من طرائف السفر في حياتي

[العودالازرق]

بسم الله الرحمن الرحيم

السلام عليكم ورحمة الله وبركاته :-
اسعد الله صباكم / مساكم
من طرائف السفر في حياتي:-

في عام 1413هـ كنت عائد من مكة المكرمة إلى الرياض وعند كبري السيل الكبير وجدت شاب يأشر قلت خلني اخذه معاي يسليني في الطريق ركب معي حتى السلام ما سلم ... اشرلي طوالي .. قلت طوالي قلت في نفسي يالله يسليني ويمكن أنه يبغى قريب المهم المكان اللي يبغاه تقاطع البديعه بجنب صيدلية السقاف في الرياض .الشاب اطرم وطول الطريق اسولف معاه بالإشارة وصلت الرياض حسيتا ني نسيت الكلام وجنوبي متكسره .

الحادثة الثانية عام 1429هـ كنت مسافر من الرياض لجده وكان موعد الرحلة 6.45 صباحا ذهب قبل الموعد صليت الفجر وبعد محاولة الانصراف اكتشفت أن أحد الركاب اخذ واحده من حذائي – اكرمكم الله – وترك لي واحده من حذائه وش السوات لبستها وجلست بعيد عن الناس وانا في خجل المشكله فيها اختلاف واجد في اللون والشكل حسافه على الكشخة وما تمنيت يكون ثوبي طويل مثل ذاك اليوم .


الحادثة الثالثة ايضاً في نفس المطار جلس بجنبي رجل أقشر اشوفه من تعامله مع ابنته الصغيرة احضر لها وجبه فطور واحنا في صالة المغادرة وأجلسها وراح يجيب امها اللي كانت تصلي البنت تحركت وكبت العصير وجاء والدها وهو يهاوشها قلت هذا الرجال هو الكبه سحب الكرسي ... ابوها نظر لي لكن ما دريت وش اسوي رحت جبت عصير لها واعطيتها ... وقلت لا تبليني . ورانا سفر .

لما الحادثة الاخيرة فهي في قلبت الراس وهي تحدث لكثير من الناي تحس ان الجهات متساويه عندك وتلقى نفسك تدور في نفس المكان ودائم ما تحدث معي في مكه تلقناني الف لفه وارجع لنفس المكان ماادري وش يسموها في علم النفس مره كنت ابغى جيزان وانا في ابها ما ردني إلا مخرج نجران وارجع ونفس الحكايه اخرتها نزلت من السيارة وخليت واحد يسوق

في انتظار ما عندكم

[قوافي ( أم نهار )]

عليكم السلام ورحمة الله وبركاته

اما الاوله هذي لحاله حكايه

بعض المواقف والذكريات مضحكه واحيانن محرجه واحيانن مرور الكرام وعفا الله عما سلف..

اشكرك اخي الفاضل وننتظر تفاعل الاخوان

تحياتي وتقديري واحترامي

..قوافي..

[ذيب الفقارة]

وعليكم السلام ورحمة الله وبركاته

مواقف حقيقة مضحكة

شكرا أخي الغالي

العود الأزرق

تحياتي

[ربوشي]

السلام عليكم انا كنت طالع من القصيم ومتجه للرياض ووقفت عند محطة الرياض السريع وفيه واحد ملتحي وقال وصلني المجمعه قلت طيب وقلت له بصلي قال خلها بعدين قلت لا وصليت وقلت له وش تبي من البقاله قال ابي عصير ليمون وسنكرس وجبت له وطول الطريق يلعن التريلات والشاحنات وسواليف ونزلته في المجمعه واسال واحد قالي احمد ربك الرجال مريض نفسي زين ماذبحك ولله الحمد وصلت للرياض وحلفت مااركب احد

[مطر وسم]

مره وانا في سن المراهقه كان عمري 19 سنه تقريباً وصاني الوالد الله يطول بعمره اجيب للغنم حقاته تيس فحل من القصيم قلت له ابشر مشيت من الرياض وصلت القصيم واخذت التيس الفحل ورجعت بنفس اليوم بنص الطريق جاني النوم وقفت على جال الخط ونمت لي ساعتين صحيت ودقيت سلف ماردني الى بيتنا بالرياض المهم واصوت لاهلي افتحو البايكه افتحو البايكه بسرعه دخلت السياره بنزل التيس واطالع في حوض الددسن ماحصلته :D:D:D:D الى الحين اسئل نفسي وين راح التيس مدري :D:D:D:D:D

اضن يوم شافني نايم طب وانحاش

[وليد الغربة]

