حي

على الموضوع الحلو

والله يجزاك خير على التنبيه

لان معي انا باترول فتك

والله يجزاك خير

[F34666]

والله كلامكم صحيح

[F34666]

والله كلامكم صحيح انصحكم ان تبيعون على احد سيارتكم انا جاد في الطلب

للمفاهمة اتصال على 0555544980

ملاحظة اي سيارة بنزين لا يمكن ان تشتغل اذا سحبتها وهي قير عادي اذا كانت البطارية فاضية من الكهرب
فقط سيارات الديزل عندها هذة الخاصية وشكرا

[ابن بدران]

وعليكم السلام ورحمة الله وبركاته

والله ما جربنا هالشي ياخوك يمكن السيارة فيها علة ثانية ؟؟!!

لكن على فرض ان البطارية انتهت والفتك ما يقبل اشتراك
مدام فيه سيارة ثانية تشرك لك .. انحلت المشكلة

فك بطاريتها وركبها للفتك واول ما يشتغل رجع البطارية لراعيها
والحمد لله

المشكلة لا فضت البطارية بخلى خالي وانت مغرز ولا حولك أحد ؟؟

[المرقاب]

أخواني أنصحكم بجهاز الشاحن الي يشحن البطاريه وحتى لو مافيه بطاريه على الأصابع على طول وفك نفسك من الأحراج وهو يجي أنواع فيه صيني وأمريكي على حد علمي وتلقاهن في محلات الرحلات وعدد السيارات.
بس مايمنع يكون معك أشتراك تخبر ما فيه شي أسمه مضمون 100 في 100 وسلامتكم

[ندمان]

اللي يبي يبيع الفتك حقه أنا شراي هههههههههههههههه :D

[zaizoom]

أخي (عود حي)

أنت تقول بالسحب مانفع !!

وتقول أنكم سويتوا اشتراك مع سيارة

واشتغلت بعدين طفت السياره مره اخرى واتضح ان

دينمو الجارج كانت عطلانه!!

إذن المشكلة في الدينمو وأنا أخوك وليس في الموتر نفسه !!

وهذا أنت جاوبت عليه بنفسك !!
.
.
أما البطارية إذا صارت تشحن بعدين تطفا

(مع التأكد من سلامة الدينمو بأنه شغال )

فالمشكلة في الخلايا الداخلية للبطارية ..

وعند إذن يجب تغييرها .. ولا فائدة من إبقاء القديمة ..

وشكرا لك ولحرصك على إخوانك

لاعدمناك يالغلا

[zaizoom]

:good: نسيت أقول إن كلام أخوي ( المرقاب ) 100% :good:

[هاوي الله]

حتى الفكسارات وبعض الجكسارت وأي سياره تويوتا يوجد فيها محول الحفز ذو الطرق الثلاث = لايمكن تشغيلها باالدف أو السحب &
أبشركم إن الهدد وارد اليحيى أو أي سياره تويوتا( قير عادي ) لايوجد فيه محول حفز = يمكن تشغيله باالدف أو السحب &
أروح مع الهدد وطييييييييييييييييييييي &&

[شمالي غير]

مشكلتك بسيطه

ممكن تسير لاي سياره و لاتظلم الفتك ...


عنوان الموضوع لك عليه شوي .... !!!!

[راعي الهـــدد]

أروح مع الهدد وطييييييييييييييييييييي &&



اخوي فتى البران

ارفق علينا

تراني والله على جريف

لاتخليني اهون من بيعة الهدد

يرحم والديك

عز الله انه موتر

[هاوي الله]

اخوي فتى البران


ارفق علينا

تراني والله على جريف

لاتخليني اهون من بيعة الهدد

يرحم والديك

عز الله انه موتر


يرحم والدينا ووالديك ياراعي الهدد
والله ماقلت ذالكلام مهوب عشاني أحب الهدد إلا والله من واقع تجربه أشهد بالله إنه موتر وبس يطربك منين مالقيت وجهك
أكثر الناس يحسبون إن عزمه مثل الجكسار زفت مايدرون وش السالفه مايدري بالفرق إلا اللي جرب الجكسار والهدد سلالالالالالالالام عليه مع إن الهدد أثقل من الجكسار بالوزن = أقصد السيارات اللي أنا جربتها

