استفسار نتعة قير الاكسبلورر ياهل الخبرة لاهنتوا 2007

[ابومشاري 555]

السلام عليكم احبتي سيارتي اكسبلورر 2007 ثمانية سلندر قبل اربعة ايام كنت واقف عند باب الادارة ويوم جيت اريوس وانا ضاغط الفرامل حسيت الموتر يفز ورا كم مره وبعدها صار عادي ولاولعت اي لمبه وصار طبيعي واليوم الموتر طبيعي رجعت من الدوام ويوم طلعت العصر وشغلت السيارة الا لمبت المفك ولمبة مانع الانزلاق شغاله ويوم عشقت الريوس الاطقه مشيت على السيارة للورشة وطفيتها ورحت للفلبيني اعلمه المشكلة شغلت السيارة الا عادية التغيرات ولافيه لمبه مولعه رحت لي مشوار طبيعي زي ماني خابره وش اللي حصل اللي عنده علم بالله يخبرني وفقه الله دنيا واخره علما ان زيت القير والفلتر والوجه مغيره قبل شهرين ويوم غيرته كان احمر عادي ولم الاحظ عليه شي

[اصيل نجد]

انتبه للقير ياخوي مافيه العن من قيره والله انا معي واحد 2004 سته سلندر والله ياهو بهذلني اول بداياته نتعه تروح فتره وترجع بدون اي لنبات ماولع شي بس بعد فتره صار ينتع حتي بالدى وجلس فتره ورحت للورشه الكمبيوتر وسو فحص قال القير يبي توضيب ظاق صدري يبي يكلف حوالي 3500 ريال وقال المهندس انت استعمله لين يوقف الموتر وبعدين وضبه لاانه صار الثالث مايعشق علطول يلقم الرابع جلست على هالحال 3 شهور وعقبها قال هاذا محلي ونقلته بصطحه ووضبته عند الهندي والحمد لله سالك له سنه مقال شي

[سحايب صيف]

ان شاء الله امورك طيبه

لكن اذا تكررت مره ثانيه

وانت تقول ان زيت القير عندك مغيره باستمرار وتمام

حوال تشيك على حساس مخ القير

روح عند محل قيور ممتاز وقوله اتوقع اول شي بيقولك عليه اللي هو حساس مخ القير

[msawan123]

غيّر حساس القير

[ابومشاري 555]

شاكر ومقدر ردكم واهتمامكم ويسر الله اموركم باذن الله بروح يوم السبت للصناعية القديمة واشيك على حساس القير وان شاء الله هواين

[kalashnikov]

اخواني حصلت عندي نفس المشكله في موديل 2008
نتع علي في الخط نتعه قويه وولعت لمبة المفك ومعاها لمبه ثانيه
الهم صار مايعشق الا بعد مايوصل الظغط فوق ال 4 وثقيله السياره
رحت للمهندس وقال لي لازم توضيب ويقول التوضيب يكلف تقريبا 6500 ريال

مدري وش راي الخبراء وعلى راسهم الاخ اصيل حجازي

ولكم الشكر

[2008اكسبلور]

حصلت معي المشكله وانا ارجعريوس فيه نتعه وكمان تسمع طقه من الغيار الثالث الى الرابع رحت لورشه وصلحو فحص بالكمبيوتر واسم الورشه ريو ستار او اتو ستار قالو الله يعوض عليك لازم تعويض ما اقتعنت بكلامهم ومريت على 3 ورش كلهم قالو حساسات القير والحمدالله غيرت حساسات اللقير من الوكاله 1200 وشغل يد 500 ريال والحمدالله الامور زينه

[أبوسامي2014]

ياجماعة الخير راجعو الموضوع هذا ففيه ما يغني عن كثير من التساؤلات


http://www.mekshat.com/vb/showthread.php?t=221402

[EMADS]

راجع موضوعي

http://mekshat.com/vb/showthread.php?p=9968037#post9968037

[KHALID009500]

اذا كنت من سكان الرياض أعرف لك ورشة ممتازة كان عندي طقه بالقير و غير لي حساس القير (السولنيد )
حصلت لي مشكلة وصرت اوسوس منها و طقه ال R صارت قوية لدرجة اني اضغط الفرامل للآخر و اذا رحت لورش ولا شي قالوا توضيب و ضاق صدري -_- ... المهم بحثت و رحت وجيت لقيت واحد غير عند ورشه هاذي القطعة و ضبط موتره قلت نروح لم نفس الورشة و نجرب يوم رحت له اول ما ركب الموتر و ساقه بدون قال هذا حساس القير و قيمته 950 + غيار زيت و فلتر 300 .. قلت له توكل على الله و غيرها يوم طلع موتري تغير 180 ما شاء الله

[قلب الكرز]

انا اليوم سألت الوكاله الحساسات تجي مع بعض مستحيل تاخذ حساس لوحده لأن 8 سلندر يختلف عن 6 وقيمة الحساسات 9000 ريال والله انا بعد قرفت من النتعه اللي عندي ماتجي الا لما اوقف عند مطب او اشاره تجي النتعه

[تركي1]

الله يعينكم منكم نستفيد

[الجبيلاوي1010]

صباح الخير ياشباب

بعد اذن صاحب الموضوع كتبت هنا لان مايسمح لي اكتب موضوع جديد

اولا انا عندي اكسبلور 2010 خليجي شاريه نظيف من الكويت وله حدود السنه

المهم ان قيره من قبل 3 شهور ينتع ويطق خليته شهر ونص وبعد كذا صار المشكله اللي هو ان القير ماصار يعشق لا ثاني ولا ثالث وديته ال ورشه فالكويت ووقتها انا كنت فالكويت وقالو لي توضيب طبعا غلطتي اني وضبت لا استفسرت ولا سالت المهم ضبطوه وبعد كمن يوم رجع ينتع من الاول للثاني ومن اثاني للثالث
ورحت لهم وقالو لي ابدا القير مافيه شي وسووله اعادة برمجه وضبط ورجعت للسعوديه بحكم اني قريب من الكويت المهم امس علق القير ماصار يعشق رابع ومن الاول للثاني يطول على مايعشق الثاني

طبعا سالت وقالولي حساس القير لازم تغيره .. مع العلم امس يوم علق القير ولعت لمبة الضبط وعلامة المكينه ....

اسالكم يا اخواني وش الحل هل هو حساس القير او شي ثاني

الموتر حليووو وعاجبني وعملي بس مشكلته هالقير ؟؟؟؟

ارجو افااادتي تكفون ..

[gyn]

0552879535
ادعو لي انشاء قروب لهذه المشكله
لدي ماونتنير 2008 تم توضيب القير مرتين
..

[ابوشعيل97]

اذا كنت من سكان الرياض أعرف لك ورشة ممتازة كان عندي طقه بالقير و غير لي حساس القير (السولنيد )
حصلت لي مشكلة وصرت اوسوس منها و طقه ال R صارت قوية لدرجة اني اضغط الفرامل للآخر و اذا رحت لورش ولا شي قالوا توضيب و ضاق صدري -_- ... المهم بحثت و رحت وجيت لقيت واحد غير عند ورشه هاذي القطعة و ضبط موتره قلت نروح لم نفس الورشة و نجرب يوم رحت له اول ما ركب الموتر و ساقه بدون قال هذا حساس القير و قيمته 950 + غيار زيت و فلتر 300 .. قلت له توكل على الله و غيرها يوم طلع موتري تغير 180 ما شاء الله
حياك الله وين مكان الورشه بالضبط