تجهيز هايلكس دبل أرجو المساعده من الاخوان

[w9l]

السلام عليكم ورحمة الله وبركاته .عندي هايلكس دبل واشتكي من صغر حجم التانكي وصرفية البانزين.. فكرت اني أشيل الاستبنه من مكانها الأصلي وأغير تانكي البانزين بتانكي آخر سعته اكبر ولا ابي تفصيل تانكي .ابي مثلا تانكي سياره ثانيه يطب مكان التانكي الاول .. وأشوف تانكي البرادو الخليجي سعته جيده وكبير بس مدري يجي ولا مايجي ؟؟؟ وإذا في توانكي استراليه كبيره تجي طلبيه ياليت تفيدوننا .. والاستبنه ودي احطها بالحوض ولكن بطريقه آمنه وشرط الثبات . ولو بدون فتحات فالبدي يكون افضل . ولا نستغني من خدماتكم

[أبي عبدالله]

فيه سلمك الله توانك استراليه تجي طلبيه
اسمها long rang tank
سعته 144 لتر
وبعدين فرغ وانا اخوك الدبات حقات البيئه يخف موترك

[mnsor79]

خذ لك جراكل زياده وحطهم بالحوظ ما تاخذ عليك مساحه كبيرة ,, بالتوفيق ان شاء الله

[w9l]

كل الشكر للإخوان اللي مرو بالموضوع اللي رد واللي اكتفى بالمشاهدة ... اخوي ابي عبدالله جزاك الله خير ما قصرت بس يخوك مالي بالانقليزي وطلبات بالإنترنت . وانا ابي شي يركب بدون ترهيم ولحاااااام وزحمه.. عشان كذا ضحيت بمكان الاستبنه .. اذا في محلات موجوده عندنا بالخليج يجيبون هالاغراض . او احد قد جرب تانكي سياره ثاني يجي مكان تانكي الهايلكس ؟؟؟؟؟ ويكون اكبر منه . وهل تانكي البرادو يركب ولا فيه مشكله ؟؟؟؟ وما قصرت يا اخ منصور على مشاركتك بس الجراكل عبالتها واجد ابي شي ثابت بالموتر وشكرا

[الشولة]

السلام عليكم أخي الكريم
الصراحه أنا مالي خبره بتوانك البنزين لكن أرى أنه من الأفضل لك تمر إحدى الورش اللي يرهمون توانك إضافيه في الغالب بتلقى عندهم معلومات كافيه و أذكر كان فيه كذا ورشة يمدحونها الناس في شرق الرياض للتانكي البنزين.
أما الإستبنه أنصحك أنك تسويها زي حقت الشاص ترهمها في طرف الحوض بالقرب من الغمارة و فيه أحد الأخوان هنا في مكشات قد رهم للشاص حامل إستبنه بحيث إنه يشيل إستبنتين الصراحه كان شغله حلو و أعتقد تقدر تستفيد من فكرته وهي موجوده في هذا الرابط
http://www.mekshat.com/vb/showthread.php?t=25041
أتمنى أني قدرت أفيدك