جعل ربك يرزقك ويغنيك عن بيعة الهدد

وبالتوفيق ,,

[aldrawy]

مساكم الله بالخير
اولا اذا فضة البطاريه فهي تقبل الاشتراك او ادفع ونتشه اما اذا هي منتهيه يعني محترقه فلابد منتغييرها واذا كان معك سياره ثانيه فشغلها ببطارية السياره الثانيه (يعني ركب البطاريه على السياره المتعطله ثم رجعها لسيارتها) وهذا شئ يحصل للسيارات كلها والله اعلم

[ندمان]

الحين أنت يوم تكتب هذا الموضوع قصدك تعيب الفتك ؟ الفتك موتر كامل والكامل وجهه سبحانه والفتك مالك عليه مدخل إنشاء الله وشكرآ

[ابوظبي 987]

وعليكم السلام ورحمة الله وبركاته




اخواني الاعضاء...

1 - المطرطع ... مشكور على المرور.
2 - F34666 ... مشكور على المرور.
3 - ابن بدران ... للعلم بعد مانشيل الاشتراك كانت تطفي وايضا كان السبب ان البطاريه مفضيه على الاخر بسبب انها كانت لاتجرج بسبب الدينمو العطلان.
4 - المرقاب ... فكره جيده .. لان الاحتياط واجب
5 - ندمان ... لكل انسان زله ... ولكل حصان كبوه
6 - Zaizoom .. المشكله تكمن في ان النسيان بعد ماتفضي البطاريه لايمكن تشغيله بالسحب عكس السيارات الاخرى وانا طرحت الموضوع لوضع او ايجاد طريقه لحل المشكله وليس ذما في الفتك ترا ماعليه كلام .
7 - فتى البران ... مشكور على المرور.. تحياتي لك و للهدد
8 - شمالي غير .. العنوان للحيطه والحذر ليس الا .. وليس مذمه

ملاحظه : اخواني الاعضاء والذين يملكون الفتك معلوم ان لكل سياره عيب مصنع وانا كتبت الموضوع لاخذ الحيطه فقط ..
مع العلم ان انجح سياره فورويل ( يعني للبر وخاصه الرباضه ) طلع الفتك وهذا كلام مجله استراليه وفرنسيه ذلك من ناحيه العزم وكذلك لان محور ارتكاز الوزن في الفتك هو الوسط مما يجعله قليل التثوليث (تشنجيل) عكس التيويوتا اي دقه ثولثت
معلومه وحبيت اخبركم عنها للفتك عشان لايزعلون الشباب تراكم تمونون علينا ..

واخيرا اكرر اسفي للي لحق في خاطره شي من الكلام عن الفتك



مع تحياتي لكم بالتوفيق

[ذيب صعفيق]

اي سيارة اتماتيك لاتشتغل بالدف او السحب وليس الفتك فقط للأحاطه _حتى ما يرخص الفتك على اهله_ علما ان بعض السيارات لابد من استبدال البطارية والا حدث خلل في بعض الاجهزة فأرججو من الاخوان مراجعة الكتلوج الخاص بالسيارة ودمتم سا لمين

[عابد]

الأخ في الله عود حي
السلام عليكم ورحمة الله وبركاته

أشكرك على الموضوع وعلى النصيحة التي تدل على حرصك على اخوانك وهذا من كريم أخلاقك وطيب أصلك بارك الله فيك .

اخواني الأفاضل
مشكلتنا أننا نهمل سياراتنا ونهمل صيانتها وإلا جميعنا يعلم أن البطارية لها تاريخ انتهاء أي أنه ليس شرطاً أن تشتري بطارية من أحد المحلات التجارية وتعيش معك طويلاً لأنها قد تكون منتهية الصلاحية .
لذا كان لزاماً علينا أن نتنبه لتاريخ الصنع وكذلك صيانتها إذا كانت عادية وتعبئتها بالماء المقطر إذا كان ناقصاً .

