استفسار و مشورة عن البطارية الجافه اوبتيما

[الخالدي..]

السلام عليكم اخواني

كنت ناوي اركب بطاريه اضافيه لكن فكرت وقلت بدل ما اركب بطاريه سائله وكل فتره اغير البطاريتين كلها قلت اركب الجافه مكان الاساسيه واستغني عن الاظافيه انتو وش رايكم وهل هي عمليه او ﻻ

وفيه ناس قالو ﻻبد انك تفرغها تماما بين فتره و الثانيه يعني كل شهر او كل شهرين عشان تعيش عمر اطول وبصراحه احترت

قلت مالي اﻻ طيور شلوى (اعضاء مكشات )هم الي بيعطوني المعلومات كامله و يشورون علي
علما بان استخدامي للمبات يعني بالكثير لمبتين و محول و الثلاجه

[قناص سدير 20]

حبيبنا .. فيه موضوع كامل و طويل من الشباب عن هالموضوع ..
تناقشوا فيه عنها و عن جودتها و فاعليتها ..×
بإمكانك تزوره من خلال هالرابط :
http://www.mekshat.com/vb/showthread.php?t=591855&highlight=%C8%D8%C7%D1%ED%C7%CA+%C3%E6%C8%CA%E3%C7


لكن عموما المعلومة اللي عندي تقول إن الحمراء تستخدم للتشغيل يعني تعطي جهد عالي عند التشغيل و الصفراء هي اللي للأشغال الإضافية مثل الثلاجة و الكهرب و الأمور هذي ..

يعني إذا أنت تبغاها بس لتشغيل الموتر خذ الحمراء ..×


وهذا رابط موضوع لوكيلها عندنا في المملكة .. تقدر تستفيد منه
http://www.mekshat.com/vb/showthread.php?t=620665


الله يكتب لك اللي فيه الخير يا غالي ..

[الخالدي..]

ﻻ هنت يا قناص سدير 20 ما قصرت وشاكر لك مرورك

[الشولة]

السلام عليكم أخي الكريم
الصراحة ما قصر أخونا قناص سدير 20 إجابته كافيه و وافيه لكن أنا عندي لك إقتراح من وجهة نظري قد يفيدك و تسويه وقد لا يناسبك و تتغاضى عنه.
أنا أقترح عليك إنك في الوقت الراهن تحتفظ ببطاريتك الأساسيه إذا كانت تعمل و لا تغيرها ولا تضيف بطاريه ثانيه لكن إشتر الجهاز اللي إنتشر في هذه الآونه حق شحن الجولات و اللاب توبات و شحن بطارية السيارة أنا أتكلم عن الجهاز الصغير اللي قيمته ٣٥٠ ريال تقريباً وفي دولة الإمارات الشقيقه في السوق الصيني تقريباً ١٧٠ درهم على ما وصلني و كثير من الأخوان هنا في مكشات يبيعونه و تخليه معك مشحون في سيارتك و تستخدم الإضافات الكهربائيه زي المبات و الثلاجه عليه مباشره أو بشوي ترهيم خصوصاً المبات أو أنك تستخدم بطارية السيارة و إذا طفت تعطيها إشتراك من هذا الجهاز و للمعلوميه واحد من الأصدقاء يستخدم هذا الجهاز بكثره في الآونه الأخيره لأن بطارية سيارته فاضيه و كل ما بغى يشغل إستخدم هذا الجهاز و الصراحة جهاز فعال، و فيه واحد من الأصدقاء أيضاً أشترى واحد وقال له اللي باعه أنه يشغل لمبات الليد لمدة خمس ساعات متواصله.
على العموم إذا رغبت في هذا الجهاز إحرص على أن يكون الأمبير حقه عالي و أعتقد الحين وصلوا فوق ٢٠ألف أمبير.
للمعلومة أنا لا أسوق لهذا الجهاز ولا لي فيه لا ناقة و لا جمل لكي لا يعتقد البعض أني أسوق لبضاعة تخصني.

[مجالس الرجال]

البطارية الجافة به ميزة ممتازة وقاله لي وكيله ببريدة
البطارية تظل وقت طويل الجهد ثابت على الحد الطبيعي والسليم اللي هو 12.5 تقريبا
ثم تبدا بالنزول
اما العادية تبدا بالنزول من بداية الاستخدام
الامر الآخر سبق ومرت علي مواتر صعب تركب بطارية اضافية او اكون ناوي بيع
استخدم لمبة ليد اربعة وات وثلاجة الطمرة 35 لتر ومافيه اي مشاكل
وبوقت الصيد بس شرط ان البطارية مامضى على استعماله 6 اشهر واكثر

[محنك]

شريتها ب 1200 من وكيلها بيرللي طريق خريص . وتعطلت بعد سنه بالضبط .....

[الشيخ الظريف]

لا تقتنع بدعاية الوكيل فالتجربه اكبر برهان والمجربين لها يفيدونك ان شاء الله

[الخالدي..]

ﻻهنتوا يالربع كفيتوا و وفيتوا

وبعد المشاورات بنكمل ع بطاريتنا ونظيف بطاريه ماء