ماشاء الله ما قصرتم اتحفتمونا

ربنا لا يحرمنا من سوالفكم

[ربوشي]

اما سالفة التيس لازم تدوره معقوله ماانتبهت له

[مريقب العيفار]

السلام عليكم انا كنت طالع من القصيم ومتجه للرياض ووقفت عند محطة الرياض السريع وفيه واحد ملتحي وقال وصلني المجمعه قلت طيب وقلت له بصلي قال خلها بعدين قلت لا وصليت وقلت له وش تبي من البقاله قال ابي عصير ليمون وسنكرس وجبت له وطول الطريق يلعن التريلات والشاحنات وسواليف ونزلته في المجمعه واسال واحد قالي احمد ربك الرجال مريض نفسي زين ماذبحك ولله الحمد وصلت للرياض وحلفت مااركب احد

سبق ان صار لي نفس السالفة

لكن الطريق كان بالعكس كنت متجه للقصيم

ما صدقت انه ينزل

[مطر وسم]

اما سالفة التيس لازم تدوره معقوله ماانتبهت له

اللددسن عليها شبك حديد نص بما يسمى (هنقل)ومشرعه اقصد شراع والله ماجبت خبره علمي فيه يوم نركبه ونربطه بالحبل شكله انفك الرباط عاد مدري هو طاح بالخط وانا امشي او وانا واقف

وقت المراهقه والله حنا مفهين مره ماندري وش يصير حولنا اهم شي اركب السياره وادعس اخر الطبلون كي ام

تحياتي لك

[عابر الموج]

الله يسعدكم جميعا من المواقف الطريفة كنت مسافر من تيماء الى حائل طبعا لوحدي شاهدت شاب على الطريق استوقفني قال وصلني معك ابي القصيم قلت حدي حائل قال مافيه مشكله انزل بحائل المهم اثنا الطريق معه منشفه بداخلها شي لادري ايش هو دخل وقت صلاة العصر وقفت قال ليش وقفت قلت نبي نصلي العصر قال عادي تجمعها مع المغرب واصل هههههههههههههههه المهم صليت وهوجالس بالسيار ة فك المنشفة قال تفضل الا وهي قارورة عرق الله لايبلانا بما ابتلى فيه قلت هاتها حذفتها من شباك السيارة واقرب محطة انزله فيها قال تكفى وصلني قلت اوصلك لاقرب مركز امني تركته واي واحد معه منشفه انحاش ولاعاد التفت له ههههههههههههههههههه بالتوفيق للجميع

[الربذي]

انا ممكن اوقف ﻻي شخص اﻻ السعودي خصوصا داخل المدينة يااخي صراحه القاهم ماهم طبيعيين وسوالفهم تجيب لك الصداع وبعضهم ماهو طبيعي كنت ماتعدى احد ياشر اﻻ اركبه لقيت احساس جميل توصل احد معروف بس كل سعودي ياشر القاه غير طبيعي صراحه صرت مااوقف عنده وبعد 8سنين شفته ياشر ذاك السعودي وعلينا برررد شماليه تقص العظم وطلع نشبه ماصدقت ينزل استل الله ان يشافى كل مبتلى ومريض ماادري شارب شي وﻻ مريض بس الغريب يقول انه بالحرس الوطني

[الربذي]

اسال الله ان يشفيه

[العودالازرق]

شكراَ لمرركم والمشاركة .. مره ركبت شايب من الرياض للمزاجمية .. كان منقطع من البنزين .. بعد ما ركب معي قال ياولدي تعرف من الاعمى قلت : العميان واجد قال لا يولدي الاعمى اعمى القلب اشوف البنزين فاضي واقول قدم حتى وقفت السياره .والحين شوف هذا التعب اللي أنا فيه الآن . وكلها تهون وانت لحالك لكن اذا صار معاك عائله ابلش

[العودالازرق]

شهركم مبارك .. احد الاخوة يقص علي قصه طريفه يقول خرجنا جهت شبك القوات الخاصه شكتة عوائل ومعنا تيس من تيوس الجنوب يالله مسكناه في حوش راعيه المهم نزلنا عفشنا وجلسنا نبغى ننزل التيس وما امدان نفكه من الحبل حتل طار من بين يدينا قلنا خلنا نحده على الشبك حتى لا يهرب لكن كان فيه مسافة بين الارض والشبك استغلها ودخل منها وتعال دوره
ابتلشنا ندخل ولا لا هذي منطقة عسكرية قال واحد من العيال انا ابغى ادخل عليه واحده عليكم ما امدانا نفكر الا وهو طاير زياده داخل الارض العسكرية سلمنا امرنا لله وقلنا نروح للبوابة حق الامن الخاص يمكن يسمحون لنا .. لكن للاسف رفض الحارس وقال هذي يبغالها اجراءات الخ ... قلبناها دجاج والشيخ قاعد يرعى في ارض محمية

