قير سيارتك عادي ولا اوتو ؟ انطباعك + أهم المشاكل اللي واجهتك ...

[سقم المعادي 1]

السلام عليكم ورحمه الله وبركاته


.
..
.

اخواني المكشاتيين الكرام

ياليت تعطينا نوع القير في سيارتك المكشاتيه ( قير عادي - قير تماتيك - تبترونك )

و نوع السيارة و موديلها ..

و تعطينا انطباعك عنه وملاحظاتك في المكاشيت و في الديره و في الجبال والعقبات وغيرها ( العزم - الراحه - الحرارة الزائده ... إلخ )

و الاعطال اللي واجهتك ( كلتشات - تروس - نحاسات ... إلخ )

و كل كم تغير زيت القير للعادي و التماتيك ..

و هل انت مرتاح او تتمنى انك اخذت عكس اختيارك ؟

و سبب اختيارك للقير الاوتو او العادي و لماذا فضلته عن الأخر ؟






* أتمنى من المشرف الكريم أن يضع استفتاء مشكوراً

[إبريلي]

موتري اف جي ٢٠٠٨ تماتيك وسبب اختياري لتماتيك عدم توفر قير عادي وقت ال ٢٠٠٨ القير التماتيك مريح وسريع الاستجابه ومريح بالبر وبالمدينه ويبيله عنايه بتغيير الزيت والفلتر وسلبياته الي هي تكلفة تغيير الزيت والفلترعكس القير العادي وايضا ماتقدر تسحب سياره اخرى ولاتقدر تنتع الموتر اذا فضت البطاريه بالبر او تهز الموتر بالتغريز القير العادي الاف جي افضله عن التماتيك ولكن مايجي فل كامل بعد مانزل بمديل ٢٠١١ وفوق والان موتري ماشي فوق ال٢٠٠ الف وكنت مواضب على تغيير الزبت والفلتر حق القير ولا اشتكيت من شي ولله الحمد

[إبريلي]

موتري اف جي 2008 تماتيك وسبب اختياري لتماتيك عدم توفر قير عادي وقت ال 2008 القير التماتيك مريح وسريع الاستجابه ومريح بالبر وبالمدينه ويبيله عنايه بتغيير الزيت والفلتر وسلبياته الي هي تكلفة تغيير الزيت والفلترعكس القير العادي وايضا ماتقدر تسحب سياره اخرى ولاتقدر تنتع الموتر اذا فضت البطاريه بالبر او تهز الموتر بالتغريز القير العادي الاف جي افضله عن التماتيك ولكن مايجي فل كامل بعد مانزل بمديل 2011 وفوق والان موتري ماشي فوق ال200 الف وكنت مواضب على تغيير الزبت والفلتر حق القير ولا اشتكيت من شي ولله الحمد

[إبريلي]

آسف على التكرار

[إبريلي]

التغيير كان كل ٣٠ الف

[بدوي جنوبي]

الخيارات اللى تبيها في الاستفتاء
اكتبها ،،، واضيفها لك

[سقم المعادي 1]

الخيارات اللى تبيها في الاستفتاء
اكتبها ،،، واضيفها لك

- قير اوتوماتيك
- قير عادي
- قير تبترونيك

بارك الله فيك :)

[سقم المعادي 1]

موتري اف جي ٢٠٠٨ تماتيك وسبب اختياري لتماتيك عدم توفر قير عادي وقت ال ٢٠٠٨ القير التماتيك مريح وسريع الاستجابه ومريح بالبر وبالمدينه ويبيله عنايه بتغيير الزيت والفلتر وسلبياته الي هي تكلفة تغيير الزيت والفلترعكس القير العادي وايضا ماتقدر تسحب سياره اخرى ولاتقدر تنتع الموتر اذا فضت البطاريه بالبر او تهز الموتر بالتغريز القير العادي الاف جي افضله عن التماتيك ولكن مايجي فل كامل بعد مانزل بمديل ٢٠١١ وفوق والان موتري ماشي فوق ال٢٠٠ الف وكنت مواضب على تغيير الزبت والفلتر حق القير ولا اشتكيت من شي ولله الحمد

ماشاء الله ,, الله يعطيك خيره و يكفيك شره .. اهم شيء المواضبه على تغيير الزيت و القير بيعيش ان شاء الله بدون اعطال :good2:

حسب ماقريت عن الاف جي ان القير عادي يجي دفع رباعي مستمر

والاوتو دفع خلفي

شيء غريب صراحه اذا العادي مايجي فل كامل لكن يجي رباعي مستمر :)

[sgl2002]

