المساعد الشخصي الرقمي

مشاهدة النسخة كاملة : ياهل الـ vtc وش رايكم بالقير التماتيك على السفاري


شاص
10/11/2006, 02:18 PM
السلام عليكم .. معروض علي سفاري 2004 سفاري نظيف .. ماشي 80000.. اللون رمادي .. وحاده بـ 78 ..
ترددت لأن قيره تماتيك .. فياليت الشباب اللي جربوه يفيدونا عنه ..
هل ينصحون به خاصة بالنفود ؟؟
وهل هو عملي ؟؟
وبعدين وش طريقة نظام القير التماتيك العايدي ؟ هل هو مثل شغل القير العايدي فعلاً ؟
وش رايكم بالسعر ؟؟

جزيتم خيراً ..
سعد10
10/11/2006, 10:48 PM
اذا كان نظيف..... البدي والمحركات توكل على الله ....... وصراحه ماشفت فرق بين التماتيك والعايدي المشترك.. اما من ناحية التطعيس مافييييييييييييييييييه كلام ....
بن ذيب
10/11/2006, 11:26 PM
اخوي شاص
اذا كان نظيف توكل علي اللة ,, انا عندي 2003 ونفس اللون
وقنصت السعودية طول وعرض النفود والحجره والشعبان مافية
مثلة والحمد للة .
ولكن القيرالعادي فية مو مثل القير العادي فقط ولكن انت ماتحتاج العادي اصلا
لانة التماتيك قوي اصلا,,,,,,
تــــوني
11/11/2006, 05:49 AM
ترى التماتيك ولد رجال وما هوب عيب على المواتر وخوصاً الامريكي والياباني ونيسان بعد وش خليت ما شاء الله تبارك الله



ياخوي خذه وأنت حاط في بطنك جح السر والا جح الوادي ..

تراها تفرك الارض فرك ومامثلها في الرمل والطردي والمقناص

وعليه فزة كنها فزة نشمي يقوم كله جميع تقول كنه يرفع من ركعة ...
بواسامه
11/11/2006, 06:00 AM
وعليه فزة كنها فزة نشمي يقوم كله جميع تقول كنه يرفع من ركعة :D

خوش وصف
عز الله انك شريت موتر اذا عزمت عليه
تــــوني
11/11/2006, 06:35 AM
وأحب اضيف لك شغلة يا شاص ألا وهي ...
قدام عيني ومحد قالي عند نفد القصمان في الثمامة ..
راعي شيروكي اززززززززعج اهلنا ومسوي لنا الي بيحرث الارض حرث وصوته يسمعه الي في العمارية

جاه راعي الفتك وقف جنبه وواحد ... اثنين .... ثلاثه ....
انطلقوا ....




تنتظر النتيجة ...










انزل بعد ...







بتعبك ...







تدري وش صار ...





تعداه الفتك تقول مواجهه وجه لوجه على الأسفلت ....؟
شاص
11/11/2006, 04:00 PM
الإخوة الكرام ..
سعد 10
بن ذيب
توني
بو أسامة

شكراً لكم على ردودكم وتفاعلكم ..

طيب وش رايكم بالسعر ؟؟


صراحه ماشفت فرق بين التماتيك والعايدي المشترك.. اما من ناحية التطعيس مافييييييييييييييييييه كلام ....

الفرق لصالح مين ؟؟
الفهد11
11/11/2006, 06:28 PM
مسيك بالخير اخوي شاص
بالنسبه للباترول موتر موتر ماعليه كلام ابد
اما بالنسبه لسؤالك عن التماتيك زين بالحيل لاكن العادي ازين منه
معروض علي قبل شهر اكثر من اربع قير تماتيك مابغيتهن موب عشان شي بس العادي عندي ازين واقوى
واخر شي وبعد جهد جهيد لقيت قير عادي وشريته والحمد لله ماهنا اروع منه
وانا اقول لاتفوت هذا لان 4800vtc قليل جدا مايوجد يدور دوره
اما سعره ممتاز انا شريت موتري 2004 ماشي 88000 لون لؤلؤي
اخذته ب75الف
وسامحني على الاطاله والفلسفه الزايده
وارجو اني افدتك.
شاص
12/11/2006, 03:36 PM
مشكور أخوي الفهد ما قصرت .. الله يطعمك من خيره ويكفيك شره لكن هل هو Safari أو Sglv
الفردوس
12/11/2006, 03:48 PM
انا معي 2004 سفاري تماتيك عز الله انه رجل ماتوقعت ان السفاري كذا
اذا هو سفاري او سوبر سفاري والبدي مضمون ماجاه سمكرة فتوكل على الله
asraar
12/11/2006, 08:16 PM
أنا والله باقولك شو الفرق بين التماتيك والعادي أخوي الشاص ,,, العادي للرمل ماله مثيل بس على الخطوط القير الخامس يحكر يطلب النمره السادسه على شان ترتاح المكينه أما التماتيك أريح على الشارع ومريح المكينة بس بالرمل نسبة 40 بالمية عن العادي ,, وسعره عندنا بالامارات ما يوصل 70 ألف لأنه سفاري ومش سوبر سفاري والفرق واضح بينهن ,,, والله يوفق الجميع ...
عاشق البسمه
12/11/2006, 10:07 PM
يابعدي يالشاص إذا مالك نظر بالموتر ياليتك تحوله علي لأني أدور موتر0504137178

تحياتي
عاشق البسمه
12/11/2006, 10:11 PM
يابعدي يالشاص اذا مالك نظر بالموتر ليتك تحوله علي لأني ادور مثله0504137178

تحياتي
الفهد11
13/11/2006, 12:35 AM
السلام عليكم اخوي شاص
بالنسبه لموتري Sglv
وارجع واقولك لايفوتك تراوه موتر وسعره زين بالحيل.
راعي الهـــدد
13/11/2006, 12:44 AM
السلام عليكم اخوي شاص
بالنسبه لموتري Sglv
وارجع واقولك لايفوتك تراوه موتر وسعره زين بالحيل.


أخوي الفهد وجميع الأخوه

يبدو لي ان عندك خبره بالباترول

سؤال موجه لك ولجميع الأخوه

هل يجي ربع باترول سفاري او غيره وهو فتك يعني 4800

ارجو الرد لأني باشري هالأيام

يعني الربع وش يجي منه المواصفات للمكينه الدفع


الله لايحرمكم الأجر
ندمان
14/11/2006, 12:49 AM
الربع مايجي 4800VTC ابدا لاتتعب لا سلقه ولا الفل