تنصحوني بكفرات بالون ماكسس ابو جمل....

[مخاوي العشه]

بسم الله الرحمن الرحيم

السلام عليكم ورحمة الله وبركاته

كيف الحال يالربع

انا احتمال اغير كفرات موتري
وحصلت كفرات بالون ماكسس ابو جمل
مقاس 18
علما ان موتري فورد اف 150
ورافعه من جميع الجهات
واستخدامي له للبر والمدينه

وتروني ماعمري استخدمت كفرات البالون

[مخاوي العشه]

للرفع ..
؟؟؟؟؟؟؟

[امير المشاعر]

جربتها على جيب ربع
جداً جداً فاشله
الدعسه حقتها تتقطع معك على طول وراح تتفاجى في يوم من الايام وانت طالع الصباح من البيت ان الكفر نازل هواه كثير وذالك من رداءت صناعتها
افضل انك تاخذ سيام تاير لاكنها ثقيله شوي

[بوعيسئ]

البالون له ميزة وحدة بس ان لو نسمت على الكفر يعرض
يعني اذا انك دوم تروح البر انصحك بالاسيام واذا انك مب راعي بر انصحك لاتركب

[سقم المعادي 1]

البالون زين في البر اذا كنت ماتحب تهدي مع الردميات اللي فيها بطانيج لا ركبت بوالين ماتحس بالبطناج زي كفرات البلد و يتحمل الشوك و الحصى و كذلك بالديره من ناحيه حفر و عيون قطط و غيره لا تهمك لكن بالنفود ثقيل شويتين خصوصاً ان جنط 18 مع البالون يمكن تحس بالثقل لكن اذا موترك 6.2 ان شاء الله مايفرق معك

الماكسس انا ماجربته بس العالم يذمونه بالتنسيم لو تشوف لك غيره افضل , وانتبه ترا زلقه الموتر مايبي لها شيء بالبالون يبي لك تراعي هالشيء

[كاش مكشات]

البالون رجه للسياره ووقت الامطار بالازفلت لازم تنسمه وإلا ينزلق بك وشف وين توقفون وبسرعه ياكل نفسه اى ينمسح وغالى عند الباشر رقعته وفكه عشان انه كبير هذا غير التنسيم الصبح ،،،واتوقع يصلح فقط لراعى القنص اللى يمشي مع الحزم كانه بطريق سريع اذا شاف صيدته،،،، جربته مرتين!!!! وعندى خمس كفرات بالون كان تبى تجربه جنط ١٧ حجم ٩٠٠ وشكراً

[لاهنت يا قلبي]

ياجماعه كفرات البالون حلوة في الصحراء
افضل مقاس 8 كاندس تجي جنوبه قاسية ماهي لينه
ولكن مشكلتها في عمرها الاستهلاكي ضعيف جداً

انا ركبت منها طقمين الاول سنه اخذ معي لاني استهلكته في البر

والثاني 8 اشهر مابين البر والمدينه وهو عموما مايكمل سنه ابد ولكن انا اعتبرها ممتازة

افضل صناعه تايواني 8 كاندس جنط 16 ابتعد عن 6 كاندس لينه جنبه

[sgl2002]

والله اني مركب برجستون صحيح انه قاسي غير اطرقه مع الحزوم والحصى ماتشقق

[GMC89]

برجستن و دنلوب ماعليها خلاف من واقع تجربه

[سيد النشاما..]

الجيوب اللي تصلح لها البوالين وماتشيل همها لاصار فيه القير عادي
1- علشان مايقعد يرجع القير نمرة كل شوي مع مرتفعات الخط
2- ولأن دفرنسات الجيوب القير العادي تجي محشوره ولها راجع بالحنة على المكينة فالبوالين وجودها يعوض الحنة بزيادة ( 15 إلى 20) k/m

فإذا ركبتها على موترك ياصاحب الموضوع تراهي بتطلب منك ترصيص ارضي عند ميزان اليرموك أو غيره
والأكيد أنها الأفضل بالبر والمناطق الوعرة وكذلك بتمشيك بالخط وماعليها خطر إن شاء الله إذا راعيت سرعة السيارة بالخطوط الطويلة لأن الماكسس عليها حرف n وتقريبا تتحمل الحرارة إلى سرعة 140 وحولها
وبيطلع موترك رززة بالبوالين .

أممما من ناحية قير موترك يتحملها أو مايتحملها هذي مدري عنها الحقيقة

وبالتوفيق لك

[عابر الموج]

انحش عن البالون الي يجي فيه نقشة نخله والاخر ممتاز 8 كاندس اذا الجنط اصلي بالتوفيق

[ابن عكاش]

البالون الماكسس انا مركبها على موتري جيده ولا تنسم وتتحمل ولا يشقها العاذر والرمث والقشع عموماً
عيوبها الصبح اول ماتمشي يصير لها عرجه تروح بعد مايحتر الكفر
الرجه لاتزم ترصيص ارضي وتروح
إذا انت راعي مقانيص لابد منها
بالتوفيق يالغالي