باترول قير عادي ٩٨


ماشي ٤٥٠ الف مافتحت عيار الزيت حق القير الا مره وحده وزيته من شد بلاده ماغيرته


انطباعي متعب بالزحمات
ممتاز بالبر وتتحكم على كيفك
طلعت فيه صوت ونه بسيطه من قريب ومطنشها واتوقع بسبب الكرف والمده الطويله اللي عاشها
مايتأثر بالحراره ولايفصل ولا له دخل بالكمبيوتر

انطباعي ان اي سياره مخصصه للبر مايصلح لها الا عايدي


اطول عمر من القير التماتيك والحمد لله من المصنع ماقد نزل الارض

[سقم المعادي 1]

باترول قير عادي ٩٨


ماشي ٤٥٠ الف مافتحت عيار الزيت حق القير الا مره وحده وزيته من شد بلاده ماغيرته


انطباعي متعب بالزحمات
ممتاز بالبر وتتحكم على كيفك
طلعت فيه صوت ونه بسيطه من قريب ومطنشها واتوقع بسبب الكرف والمده الطويله اللي عاشها
مايتأثر بالحراره ولايفصل ولا له دخل بالكمبيوتر

انطباعي ان اي سياره مخصصه للبر مايصلح لها الا عايدي


اطول عمر من القير التماتيك والحمد لله من المصنع ماقد نزل الارض


ماشاء الله معروف قير الباترول العادي من اقوى و اصبر القيور العادي حتى المرهمات بقيور باترول بلد و كوارين بلد :)

وصحيح كلامك بالبر ولا هو اي بر النفود خاصه تتمنى ان معك قير عادي بس لا مسكت خريص 7 الصبح متجه غرب تتمنى مهب قير تماتيك بس تتمنى سيارة تماتيك توديك و تجيبك خطرر يجيك التواء بالكاحل من كثر ماتدعس وتفرمل :D:D

[سقم المعادي 1]

بالنسبه لي نوع السيارة لاندكروزر 99 جي اكس آر قير تماتيك

انطباعي عنه مريح جداً و تماتيك الكروزر صبور صراحه اذا واضبت على تغيير زيته لكن الـ6 سلندر تماتيك يضيع العزم و تلاحظ هالشيء بالنفود و بالتجاوز في الخطوط لازم تدوس كامل الدعسه عشان يتجاوب معك يعني متعب في التجاوز بالخطوط سيد واحد اضطر اني اشغل O\D يصير الموتر خفيف و يتجاوب اسرع مع الدعسه

اما بالنسبه للاعطال الحمد لله ماواجهت اعطال توني شاري الموتر مستعمل ممشاه اللحين 330 الف و على كلام راعيه القير ما انفك بلد

و الزيت ان شاء الله على كل 40 الف بغيره اول ماشريت الموتر غيرت زيته و الفلتر لكن معلومه ماكنت ادري عنها ان الفلتر حقه حديد يكفي بنزين لتنظيفه مايحتاج تشري جديد



و هل انت مرتاح او تتمنى انك اخذت عكس اختيارك ؟الحمد لله مرتاح معه بالديره وفي المكاشيت بالارض السهله لكن بالنفود زوين مهب شين لكن لازم تشد على الموتر و الموتر بيطلع احسن ممشى اذا غيرت الكفرات البلد العريضه إلى هلل و شاهين في النفود يخف الموتر بشكل كبير عن تجربه لكن الأكيد ان الكروزر 6 سلندر بالعادي شيخ في النفود عكس التماتيك يبي له تشد عليه في اماكن من نظره تحس انه مايحتاج تزر على الموتر



و سبب اختيارك للقير الاوتو او العادي و لماذا فضلته عن الأخر ؟


مكاشيتي بالموسم بس مالي في الصيد ولا عندي حلال ولا غيره و الرياض متعبه بالتماتيك فما بالك بالعادي خصوصاً اني ماتعودت على العادي زين لأن أول موتر تعلمت عليه كابرس 84 تماتيك فلذلك من بديت اسوق وانا على التماتيك :)

[كومبو]

السلام عليكم ورحمه الله وبركاته


.
..
.

اخواني المكشاتيين الكرام

ياليت تعطينا نوع القير في سيارتك المكشاتيه ( قير عادي - قير تماتيك - تبترونك )

و نوع السيارة و موديلها ..

و تعطينا انطباعك عنه وملاحظاتك في المكاشيت و في الديره و في الجبال والعقبات وغيرها ( العزم - الراحه - الحرارة الزائده ... إلخ )

و الاعطال اللي واجهتك ( كلتشات - تروس - نحاسات ... إلخ )

و كل كم تغير زيت القير للعادي و التماتيك ..

