ماهي افضل كفرات من حيث القوه والجوده ؟ وش تنصحوني فيه يالنشاماااا

[ثــــايـر]

السلام عليكم ورحمة الله وبركاته

ارجوا من له خبره في الكفرات ان يفيدني عن أفضل أنواعها من حيث المميزات - القوه - المتانه - الجوده ..

ولكم مني كل محبه وتقدير ..

[سهيل511]

اخي ثاير يمدحون كفرات هنكوك

[طايع الله]

تبي نصحتي اذا كان عندك جيب وانت راعي بر ورحلات عليك يوكهاما لاني جربت ميشلان ولاتنفع ولافيها قوة وماخذة دعاية اكثر من الازم بس احرص على التاريخ الجديد واحسن شي اخذها من الوكيل المباشر

[سداااااح]

حدد نوع السياره
تبيها كفرات للخطوط او البران
او بتع كلوه
ليفيدك الاخون

[مدالنظر]

هلابك أخوي ثاير

لكن ماحددت نوع السياره
جيب و لا سيدان ولا هيلكس ولا ددسن ولا سوزو

للخط ولا للبران
للنفود ولا الوجم وللللللللللللللللللـــــــــــــ..........!!!

يختلف وانا أخوك
كل سياره أو صنف ولها مواصفاتها

والأنواع الجيده كثيييييييييييييييره

لكن أنا أتوقع تقصد الجيووووووووووب

ويمدحون ( الدنلوووووووب)
وللسفاري (بالون_شاهين)
واذا هو هايلكس (يوكوهاما خط)
أو مثل ما قال الأخ سهيل511 (هانكوك)
جيد وتلقى منه لأنواع السيارات والله يديم الرخص

[ثــــايـر]

لاهنتم .. لاهنتم .. لاهنتم ..على الفزعه والله انكم نشامااا ..

السياره المطلوب لهااا كفرات هي جيب نيسان باترول وابيهاااا للبران والخطوط لأني منين ماهبت تليته وكل ماضاق صدري تليته وكل ماطرتلي طواري تليته ...وسلامتكم ..

[الخادم]

اخوي ثائر

في منتدى مكشات صفحة السيارات ومن مواضيعها الكفرات
لو تكرمت تبحث هناك يمكن تلقى مرادك يالغالي

[ثــــايـر]

الخادم مشكور..

[بو خليفه]

أفضل كفر اليوم هانكون لأنه كوري أصلي

[أبو حـــمد]

عن سابق تجربة على باترول ..... "الدانلوب" أفضل شيء .... لكن أحرص على تاريخها و أهم شيء يكون قريب

[ثــــايـر]

ابو خليفه ..

ابوحمد ..

لاهنتم وجزاكم الله خير الجزااااااااااااء .. ابوحمد الدنلوب كم سنه يتحمل او كم امشي عليه ؟؟

[أبوالوليد]

الغالي ثاير ..

حياك الله ..
كفرات هنكوك لا يعلى عليها .. راائعة جدا ..
لدينا في العائلة سيارة باترول وشروكي جميعها هنكوك ..

ولها أكثر من سنتين والنقشة لا زات موجودة ..
علما أن السيارات يجيه حقه من البر والطرقي ..

أما الشروكي فلا تسأل عنه , دايم تطعيس ولا زالت الكفرات ممتازة ..


والله الموفق ..

[ثــــايـر]

ابو الوليد 2002 لاهنت يالغالي على المشاركه والنصيحه وتسلم ..

[sami200]

عليك بالهانكوك عزالله انهم يبيضن الوجه خصوصا بالرمال والصحراء وبهن عيب واحد بس هو انهن رخيصات

[شبح الصحراء]

عليك بالهانكوك عزالله انهم يبيضن الوجه خصوصا بالرمال والصحراء وبهن عيب واحد بس هو انهن رخيصات

يا ليت هالعيب منتشر في كل شي :D .

[شبح الصحراء]

أرشح هانكوك في فئة الجيوب هو رقم 1 عندي .