[faisal 506]

مواقف جميله
صارلي موقف عجيب ومضحك في سفر
كنت موقف لصلاه الفجر في محطه على طريق القصيم
المهم صليت ويوم طلعت من المسجد ابي افتح سيارتي ماتفتح
ياولد يمين يسار مافيه فايده وضاق صدري حقيقه
شوي جاني واحد من بقاله المحطه ويزاعقلي ويضحك مدري وش يقول
يوم قرب قالي ذا موتري وانا زيك غلطت نفس الغلطه وموترك شفه ورى
قعدت اضحك على نفسي حول خمس دقايق المواتر مابينها شي يذكر قريبه من بعض
بس مدري وشلون مانتبهت لموتري خخخخ

[abo ruba]

الموقف اللي صار لي
مسافر برمضان بالليل مودي المدام لاهلها مريت ديره اسمها مليجه ولقيت مسجد حلو قلت ابي اتوضا ونزلت وخليت جوالي بالسياره وادخل دورة المياه اكرمكم الله اثري باب الحديد سكر علي المزلاج عيا يفتح لان تصميه غريب حاطيينه بين الصاجتين وفيه صدا ولك . المهم احاول احاول يتصبصب عرقي وبالليل وخلو مامن احد الوكاد بغيت اطمر بس نفضته هكنفضه الا انفتح افييه ماطلعت وانا اعرف الناس هههههه

[ابوعلي400]

وعليكم السلام ورحمة الله وبركاته

مواقف حقيقة مضحكة

شكرا أخي الغالي

العود الأزرق

تحياتي
رد مع اقتباس

[ابوفوز]

كثيرة المواقف

مثل موقف واحد من الشباب مدير بنك وطلع من تبوك الى الرياض وحضر

اجتماع ورجع تبوك في نفس اليوم وركب السيارة وطلع من تبوك الى محافظة ضباء 190 كيلو تقريبا

وهو على النقطة الخارجية وجد شخص يأشر له واخذه معه وقال له تبي تسوق تريحني قال له ابشر

المهم خوينا ركب جنب السواق ونام لين ما وصل الى نقطة محافظة ضباء



ووقف السواق المجهول عند النقطة و صاحبنا صحي والا العسكري يقول له انت صاحي تارك ها المجنون يسوق فيك

ليه هو وش فيه الرجال طبيعي

قال له العسكري هذا مجنون وعنده حالات صرع بس ربنا ستر عليك

[.ابومالك]

السلام عليكم ورحمة الله وبركاتة

هذا ياشياب الله يسلمكم من مبطي 30 سنه او اكثر كان معي ددسن غماره مكيف 0
اتفقت مع واحد من الجيران نروح ناخذ عمره بالددسن علشانه مكيف وكان الجو حار جدا

المهم اخذنا عمره وحنا راجعين بين عفيف والبجادية بعد الظهر لقيت اثنين ومعهم كفر قالوا خذنا للمحطه اللي قدام ركبو بالحوض ومشينا وبعد فتره وصلنا للمحطه وكان رفيقي يسولف بـ ابوناصر جارنا 0

طقو الصندوق وجنبت للمحطة ونزلو حطيت الددسن بواحد ومشيت وناضرت بالمرايه والا هم
ياشرون وفتحت القزازه واشرت لهم بايدي وكملت الطريق ظنيتهم يقولون شكرا 0

وصلنا الديره بالليل ونزلنا ونمت ورحت للدوام وبعدين رحت اشتري جح ( حبحب )من السوق
جيت احط الجح بالحوض ولا هذا عين ابوصبيح كفر الجماعة والله يوم ضاق صدري وش السواه
راعين الكفر ايش سوو0

وضيق صدري هاك اليوم ومن بكرى ما داومت ضايق صدري

ويلهمن الرحمن سبحانه تقول نزل علي وحي اني اسال فلان صديقي ملتزم وادور رقم تلفونه وازهم عليه ما لقيته وازهم اكثر من مره واوصي الحرمه اللي ترد ابيه ضروري حيات او موت
والله ويتصل علي هو واقوله السالفة وان المسافه فوق 500 كيلوا وممكن ما القاهم