و هل انت مرتاح او تتمنى انك اخذت عكس اختيارك ؟

و سبب اختيارك للقير الاوتو او العادي و لماذا فضلته عن الأخر ؟






* أتمنى من المشرف الكريم أن يضع استفتاء مشكوراً



مواتر المكاشيت اللي عندنا ,,

قير تماتيك
gx460 لكزس 2010
سيكويا 2010
إكسيبديشن 2013
جيب ديهاتسو 2010

سبب إختيار ما يحتاج قير عادي لأن سواقتي معتدلة ولا أحتاج للسحب والسيارات ثمان سلندر يعني قوية
أغير زيت القير والفلتر أول مرة عند 80.000 كلم وبعدها كل 40.000 كلم

الديهاتسو عشان أخواني الصغار
غيرت الزيت وبعدها صار فيه طقة بالريوس وفحصت صار فيه مشكلة بالترس الريوس وغيرت القير وخفت المشكلة

قير عادي
فورتشنر 4 سلنر دبل 2010
هايلوكس دفرنسين 2013

اختياري للقير العادي عشان 4 سلندر
أغير زيت القير كل 40.000 كلم

جميع اختياري كان مناسب إلا الديهاتسو

[التعـ King ـديل]

مواتري

باترول من 88 الى 2013 كلها قير عادي بصراحه ماشفت فيها اي مشكله بالعكس مريحه ورياضيه ولا تتعطل بسهوله والحمدلله ماواجهت مشاكل فيها

باثفيندر 2005 موتر اعتبره سياره صغيره لانه صغير بالحجم والقير رياضي واموره حلوة ولا عانيت منه ابدا

برادو 2004 قير تماتيك هذا الموتر اعتبره تحفه من تحف تويوتا مريح بشكل رغم انه 4 سلندر ودفع رباعي الا اني وصلت عليه جميع دول الخليج والاردن وسوريا ولبنان موتر سلس جدا ولا عانيت مشكله معه

فكسار 2007 قير لكزس 5 تغيرات سياره حلوة وتغيراتها حلوة والحمدلله ماعانيت مشاكل فيها

هدد 2004 - 2005 - 2013 قير عادي كلهم مواتر جباره ولكن ثقيله في التغيير تحس انه تريله ماعدا ال 2013 سلس ورياضي والحمدلله ماعانيت من مشاكل

[سقم المعادي 1]

مواتر المكاشيت اللي عندنا ,,

قير تماتيك
gx460 لكزس 2010
سيكويا 2010
إكسيبديشن 2013
جيب ديهاتسو 2010

سبب إختيار ما يحتاج قير عادي لأن سواقتي معتدلة ولا أحتاج للسحب والسيارات ثمان سلندر يعني قوية
أغير زيت القير والفلتر أول مرة عند 80.000 كلم وبعدها كل 40.000 كلم

الديهاتسو عشان أخواني الصغار
غيرت الزيت وبعدها صار فيه طقة بالريوس وفحصت صار فيه مشكلة بالترس الريوس وغيرت القير وخفت المشكلة

قير عادي
فورتشنر 4 سلنر دبل 2010
هايلوكس دفرنسين 2013

اختياري للقير العادي عشان 4 سلندر
أغير زيت القير كل 40.000 كلم

جميع اختياري كان مناسب إلا الديهاتسو

ماشاء الله تبارك الرحمن الله يزيدكم من فضله

اللي شدني اللكزس gx460 كنت اتوقع مافيه احد معه هالموتر للامانه ,,,

في الرياض على كثر دوجاني ماشفت الا اثنين و واحد منهم لوحاته كويتيه :D

على انه بطل خصوصاً ارتفاعه مناسب جداً لبيئتنا لكن ما انتشر

اختيارات موفقه و اتفق معك في مسأله الـ8 سلندر مايحتاج قير عادي ابد واللي ياخذ اي سيارة 8 سلندر قير عادي يتعب نفسه على الفاضي :D

[سقم المعادي 1]

مواتري

باترول من 88 الى 2013 كلها قير عادي بصراحه ماشفت فيها اي مشكله بالعكس مريحه ورياضيه ولا تتعطل بسهوله والحمدلله ماواجهت مشاكل فيها

باثفيندر 2005 موتر اعتبره سياره صغيره لانه صغير بالحجم والقير رياضي واموره حلوة ولا عانيت منه ابدا