[الرهدن]

هانكوك ولاتأخذ إلا ضمان وكيل وليس محل00
وخذهن من الوكيل نفسه لأن التخزين سليم 00
وأيضآ على طول جديد عنده00


.

[ملاعب الريح]

عليك بالدنلوب صح إنه أقسى من غيره شوي لاكن تراه قوي مره ويصبر على كلش (شعبان وخطوط ونفود وحصا وحراره ..........)

تحياتي (ملاعب الريح)

[نعمان الفهمان]

ميشلان فرنسي

[الفهد11]

غير الدنلوب لاتدور بجميع انواعه
سواء عريض
سلق
بالون
كلها للجيوب وغير الجيوب اسأل مجرب من عرفت نفس وانا ماحط الا هي
وارجو اني افدتك اخوي.

[نيشان نجد/]

الدنلوب مامثلة

[20960]

السلام عليكم ورحمة الله وبركاته
أتشرف بالمشاركة مع إخواني ومن واقع خبرة "إستخدام طبعاً " هذي معلوماتي عن الكفرات :
1- الميشلان الفرنسي نسبة السلك فيه عالية جداً وغالباً يشكو مستخدمه من المطب .
2- البردجستون والفايرستون مشكلته إنه يجي منه ستوكات مضروبه وغالباً يشتريها أصحاب البناشر من وكالات السيارات كلها فترة يصعرر- يحبل ويضرب .
3- التويو ممتاز وعيبه الوحيد الصوت .
4- الهانكوك والفالكين كوريه حلوة لكنها كفرات لينة جداً لاتنفع الا للنفود أما بالشعبان فغالباً ما ينقطع الكفر من الجنب .
5- الدنلوب علمي بها قديم من عشر سنوات واذكر ان اصحاب الجيوب اذا طلعوها من الوكالة اول شي يسوونه في الغرابي تغيير الدنلوب الى أي نوع آخر بسبب سمعتها بالتحبيل والتصلخ .
6- الشاهين سوموتيمو والبالون أيا كانت شركته المصنعه ثقيل على الموتر وغالباً مانرى صوفة الدفرنس تهرب زيت بسبب ثقل الكفر البالون والشاهين كذلك فيه كثرة الاهتزاز أقصد كأن الكفرات معباه مويه مهوب هواء وعلى فكرة البالون الثمانية غاط اذا صار فيه 20-25 هواء لايعلى عليه في النفود حتى في الهكوس أو الرباظات يطلع نفسه بدون سحب بالتبريح الذاتي يمين ويسار واذا كان فيه هواء 40 فأعلى ممتاز في الحصى والاراضي الوعرة .ومن أفضل البالون يوكوهاما .
ولاننس نقطة مهمة الا وهي أن لكل مقاس من الكفرات نوع وطراز ناجح وليس بالضرورة أن جميع منتجات شركة معينة تكون جيدة.
وأنصحكم بالمارشال كورية رخيصة وليس بها سوى عيب واحد أن وكيلها ضعيف في التوريد فغالباً ماتنقطع من السوق .
وآسف على الاطالة

[الوافي عزام]

السلام عليكم ورحمة الله وبركاته

فيه نوع من الكفرات ما ذكرتوه واتوقع انه من افضل الأنواع اللي جربتها

وهي ( الفايرستون ) شريت جي اكس ار من الأمارات مستخدم وكفراته تعبانه بالحيل وقلت بأركب لي كفرات وشريت الفايرستون وركبتها

الكلام العام اللي مضى شهر 4 وجلست في السياره لمدة سنه بالتمام وبعت السياره وهي فيها

الصراحه انا راعي استهلاك واعجبتني جدا

وشكرا

[الجفن .]

انا انصحكم في الدنوب للي راعي بر فقط لا غير

[حـاتـم]

اخوي الغالي


كان موترك سلقه

كفرات شاهين سيموتومو 245\58

ممتازه

او كان موترك جنوط عريضه

كفرات دنلوب 275\70


مجربه وممتازه

وشكرا

أخوك / حاتم