بخصوص مبرد القير للسييرا [الأرشيف]

GMC 111

26/02/2014, 04:17 AM

السلام عليكم ورحمة الله وبركاته

حياكم الله اخواني

حبيت استفسر عن مبرد القير تركيبه واضراره وتكلفته سمعت عنه كثير وعن فوائده لاكن ماعندي خبره فيه ابد ناوي اركبه على جمس سييرا 2500 غماره موديل 13 الموتر جديد وتوه ماشي الف

وين افضل ورشه للتركيب ووش افضل مبرد

وهل تتوقعون يكون فيه مشكله مع الوكاله بعد التركيب يعني هل ممكن يلغون الضمان

علمن ان موقعي الرياض

مفضخ الشري

26/02/2014, 06:28 AM

اللي اعرفه احسن مبرد قير نوع هايدن و التركيب اي ورشة تركبه امره سهل
يفيدونك الاخوان اذا فيه شيء افضل

GMC 111

26/02/2014, 03:02 PM

الله يعطيك الف عاافيه اخوي وننتظر المزيد من الردود

GMC 111

27/02/2014, 03:46 AM

للرفع الله يرفع مقداركم

الودعاني711

01/03/2014, 11:59 PM

شباب جمس 8100 حرارة القير على 95 هل هي طبيعيه واحيانا اكثر

كم التكلفه مبرد القير مع التركيب وهل مكان المبرد نفس الاديتر ولا يختلف مكانه..؟؟

بدوي جنوبي

02/03/2014, 12:10 AM

ممكن يلغى الضمان
تعرف الوكالات عندنا يدورو اى شغله عشان يلغو الضمان
أسئلهم فى الوكاله بكم يركبوه
اذا شفت ان السعر مقارب للشغل في الورش
الافضل تركب عندهم .

طبعا الفكره بسيطه
مبرد صغير يركب خلف الشبك وأمام رديتر المكيف
يكون فيه عدد 2 ليات (هوز) واحد لدخول الزيت يتبرد والثانى لخروج الزيت
ورجوعه للقير .

ينقل لقسم السيارات وتجهيزاتها
القسم المناسب

بحر الاشواق

02/03/2014, 01:08 AM

وعليكم السلام
ياالغالي مبرد القير حسب استخدامك للسياره اذا استخدامك عادي للسياره فأشوف انه ماله لزوم

عندي 2011 حجم 1500 ويالله لك الحمد اسافر واكشت واطاعس واقلص واحملل عليه واعلا ماوصلت له حراره القير مدري 95 او98 ناسي كم بالضيط مع ان حد الخطر هو 125

دوج رام 98

02/03/2014, 10:10 AM

مبرد القير حق الوكالة يفي بالغرض لكن إذا كان أستخدامك شاق للجمس هذي روابط طريقة تركيب مبرد قير أكبر وأفضل للجمس

:

مبرد قير ( hayden - plate ) ( شرائح ) كفائه عاليه
http://www.mekshat.com/vb/showthread.php?p=9657524 (http://www.mekshat.com/vb/showthread.php?p=9657524)

ولله الحمد والمنه تم تركيب مبرد قير للتاهو 2008 والتجربة
http://www.mekshat.com/vb/showthread.php?t=505631 (http://www.mekshat.com/vb/showthread.php?t=505631)

ترهيم مبرد قير بالصور
http://www.mekshat.com/vb/showthread.php?t=528202 (http://www.mekshat.com/vb/showthread.php?t=528202)

تقرير مصور عن تركيب مبرد قير ( مخ سعودي )
http://www.mekshat.com/vb/showthread.php?t=576768 (http://www.mekshat.com/vb/showthread.php?t=576768)

صريح المقال

03/03/2014, 08:55 AM

السلام عليكم ورحمة الله وبركاته :)

السلام عليكم ورحمة الله وبركاته

حياكم الله اخواني

حبيت استفسر عن مبرد القير تركيبه واضراره وتكلفته سمعت عنه كثير وعن فوائده لاكن ماعندي خبره فيه ابد ناوي اركبه على جمس سييرا 2500 غماره موديل 13 الموتر جديد وتوه ماشي الف

وين افضل ورشه للتركيب ووش افضل مبرد

وهل تتوقعون يكون فيه مشكله مع الوكاله بعد التركيب يعني هل ممكن يلغون الضمان

علمن ان موقعي الرياض

وعليكم السلام ورحمة الله وبركاته :)

استفساراتك عديدة وسأجيب حسب ما أعرف عن الذي أعرف فقط:

ووش افضل مبرد حسب ما وجدت لدى بحثي العام الماضي لعزمي على تغيير مبرد القير (ولم أقم بتغييره حتى الآن)ولكن وجدت أن مبرد قير البلد صغير جداً وعند تغييره بواحد أكبر ستجد فارق في درجات الحرارة ولكن هل كل مبرد قير أكبر ينفع ؟!
نظرياً .. إيه :)

ولكن فعلياً هناك عدة صناعات للمبرد تختلف حسب حاجة موترك وحسب مقدرتك المالية وحسب سهولة التصنيع ومدى ارتفاع الحرارة في بلدك ..