برادو 2004 قير تماتيك هذا الموتر اعتبره تحفه من تحف تويوتا مريح بشكل رغم انه 4 سلندر ودفع رباعي الا اني وصلت عليه جميع دول الخليج والاردن وسوريا ولبنان موتر سلس جدا ولا عانيت مشكله معه

فكسار 2007 قير لكزس 5 تغيرات سياره حلوة وتغيراتها حلوة والحمدلله ماعانيت مشاكل فيها

هدد 2004 - 2005 - 2013 قير عادي كلهم مواتر جباره ولكن ثقيله في التغيير تحس انه تريله ماعدا ال 2013 سلس ورياضي والحمدلله ماعانيت من مشاكل




ماشاء الله

عاد غريبه برادو و 4 سلندر و تماتيك و اعجبك , بالعادة الاربعه سلندر تماتيك بالسيدان يالله تشيل نفسها فما بالك بجيب

شكلك راكد لذلك مافرقت معك , او انك شايب :D:D:D

[ابوعبدالله199]

اف جي 2012
قير عادي
السيلره في مرحله التمرين والحين ماشيه 3000
ودخلت بها الطعوس مافيه اطرب منه بس كنت محجر الكفرات وغرز ويوم جيت اطلعه ضغطت عالكلتش شوي ودخن علي وطلعت ريحته
عيب هالسياره هو الكلتش

وتغييرات القير سيئه بسببه

والسياره على انها دفع رباعي بس انها تنطل تنطيل جامد
واتوقع نسبه الدفع 70 للخلفي و 30 للامامي

[نجدي حجازي]

السلام عليكم ورحمه الله وبركاته


.
..
.

اخواني المكشاتيين الكرام

ياليت تعطينا نوع القير في سيارتك المكشاتيه ( قير عادي - قير تماتيك - تبترونك )

و نوع السيارة و موديلها ..

و تعطينا انطباعك عنه وملاحظاتك في المكاشيت و في الديره و في الجبال والعقبات وغيرها ( العزم - الراحه - الحرارة الزائده ... إلخ )

و الاعطال اللي واجهتك ( كلتشات - تروس - نحاسات ... إلخ )

و كل كم تغير زيت القير للعادي و التماتيك ..

و هل انت مرتاح او تتمنى انك اخذت عكس اختيارك ؟

و سبب اختيارك للقير الاوتو او العادي و لماذا فضلته عن الأخر ؟






* أتمنى من المشرف الكريم أن يضع استفتاء مشكوراً


وعليكم السلام ورحمة الله وبركاته

سيارة المهام الخاصة والمكشاتية الي عندي فورد F-150
2008

طبعا تماتيك
ولله الحمد الموتر ماشي معي وما لاحظت عليه شي واستخدامي له وسط وغالب استخدامي له هو تحميل وسحب لكن اطلع عليه واكشت به في شعبان ونفود كل اسبوعين ثلاثه والموتر للأمانه مريحني لكن تبقى مشكلة التماتيك في انك لازم تحشرة عشان ما يغيّر وقت ما تحتاج للعزم

وهذي اسويها بطريقتين
اما اتنقل بالقير مابين 1 و 2 وD حسب الحاجة وقت المشي
أو أضغط على O\D DRIVE

وغالباً تجيب نتيجة مرضية
لكن بعض الاخوان نصحوني اني اوقف هالعادة لأنها ممكن تسبب ضرر للقير

لكن لحد الان الامور ماشية ولله الحمد

انا اسحب عليه سيارات معدلة ودبابات لمسافة 150 كيلو احيانا وراضي ولله الحمد

بالنسبة لتغيير الزيت فأنا اتبع تعليمات الكتلوج الي يقول "60 ألف كيلو"
ومن شريته غيرته مره وحده فقط


مشكور على الموضوع

[سقم المعادي 1]

اف جي 2012
قير عادي
السيلره في مرحله التمرين والحين ماشيه 3000
ودخلت بها الطعوس مافيه اطرب منه بس كنت محجر الكفرات وغرز ويوم جيت اطلعه ضغطت عالكلتش شوي ودخن علي وطلعت ريحته
عيب هالسياره هو الكلتش

وتغييرات القير سيئه بسببه

والسياره على انها دفع رباعي بس انها تنطل تنطيل جامد
واتوقع نسبه الدفع 70 للخلفي و 30 للامامي

ماشاء الله الأف جي قير عادي فيه نشاط مهب صاحي خاصه بعد ماتفصل الرباعي

كشتنا عليه بنفود جبه ياهو طرب بالنفود ,, موديله 2011 اول موديل سعودي نزل قير عادي لدرجه ان راعيه ماظلل عشان يوري الناس القير وعند الاشارة يمرجح الموتر بالكلتش :D:D

