تقطيع بالسياره والسبب البنزين 91 !!

[حبل الوريد]

بسم الله الرحمن الرحيم
السلام عليكم ورحمة الله

يا اخواني بكلمكم عن موضوع صاري لي وحليته بفضل الله ثم بفضل مشورة اخوي بدوي جنوبي
والي ما توقعتها ناهئياً

وكلامي " عن تجربه " وخلو عنكم الي يقول ما يفرق البنزين

السياره شاص

الموتر نظيف جداً مشاء الله ولا يشكي من حراره او نقص زيت او متهرقل

شارينه من سنه وما مثله مشاء الله لكن كنا نعبيه 91

ما نحركه الا بالاسبوع او الاسبوعين

وكان اذا ابطينا ما شغلناه اول ما ندق سلف يطوول واذا اشتغل ينتفض وينزل الار بي ام تحت

رقله ماهي طبيعيه بصراحه واستغربت ان الموتر يشهد له بالنظافه مشاء الله

ناس قالة غير صفايه وطرمباات توانك البنزين وبواجي واسلاك بواجي وكويلات

يعني شغله مطوله استشرت الغالي بدوي جنوبي مشرفنا الله يحرم وجهه عن النار

سئلني اول شيء وش ننوع البنزين قلت له 91 قالي غير 95 وشف الفرق وشلون بيغدي الموتر

غيرت البنزين ! والنتيجه !

مشاء الله ما ودك الا تسمعه في دقة سلفه مشاء الله

وولد عمي معه شاص ويشكي نفس الحال اشرت عليه بالبنزين وضبط موتره

علماً ان مواترنا واحد 2007 والثاني 2005 امهات مكينه راس

الجديد ابو راسين ما اعلم عنه بصراحه

الزبده وخلاصة الموضوع تشكي من نفضه او دقة سلف ما تريح او تفتفه غير البنزين ل 95 قبل مسلسل الخساير والتعبث بالموتر

[التعـ King ـديل]

معروف البنزين 95 يعتبر الافضل للسيارات وانا مااعبي الا 95 لسياراتي

الحمدلله انحلت مشكلتك ولا يهون اخوي بدوي جنوبي ويعطيه العافيه

[التعـ King ـديل]

المشكله أتوقع من حساس الاكسجين في القزوز اذا كان فيها الحساس مكربن و مغطيه الكربون يعطي اشاره للكمبيوتر ان نسبه الاكسجين في البنزين قليله و من هنا يبداء الكمبيوتر في إعطاء أوامر لباقي الحساسات للتحويل الى عمليه تسمى safe mode السياره تشتغل ولاكن ما تعطي كامل الأداء او بطريقه أخرى السياره توديك الى اقرب ورشه.
اذا حولت على بنزين 95 راح يقراء نسبه الاكسوجين بشكل افضل و ترجع الأمور الى وضعها الطبيعي ولاكن الأفضل فحص حساس الاكسجين و التأكد من الكربون اذا كان مليان كربون الأفضل انك تغيره و سعره تقريبا بحدود 150 الى 300 ريال.


اخي كنق التعديل لك رساله على الخاص ارجو الرد عليها


يعطيك العافيه تم الرد عليها وعمل اللازم :good2:

[كم كيلو باقي]

بيض الله وجه مهندسنا القدير بدوي جنوبي

[بدوي جنوبي]

الحمد والفضل لله انحلت المشكله
بدون تغيير اى قطعه

لو ذهبت لاي ورشة
كان طلب منك قطع غيار اللى ذكرتها أعلاه
غير أجر اليد .

تكفى دعوتك بارك الله فيك والقارئين

[عاشق الددسن92]

طيب انا اعبي بنزين 91 من سنين على ددسن كربريتر وفيه ناس يقولون ان الاخضر ما فيه رصاص وهو الافضل للكربريتر

واذا نويت واحول وش افضل طريقة

[حبل الوريد]

الله لا يحجب ما دعيت لك يا مشرفنا

يا راعي نيسان اذا موترك ما يشكي خلها عليه
واذا بتغير ما تبي فعل سبب لاطرف تانكيك غير البنزين

[ناصح]

طيب انا اعبي بنزين 91 من سنين على ددسن كربريتر وفيه ناس يقولون ان الاخضر ما فيه رصاص وهو الافضل للكربريتر

واذا نويت واحول وش افضل طريقة


كل البنزين الحالي سواء 95 او 91

ليس فيه رصاص ...

[عاشق الددسن92]

الله لا يحجب ما دعيت لك يا مشرفنا

يا راعي نيسان اذا موترك ما يشكي خلها عليه
واذا بتغير ما تبي فعل سبب لاطرف تانكيك غير البنزين


اول خمس سنين ما شكى من شي وفي احد الايام كنت طالع البر وقت المطر فكان قدامي طين فسرعت عشان ما ينشب الموتر
فدخل طين في الموتر ومشيت شوي قعد يتفتف ومن بعدها اذا مشيت في النهار ما عليه واذا مشيت في الليل يتفتف لاكن اذا طفيت النور يزين وكلما رحت الورشه قال غير وغير فخسر 1000 ريال ولا زان وقعت سنه امشي في الليل بدون نور بالكشاف والمدينه بالفليشر وطيحني الله في تركيين غيرو الصفايه ونضفو ااكربريتر وزان لكن كل سنه ترجع التفتفه فاغير الصفايه وانضف الكربريتر ويزين ولا ادري هل هو من البنزين 91 او من الطين من قبل 3 سنوات

[عاشق الددسن92]

كل البنزين الحالي سواء 95 او 91

ليس فيه رصاص ...

الله يعطيك العافية على المعلومه اللي حولي يقولون ىان الخضر هو اللي ما فيه رصاص فشكرآ مرة اخرى على التوضيح

[ابن كديميس]

الله يعطيك العافيه على التنويه
والبنزين 95احلا ولا كان صار نفس 91
رخيص .وال91مع الوقت تاثيره يطلع لانه يترسب بالبخاخ والله العالم .

[((ابوملاك))]

انا معي ٢٠٠٤ واعبيه ٩١ ولاا فرقت ما شاء الله عزمه ممتاز

وقبله كان معي ١١ وما اعبيه الا ٩٥ بس غيرت مره بجرب على الاثنين ٩٥ ولا حسيت بفرق ورجعت ل ٩١

[عمرالتميمي]

تشكر اخوي على هالموضوع وانا لي تجربه نفس تجربك مع موترين شاص وفكسار وكلها كانت تقعطع وتكتم بعد ماجربه ال95 ارتحت وواحد من الشباب مع حوض نيسان فتك طلع عنده صوت بلوف من ال91 وجرب ال5 وراح االصوت

تقبل مروري