وجدت ان فيه ثلاثة أنواع تقريباً رئيسية :

1- مبرد أكبر مع مراوح كهرب مثبته فيه ومهمتها تبريده: وهذا ناجح مع البعض ومحتاج كهرب وحيز يستوعب المبرد مع مراوحه والجمس السييرا يتوفر فيه مساحة كافية إذا كانت المراوح أمام المبرد حسب ما رأيت :)
العيوب:
- تعطل المراوح.
- صوت المراوح قد يكون عالي أو واضح.
- المبرد نفسه قد تكون نوعيته رديئة والمراوح تشتغل بإستمرار للتبريد.

2- مبرد بدون مراوح (نظام مواسير): وهذا سهل الإنتاج لإعتماده على مواسير يمر فيها الزيت الحار بعد ما يطلع من الأديتر ويرجع ثانيه ويعتمد على الهواء للتبريد وبحكم انه مواسير لابد يكون فيه تيار هواء قوي عشان يتم تبريد الزيت وهو أرخص أنواع المبردات.
عيوبه:
- الزيت يمر خلاله بكمية كبيرة وهذا يحتاج تيار هواء قوي لتبريده ومن هنا يتضح انعدام فائدته في البر (الطعوس والرمال كمثال) حيث لا يمكن السير بسرعة عالية للتبريد.

3- مبرد بدون مراوح (نظام شرائح): وهذا الأفضل حسب ما وجدت في بحثي الشخصي (وأرجو الإنتباه لكوني بشر يخطيء ويصيب) ويعتمد على شرائح دقيقة (وليست مواسير) يمر من خلالها الزيت بكميات بسيطه فيسهل تبريده بأقل تيار.
العيوب:
- قد يكون قابل للتلف أكثر من المواسير لإعتماده شرائح رقيقة فيجب التعامل معه بحذر وعدم استعمال العنف أو الخشونة عند تركيبه أو تحريكه !.

أما بالنسبة لأفضل مبرد قير (نظام شرائح) والحديث هنا عن الجمس السييرا الحديث من (2007 -2013) ولا أعلم عن بقية السيارات، يوجد نوع معروف لدى بعض ملاك الجموس ومع الأسف الشديد هناك تكتم لدى كثير منهم على نوعه وعلى مصدره وكيفية شرائة لكي تقوم مجبوراً بالشراء منهم ومع الأسف أن هذا هو الحاصل في أكثر من موقع وحتى في هذا المنتدى (وهذا ما يجعل البحث بالمواقع العربية عن قطع أو إضافات عقيماً في أغلب الأحوال حيث ستجد من يمدح ويشرح ولكن إذا بغيت تسوي مثله لازم تتواصل معه وتشتري منه!) ..

اسم مبرد القير بالكامل (وهو يخص الكرفانات الكبيرة وبعض الفانات ويركب مضبوط بالسييرا) :
Tru-Cool Max LPD47391 47391 Low Pressure Drop Transmission Oil Cooler

وتستطيع من خلال هذا الإسم البحث عنه في مواقع قطع الغيار وشرائة من الخارج

التكلفة: حسب شطارتك في معرفة الوزن واختيار شركة الشحن المباشرة ما راح يتعدى سعره الـ 800 ريال بإذن الله :)
و سعره لحاله حوالي 520 ريال
ولكن مع الشحن يطلع حول الـ 750 - 800 ريال.

روابط للمبرد:

بالأمازون من نفس الشركة المصنعة:
http://www.amazon.com/gp/product/B0060NKA1U/ref=ox_sc_sfl_title_5?ie=UTF8&psc=1&smid=A13AUTDWR4ZTG9

بالإيباي مع شحن مباشر بتكلفة (800 ريال تقريباً):
http://www.ebay.com/itm/261236299635?ssPageName=STRK:MESINDXX:IT&_trksid=p3984.m1436.l2649

.
.
.

هل ممكن يلغون الضمان

ايه ممكن جداً إذا علمتهم :)

وميزة مبرد القير ما يحتاج توليف أو تغيير فعلي بالمكونات مجرد استبدال، وتستطيع إرجاع مبرد البلد في حال أردت إدخاله الصيانة أو بيعه وهذا حسب بحثي المتواضع ولم أقم بالتجربة عشان تكون بالصورة أخي الكريم ..

.
.

والمعذرة على القصور وعلى التأخر في الرد :)

هذا ما لدي فإن أصبت فمن الله وحده، وإن أخطأت فمن نفسي والشيطان.

والسلام عليكم ورحمة الله.

صريح المقال

03/03/2014, 01:48 PM

السلام عليكم ورحمة الله وبركاته :)

إلحاقاً لما سبق في ردي السابق أود التنبيه إلى نقطة زيت القير بعد تبديل المبرد بواحد أكبر حيث يجب إحتساب حجمه وإضافة ما يناسب للوصول إلى مستوى زيت صحيح ..