قال بسيطه بع الكفر وزيد المبلغ وتصدق به عنهم وانت ما عليك شىء لانك ما قصدت تضرهم
والله وارتاح ولله الحمد

[turkiq]

السلام عليكم ورحمة الله وبركاتة

هذا ياشياب الله يسلمكم من مبطي 30 سنه او اكثر كان معي ددسن غماره مكيف 0
اتفقت مع واحد من الجيران نروح ناخذ عمره بالددسن علشانه مكيف وكان الجو حار جدا

المهم اخذنا عمره وحنا راجعين بين عفيف والبجادية بعد الظهر لقيت اثنين ومعهم كفر قالوا خذنا للمحطه اللي قدام ركبو بالحوض ومشينا وبعد فتره وصلنا للمحطه وكان رفيقي يسولف بـ ابوناصر جارنا 0

طقو الصندوق وجنبت للمحطة ونزلو حطيت الددسن بواحد ومشيت وناضرت بالمرايه والا هم
ياشرون وفتحت القزازه واشرت لهم بايدي وكملت الطريق ظنيتهم يقولون شكرا 0

وصلنا الديره بالليل ونزلنا ونمت ورحت للدوام وبعدين رحت اشتري جح ( حبحب )من السوق
جيت احط الجح بالحوض ولا هذا عين ابوصبيح كفر الجماعة والله يوم ضاق صدري وش السواه
راعين الكفر ايش سوو0

وضيق صدري هاك اليوم ومن بكرى ما داومت ضايق صدري

ويلهمن الرحمن سبحانه تقول نزل علي وحي اني اسال فلان صديقي ملتزم وادور رقم تلفونه وازهم عليه ما لقيته وازهم اكثر من مره واوصي الحرمه اللي ترد ابيه ضروري حيات او موت
والله ويتصل علي هو واقوله السالفة وان المسافه فوق 500 كيلوا وممكن ما القاهم

قال بسيطه بع الكفر وزيد المبلغ وتصدق به عنهم وانت ما عليك شىء لانك ما قصدت تضرهم
والله وارتاح ولله الحمد



عز الله موقف يعور في القلب

[برق العتيبي]

السلام عليكم انا كنت طالع من القصيم ومتجه للرياض ووقفت عند محطة الرياض السريع وفيه واحد ملتحي وقال وصلني المجمعه قلت طيب وقلت له بصلي قال خلها بعدين قلت لا وصليت وقلت له وش تبي من البقاله قال ابي عصير ليمون وسنكرس وجبت له وطول الطريق يلعن التريلات والشاحنات وسواليف ونزلته في المجمعه واسال واحد قالي احمد ربك الرجال مريض نفسي زين ماذبحك ولله الحمد وصلت للرياض وحلفت مااركب احد


اي والله احمد ربك ماذبحك ههههههههه

[برق العتيبي]

كثيرة المواقف

مثل موقف واحد من الشباب مدير بنك وطلع من تبوك الى الرياض وحضر

اجتماع ورجع تبوك في نفس اليوم وركب السيارة وطلع من تبوك الى محافظة ضباء 190 كيلو تقريبا

وهو على النقطة الخارجية وجد شخص يأشر له واخذه معه وقال له تبي تسوق تريحني قال له ابشر

المهم خوينا ركب جنب السواق ونام لين ما وصل الى نقطة محافظة ضباء



ووقف السواق المجهول عند النقطة و صاحبنا صحي والا العسكري يقول له انت صاحي تارك ها المجنون يسوق فيك

ليه هو وش فيه الرجال طبيعي

قال له العسكري هذا مجنون وعنده حالات صرع بس ربنا ستر عليك

ياسبحان الله اللي ستر عليك الحمدلله

[برق العتيبي]

مره وانا في سن المراهقه كان عمري 19 سنه تقريباً وصاني الوالد الله يطول بعمره اجيب للغنم حقاته تيس فحل من القصيم قلت له ابشر مشيت من الرياض وصلت القصيم واخذت التيس الفحل ورجعت بنفس اليوم بنص الطريق جاني النوم وقفت على جال الخط ونمت لي ساعتين صحيت ودقيت سلف ماردني الى بيتنا بالرياض المهم واصوت لاهلي افتحو البايكه افتحو البايكه بسرعه دخلت السياره بنزل التيس واطالع في حوض الددسن ماحصلته :D:D:D:D الى الحين اسئل نفسي وين راح التيس مدري :D:D:D:D:D

اضن يوم شافني نايم طب وانحاش



هههههههههههههههههه الفرصه جته مره وحده واستغلها

[برق العتيبي]

الموضوع جميل تسلم ع طرحه اخوي