مع أطيب أمنياتي لكم بسيارات بدون أعطال :)
أخوكم في الله عابد

[ابوظبي 987]

وعليكم السلام ورحمه الله وبركاته





اخي .. حسن نوكيا ... مشكور على المرور وعلى المعلومه والنصيحه




اخي .. عابد ... العفو .. وهذا واجب علينا ان ننصح اخوانا .. ومره اخرى اشكرك

[abu rashid]

يعطيك العافيه اخوي عود حي


ومشكور لحرصك على تنبيه اخوانك في المنتدى

ولكني اختلف معك

لأن المشكله هذي حصلت معي لنيسان باترول 2002 قير عادي

كنت ماخذه مستخدم في سنة 2004

ورحت عليه للبر

وكانت عليه بطاريه الوكاله ما غيرتها

وشبكت عليها النور الاصفر ونسيت ادق سلف للسياره

الين فضت البطاريه

وقلصنا الموتر ونتعته ومشى زي الحلاوه

والبطاريه غيرتها بعد اسبوع



مثل ما قلت اخوي ان المشكله كانت عندكم من الدينمو

وهذي من نفس السياره يعني ما نعمم على باقي السيارات



وهذا ماعندي وانا مارديت الا للتوضيح وعلشان محد يشيل هم



ومشكووور مره اخرى اخي عود حي

وارجو منك المعذره على الاطاله,,

[لافي الخالدي]

السلام عليكم ورحمة الله وبركاته


بخصوص الموضوع الفتك ترى يا خوي الذيب النيسان طبعه وفي أكيد المشكلة من الدينمو لأزم تفحصه عند الكراجات او الوكالة وشكرا:good:

[MOON2009]

فيه بارك الله فيكم جهاز ممتاز جدا يســــــــمى Starter تجدونه عند سا سكو تقوم يشحنه كهربائيا في البيت لمدة 20 ساعة على الاقل
وعندما تخن بطاريك ( يعنى ما تشتغل اشبك ها الجهاز ويقوم بتشغيل سيارك )

[القناص]

ايه وين خوينا حاتم الله يذكره بالخير
حاتم خبير النياسين

[تــــوني]

دينمو وخرب ... والحمد لله ... يخوي تخرب في الديرة ...شلون عاد البران

بعدين لو كان قير عادي بعد نفس الطريقة ما راح يشتغل لانه مافيه كهرباء تتولد أساساً
والظفيرة تحتاج كهرب الديمنو بعد التشغيل أو يجلس ياكل في البطارية الين يخلصاه وبعدين
يطفى وينتهي موضوعه واشحن لا تشحن .. والحل شف لك احد يسحبك للديرة بس ولا تتعب نفسك وتقعد كل شوي
توقف وتشحن ...

بعدين راعين البران لازم يصير معهم بطارية ثانيه اضافيه ...



وبس

[م س ح]

يا أهل الفتكات لا تجدعونها مع طلعة القدية تراني أبيها

[هويدي]

ملاحظة اي سيارة بنزين لا يمكن ان تشتغل اذا سحبتها وهي قير عادي اذا كانت البطارية فاضية من الكهرب
فقط سيارات الديزل عندها هذة الخاصية وشكرا


من عمر الدنيا وحنا نسحب اوندف السيارات وتشتغل بالنتع



ويعطيك العافيه اخوي صاحب الموضوع على الطرح المميز

[bmw_07450]

تحياتي لك كاتب الموضوع عودحي
بس ياليتك تأكد من المشكلة قبل تعيب الفتك وتكتب الموضوع
لأن مشكلت الفتك الي عندك كانت في الدينمو(مولد الكهرباء)
كيف تبي تدف السياره وتشغلها والدينمو معطل؟؟
اي (سياره) يتعطل فيها الدينمو ماتشتغل بالدف.
وشكرا