مدري كم بالضبط بس ذكرو انها حدود 300 مليلتر، حيث ان تغيير زيت القير مع الفلتر يحتاج 5.7 لتر ويضاف له 300 مليلتر ليصبح 6 لتر عند تركيب المبرد المشار إليه في ردي السابق :)

والأفضل دائماً إضافة القليل وقياس المستوى حتى الوصول للمستوى المطلوب (لأن زيادته مشكلة وصعب تنقص منه إلا بفتح الصرة من الأسفل حسب ما أعرف!)

مع العلم لو بتركبه من دون تغيير زيت وفلتر للقير بتحتاج لزيادته في كل الحالات لأن الزيت بينقص وقت فك المبرد الأصلي ..

ولاحظ اني أتحدث من دون خبرة سابقة ولكن بحث وقراءة ومطالعة :)

هذا ما لدي فإن أصبت فمن الله وحده، وإن أخطأت فمن نفسي والشيطان.

والسلام عليكم ورحمة الله.

GMC 111

03/03/2014, 02:52 PM

ممكن يلغى الضمان
تعرف الوكالات عندنا يدورو اى شغله عشان يلغو الضمان
أسئلهم فى الوكاله بكم يركبوه
اذا شفت ان السعر مقارب للشغل في الورش
الافضل تركب عندهم .

طبعا الفكره بسيطه
مبرد صغير يركب خلف الشبك وأمام رديتر المكيف
يكون فيه عدد 2 ليات (هوز) واحد لدخول الزيت يتبرد والثانى لخروج الزيت
ورجوعه للقير .

ينقل لقسم السيارات وتجهيزاتها
القسم المناسب

هذي مشكلتنا مع الضمان

عمومآ يعطيك العافيه اخوي بدوي وماقصرت يالغالي

GMC 111

03/03/2014, 02:53 PM

وعليكم السلام
ياالغالي مبرد القير حسب استخدامك للسياره اذا استخدامك عادي للسياره فأشوف انه ماله لزوم

عندي 2011 حجم 1500 ويالله لك الحمد اسافر واكشت واطاعس واقلص واحملل عليه واعلا ماوصلت له حراره القير مدري 95 او98 ناسي كم بالضيط مع ان حد الخطر هو 125

والله الاستخدام متوسط تقدر تقول طبيعي مثل اي شخص لاكن المقصد من التركيب بعض الناس اشوفهم يقولون انه يطيل عمر القير بعد مشيئة الله

GMC 111

03/03/2014, 02:55 PM

مبرد القير حق الوكالة يفي بالغرض لكن إذا كان أستخدامك شاق للجمس هذي روابط طريقة تركيب مبرد قير أكبر وأفضل للجمس

:

مبرد قير ( hayden - plate ) ( شرائح ) كفائه عاليه
http://www.mekshat.com/vb/showthread.php?p=9657524 (http://www.mekshat.com/vb/showthread.php?p=9657524)

ولله الحمد والمنه تم تركيب مبرد قير للتاهو 2008 والتجربة
http://www.mekshat.com/vb/showthread.php?t=505631 (http://www.mekshat.com/vb/showthread.php?t=505631)

ترهيم مبرد قير بالصور
http://www.mekshat.com/vb/showthread.php?t=528202 (http://www.mekshat.com/vb/showthread.php?t=528202)

تقرير مصور عن تركيب مبرد قير ( مخ سعودي )
http://www.mekshat.com/vb/showthread.php?t=576768 (http://www.mekshat.com/vb/showthread.php?t=576768)

شكرآ لك يالغالي افدتني كثيرآ بارك الله فيك

GMC 111

03/03/2014, 02:57 PM

السلام عليكم ورحمة الله وبركاته :)

إلحاقاً لما سبق في ردي السابق أود التنبيه إلى نقطة زيت القير بعد تبديل المبرد بواحد أكبر حيث يجب إحتساب حجمه وإضافة ما يناسب للوصول إلى مستوى زيت صحيح ..

مدري كم بالضبط بس ذكرو انها حدود 300 مليلتر، حيث ان تغيير زيت القير مع الفلتر يحتاج 5.7 لتر ويضاف له 300 مليلتر ليصبح 6 لتر عند تركيب المبرد المشار إليه في ردي السابق :)

والأفضل دائماً إضافة القليل وقياس المستوى حتى الوصول للمستوى المطلوب (لأن زيادته مشكلة وصعب تنقص منه إلا بفتح الصرة من الأسفل حسب ما أعرف!)

مع العلم لو بتركبه من دون تغيير زيت وفلتر للقير بتحتاج لزيادته في كل الحالات لأن الزيت بينقص وقت فك المبرد الأصلي ..

ولاحظ اني أتحدث من دون خبرة سابقة ولكن بحث وقراءة ومطالعة :)

هذا ما لدي فإن أصبت فمن الله وحده، وإن أخطأت فمن نفسي والشيطان.

والسلام عليكم ورحمة الله.

مابقيت شي عسا عمرك طويل

اشكرك جزيل الشكر يالغالي على ردك المفيد ماقصرت الله يرحم والديك

تحياتي لشخصك الكريم