راعيه غير الكلتش بنوع رياضي شاريه من محل 4500 بالربوة لكن سعره لزخه

[سقم المعادي 1]

وعليكم السلام ورحمة الله وبركاته

سيارة المهام الخاصة والمكشاتية الي عندي فورد F-150
2008

طبعا تماتيك
ولله الحمد الموتر ماشي معي وما لاحظت عليه شي واستخدامي له وسط وغالب استخدامي له هو تحميل وسحب لكن اطلع عليه واكشت به في شعبان ونفود كل اسبوعين ثلاثه والموتر للأمانه مريحني لكن تبقى مشكلة التماتيك في انك لازم تحشرة عشان ما يغيّر وقت ما تحتاج للعزم

وهذي اسويها بطريقتين
اما اتنقل بالقير مابين 1 و 2 وD حسب الحاجة وقت المشي
أو أضغط على O\D DRIVE

وغالباً تجيب نتيجة مرضية
لكن بعض الاخوان نصحوني اني اوقف هالعادة لأنها ممكن تسبب ضرر للقير

لكن لحد الان الامور ماشية ولله الحمد

انا اسحب عليه سيارات معدلة ودبابات لمسافة 150 كيلو احيانا وراضي ولله الحمد

بالنسبة لتغيير الزيت فأنا اتبع تعليمات الكتلوج الي يقول "60 ألف كيلو"
ومن شريته غيرته مره وحده فقط


مشكور على الموضوع

ماشاء الله ,, الله يطعمك خيره ويكفيك شره

عني انا مجرب حركه الـ1 و 2 في اغلب السيارات اللي جت معي و الحمد لله ماواجهت اي مشاكل بالعكس ما تم وضع الـ 1 و 2 بالقير الا عشان تستعملها

لكن فيه عيب في قيور الفورد مدري هو موجود بالـF-150 ولا لا

اذكر شريت فورد 2004 فكتوريا كانت جديدة يوم اشتريها ماتعدت 40 الف
القير فيها اذا نزلته على 2 تبدأ قومه السيارة من 2 !
عكس السيارات اليابانيه اللي جربتها اذا حطيت قيرها على 2 وانت واقف يقوم الموتر بواحد و يعشق الثاني بس مايتعدى النمره الثانيه .. يعني لا حطيته 2 يصير مفتوح عند الاول والثاني بالفورد لا الثاني فقط

مدري اذا هي موجودة عندك هذي ؟ لأنها عيب كبير على سيارة سيدان فما بالك بموتر دفع رباعي


حياك الله و ننتظر تجارب باقي الاخوان

[التعـ King ـديل]

ماشاء الله

عاد غريبه برادو و 4 سلندر و تماتيك و اعجبك , بالعادة الاربعه سلندر تماتيك بالسيدان يالله تشيل نفسها فما بالك بجيب

شكلك راكد لذلك مافرقت معك , او انك شايب :D:D:D


بالعكس ماشاء الله تبارك الله يسدح طبلونه بالخط رغم انه محمل 7 اشخاص بعفشهم :good2:


لاحظ قلت لك تحفه من تحف تويوتا مااظن يتكرر لعلمك اخف نفس من الهدد

[نجدي حجازي]

ماشاء الله ,, الله يطعمك خيره ويكفيك شره

عني انا مجرب حركه الـ1 و 2 في اغلب السيارات اللي جت معي و الحمد لله ماواجهت اي مشاكل بالعكس ما تم وضع الـ 1 و 2 بالقير الا عشان تستعملها

لكن فيه عيب في قيور الفورد مدري هو موجود بالـF-150 ولا لا

اذكر شريت فورد 2004 فكتوريا كانت جديدة يوم اشتريها ماتعدت 40 الف
القير فيها اذا نزلته على 2 تبدأ قومه السيارة من 2 !
عكس السيارات اليابانيه اللي جربتها اذا حطيت قيرها على 2 وانت واقف يقوم الموتر بواحد و يعشق الثاني بس مايتعدى النمره الثانيه .. يعني لا حطيته 2 يصير مفتوح عند الاول والثاني بالفورد لا الثاني فقط

مدري اذا هي موجودة عندك هذي ؟ لأنها عيب كبير على سيارة سيدان فما بالك بموتر دفع رباعي


حياك الله و ننتظر تجارب باقي الاخوان

نعم
قير موتري هو نفسه قير الفيكتوريا والماركيز (أبو اربع نمر :D)

ولا احتاجها الا في التحميل والسحب في طلعة أو طريق مرتفع عشان العزم ما يطيح