ضروري تغيير واجهة هايلوكس 88 الى 2005

[اخو شيمه]

السلام عليكم ورحمة الله

ياشباب هل اقدر اغير واجهة الهلي 88 الى 2005
وش المتطلبات رفارف يسار ويمين وشبك وانوار قدام و ورا
هل تركب او لا

السؤال الثاني الحوض حق هلي 88 صغير مايشابه 2005 ولا انا متوهم

يعني هل اقدر اخليها زي 2002 وما فوق او مافي امل
اللي عندهه خبره لا يبخل علينا
والله يجزانا وإياكم خير

[اخو شيمه]

افيدوناااااا

[ابن عكاش]

اتوقع صعبه لأن الغمارة تختلف يعني لو طبق الصندوق والرفارف والكبوت ماراح تطبق مع الغمارة
ومن وجهة نظري الهلي 88 شكلها روعه سو لها ترميم وبتطل ولا احلى
بالتوفيق يالغالي

[m3ax]

أجمل هايلكس قد نزلت السوق هي موديل 88

والله حرام عليك من جد انك تشوهها بواجهة 2005 حتى لو كانت تركب بدون اي مشاكل

سو لها ترميم كامل وجدد موترك وتراه عز الهلي

[حبل الوريد]

ال٨٨ ورده وشوله تغيرها
لكن لو بغيت يليلك قفش كامل ما يجي نهائي من ٩٨ الى ٢٠٠١ تقدر سهله بس القدام لا

[ali-]

98 الى 2001 وش يحتاج اغير

[اخو شيمه]

بيض الله وجهكم الصراحه اقنعتوني
اجدد الموتر افضل
جزاكم الله خير

[كاشت وحداني]

بيض الله وجهكم الصراحه اقنعتوني
اجدد الموتر افضل
جزاكم الله خير


وهو الافضل
وغير كذا
بتبلش مع الفحص
وان بغيت تبيع وهو معدل هالتعديل بتطيح قيمته


iPhone بإستخدام Tapatalk

[اخو شيمه]

98 الى 2001 وش يحتاج اغير

هلا اخوي تقدر
خويي موتره 99 غير واجهه خلها 2004
تحتاج انوار قدام
وانا اظن بدون تغيير رفرف لانها تشبه لها
يكلفك تقريبا تقريباً 700 ريال
بس لو تتأكد افضل

[اخو شيمه]

وهو الافضل
وغير كذا
بتبلش مع الفحص
وان بغيت تبيع وهو معدل هالتعديل بتطيح قيمته


iPhone بإستخدام Tapatalk

صحيح كلامكك الله يجزاك خير

[الجوكر حسن]

وعليكم السلام ورحمة الله وبركاته

اول شي يعطيك خيررره ويكفيك شرره

لا تغيرها ولا شي هذي احسن شكل لقديم ماشاء الله ويمكن ممنوع لانك تغير شكل السياره



الله يوفقك

[مسير عليكم]

ال88 تحفه من تحف تويوتا اشتغل عليها صح ونصبه وطبق له مكينه بخاخ وتدعي لي

اما لو تبي تقلب موتر ل2005 لازم يكون مديله 98 الي 2001 والي تحتاجه وجهيه كامله رفارف داخليه خارجيه كبوت جسر شمعات وشبك وصدامات وبتكلف مبلغ جامد ماينحقر لانك بتقص وجهيه كامله

[أطلال نجد]

1988 أفضل هايلكس شكل وقوة و كل شيء ولا يتقارن حتى ب 2005 إذا كان نظيف

[سقم المعادي 1]

جددها بويه و خطوط الـ88 احلى خط
و جدد الداخليه كانها مقطعه
و عليك بمكينه 2700 بخاخ حقت 2005 و تحت تراها رخيصه
و اشتغل على البطن شف وش يحتاج

وخلاص موترك يطلع 100% و احلى مافيه قطعه رخيصه ولو تبي تدخل به نفود بيض وجهك وهو بدون دبل