رأيكم، ماكسس نقشة شاهين او شاهين سوموتومو؟

[خبايا انسان]

السلام عليكم ورحمة الله وبركاتة

اسعد الله اوقاتكم بكل خير..

اخواني بركب كفرات ان شاء الله وشوروا علي بأحد الخيارين هذي:

1- ماكسس نقشة شاهين، الصناعة تايلندي
المقاس- 245/85/16

8 غاط. سلك وليس نايلون

السعر 420 ريال / طبعا الكفر جديد توه نازل بالسوق من 3 شهور تقريبا

____________________

2- شاهين سوموتومو، الصناعة ياباني
المقاس- 245/85/16

مايجي غاط، كفر حراري

نايلون وليس سلك

السعر 420 ريال والكفر معروف

__________________

مع العلم ان المقاسات والاسعار متساوية،

ويختلفون بالصناعه واحد سلك وتايلندي والثاني نايلون ياباني،،

لكن السؤال احد فيكم جرب الماكسس نقشة شاهين !؟

كيف المطب وكيف استخدامه بشكل عام..

شاكر لكم

[محنك]

عليكم السلام .... بالنسبة للماكسس الرملي نقشه رمليه شبيه الشاهين , ذكرت انه 8 غاط ,,,, وهذا غير صحيح ....
والصحيح انه بدون غاط وماكتبو على جنبه أي شي يخص الغاطات ..... وبالنسبه لقوه الجنب فهو اضعف بكثير من جنب الشاهين ومن جنب الهانكوك الرمليات ولا انصحك فيه ابد ضعيف جدا جدا ..... وجديد ع السوق مانزل الا من 5 شهور فقط .
اما الشاهين السوموتومو فهو معروف بالبناشر وضعفه مع الجنب .
والهانكوك الرملي يعتبر افضل من الاثنين السابقين لانه اكثر ربل .. واقوى . وجميعها رمليات مخصصه للطعاميس والنفود . وليست للاستخدام العنيف .
وفيه ماكسس 85 /235/16 ... 10غاط . هذا مناسب لك دعسته حجرية متواصلة ولين وجنبه قوي , وبالنفود حلو .

[خبايا انسان]

ياطويل العمر أنا شايف اكياسه واستكر البيانات مكتوب عليه 8 بلي

[محنك]

اللي انت شفت هذا ماكسس نوع بالون مقاسه 900 /16 ... وليس ماكسس نقشة شاهين .. اللي مقاسه 245/85 /16
ففيه فرق بين البالون .. وبين ماكسس دعسه رمليه اللي يشبه الشاهين .

[خبايا انسان]

لا ياخوي أنا شايف ماكسس نقشة شاهين 8 غاط !

[محنك]

غير صحيح ومن حق .....

[ابن عكاش]

انا سألت عنه عند محل اعرفه ومعامله يقول الماكسس نقشه شاهين جنبه اقوى من السوموتومو
لكن سالفت الغاط مدري عنها على العموم وجهة نظري انهم قريبين من بعض في التحمل يتميز السوموتومو انه ياباني وكل الشواهين بشكل عام كفرات ممتازه للنفود متعبه بكثرة البنشر في الوعر واذا وطت الرمث والعاذر والقشع
تقبل مروري

[ابوحسام9]

بنسبه للماكسس والسوموتومو رديئات للاستخدام المستمر ولا انصح فيهن ثنين من الجماعه ركبو ماكسس نقشة شاهين ممدحوهن انا استخدمت والسوموتومو يمسح بسرعه واذا وصل نصف العمر يبنشر بسرعه لايصلح لاللنفود ولا للحصى غلا على غير سنع ولاكن انصحك وبشدة بالهانكوك العشره غاط الي ذكرلك اخونا المحنك

[خبايا انسان]

انا اتضح لي ان الماكسس مايجي غاط ، واعتذر عن هذه المعلومة،،

وسألت اكثر عنه قالوا لي انه مشروك نصفه نايلون ونصف سلك

وكفر الهانكوك مشكلته ثقيل بزود

[صاحب حي]

انصحك وبشدة بالهانكوك

[ابوصالح77]

أخي العزيز
نصيحة لوجه الله
لا تتعدى الدنلوب الحجري المضلع كد ومد

[التعـ King ـديل]

نقشه الشاهين افضل شي الهنكوك وعن تجربه

لا ماكسس ولا سوموتومو